تويت
العراق الواحد
الليلة أجمعلك النجمات
الليلة مرصع بالماس
وأجمعلك الايام في يوم
وأجمعلك الانهار في كأس
نشرب سوي من نخب الحب
بصحتك حبيبي بصحة الناس
دق الخشب صابتك العيون
واحرق بخور وحرمل وياه
وأمشي علي طولك ياحبيبي
شمحلاك تمشي ورافع الراس
بيت اللي حواك الله جمع بيه
رمضان والمندل والقداس
طه ويسوع وعرب وأكراد من تركمان وبني اشور
وغوش ويزيدية أجناس وقوميات وأعراف
يا ابو الحسن ياعلي الكرار ياعمر ياعادل يافاروق
يا ابو حنيفة وكيلاني يالحمزه يالكاظم ياعباس
أه أه ياعراق
لاتفرقة ولاسوم عدنا واحد وطنا يبقي واحد
والله يمه الشعب يبقي عائلة واحدة وتبقي الاعراس
كل العراق وسادة واحدة الف الصلاة والشكر
محصن وطنا بنبض القلوب
ياعراق شعبك كله حراس
ياعراق شعبك كله حراس..
* * * *
- كريم العراقي
تعليق