تويت
اليوم ياقلب الشقا كيف أعزيك ؟؟
اليوم ياقلب الشقا كيف أعزيك
كيف الحزن يقدر يواسي التعاسه
ياقلب هونها عسى الله يخليك
وانسى هوى اللي جرعك مر كاسه
ياقلب لاتأسف على اللي مجافيك
زرعت له ودك وهذي غراسه
اصبر عساها تنفرج في لياليك
وخذ العبر من درب صعب مراسه
اما تود اللي يودك ويغليك
والا اعتزل درب الهوى من أساسه
ماكل من يعجبك زوله يصافيك
وخذ من تجاربك المريره فراسه
ياقلب قلي فين صدقك يوديك
في كل نشوة حب تلقى انتكاسه
يعاهدك بالأمس محد يوازيك
واليوم ودك حدر الاقدام داسه
ماكنت افكر انظم الشعر وارثيك
لكن حالك صعب يوصف احساسه
تعاستك حزني وصعب اواسيك
صعب الحزن يقدر يواسي التعاسه
قصيدة اعجبتني ونقلتها من احد المنتديات
وارجو ان تعجبكم مثل ما اعجبتني
تعليق