قصيدة يابليس انا وياك ربع ورفاقه - ياسر التويجري

تقليص
X
 
  • الوقت
  • عرض
إلغاء تحديد الكل
مشاركات جديدة
  • *مزون شمر*
    عضو مؤسس
    • Nov 2006
    • 18994

    قصيدة يابليس انا وياك ربع ورفاقه - ياسر التويجري

    يابليس انا وياك ربع ورفاقه
    ومن بينا ميثاق وعهود وصكوك

    انت توردني دروب الحماقة
    وأنا لاضيعت قمت العن أبوك

    ياذا العور وان كان مافيك طاقة
    مالك عذر وانت على المتن معكوك

    عندي على درب المهالك لياقة
    على النقا والكسب يابليس مشروك

    ولك الفخر يابو البلا والشقاقة
    اني انا شاعر ملك كان مادروك

    شاعر أبو متعب صليف الطراقه
    على الزعيم من ورا الناس محروك

    يابليس تدري وش حلات الصداقه
    اني ليا ضيعتها جيت للبوك

    وغديت بين المحفظة والبطاقة
    وتشكلت فرتك ميات وشيوك

    ولغيت عندي ماتسمى العلاقة
    ماتنبنى طبعا على عطني ودوك

    كثرت هروج مدورين الخناقة
    يبون فتحة باب ماهو بمصكوك

    واللي قهرني صدق ان اللواقه
    مهوي وفارغ وفاشل وصعلوك

    اسمع هدير وكل ماشفت ناقة
    ومتن الجرب مبعد ومهمل ومتروك

    والله مالد الا على اربع عماقه
    ونا وريث ملوك واخاطب ملوك

    عبدالله وسلطان واكبر شقاقه
    نايف وزير الداخلية وانا اخوك

    والرابع محمد وسيعن نطاقه
    ولي عهد الدار مبرك ومبروك

    ماهو بغصب إلا بطيب ولباقه
    والظن فيني وثق ماهو بمشكوك

    شاعر طغى ماني بشاعر أناقة
    والشعر اعلكه شبك ماعلكه علوك

    أكثر ماحبه في الحياة الطفاقة
    واكره ماشوف الحر لا صار مملوك

    ياللي تعكز بي بعد جتك إعاقة
    سلام وانت تدري بقافية أوك

    يعني أبرفعها واعرفك طباقه
    ماتدري ان البيت واضح ومحبوك

    أقدر أوطيها عليك بسياقه
    لكني اكبر منك مير انت غروك

    المير خذلك وردتن وسط باقة
    ودوج بسوق الفيصلية وهردوك

    وخلك قريب من صالون الحلاقة
    وليا شربت الببس لاتلحقه كوك

    حنا هل الوجهة وقوم الرواقه
    هل الدلال اللي بها الهيل مدكوك

    ويلان من ويلان ساقه بساقه
    في نجد وليا اشملت عرعر وتبوك

    ومافيه حدن حد وايل وعاقه
    روسن مع العربان ماحنا بوروك

    الورع منا لالعب بالتفاقه
    يرمي لحم مايرمي عصي وجيوك

    خبل عنزة ما اقفى العدو في نياقه
    افتكها ولا انت خبلن و مفكوك

    إلياكلنا مانحب الذواقه
    نشبع ولا نترك للا نذال متروك

    وسيوفن ارهى من سلاحك بطاقة
    واشبار اطول من خطاويك ببلوك

    ماحقتها ولاحب الحواقه
    ربعك لهم في المجد دربن ومحيوك

    سلطانهم لاحل ذر الرواقه
    شالوا ثقيل الحمل مير انت خلوك

    الشعر حنا حاسبين احتراقه
    عندك يوم اللي بجمبك تحدوك

    الشعر انا ماجيت احسب أوراقه
    جاني على لوكي وجيته على لوك

    أكبر فخر للشعر اني نطاقه
    وأكبر فشل للشعر من يوم رزوك
    التعديل الأخير تم بواسطة ღ حلمي وجودك ღ; 17-11-2009, 01:27 PM.
  • سميا
    عضو متألق
    • Dec 2008
    • 291

    #2
    ابيات رائعه
    جزاك الله خير

    تعليق

    • دلع ولع
      عضو متألق
      • Aug 2008
      • 378
      • اسهر ودمعي على خدي
        .....................................حبك وكرهك مهوب بيد

        ظالم ظلمني الزمن في هواك
        .....................................يا صغير السن يا مدلل

      #3
      الشعر انا ماجيت احسب أوراقه
      جاني على لوكي وجيته على لوك

      أكبر فخر للشعر اني نطاقه
      وأكبر فشل للشعر من يوم رزوك


      صح لسانك ولسانه

      دمتي بود

      تعليق

      • •  •
        عـضـو
        • Nov 2009
        • 7

        #4
        صح لسانه وتسلم يمينك يالغلا
        وعساكِ ع القوه

        تعليق

        • دلعي معذبهم ♡
          V - I - P
          • Sep 2009
          • 4321



          • انستقرام /
            saomr



          #5
          مزون شمر
          القصده رائعه في قمة الروعه
          يعطيكي العافيه
          تحياتي
          شوشو

          تعليق

          • ᵽ¡ҋʞ ║•
            V - I - P
            • May 2011
            • 4079

            #6
            رد: قصيدة يابليس انا وياك ربع ورفاقه - ياسر التويجري

            يعطيك العافيةة ع الابيات الذوق ~

            تقبلي مروري

            دمتي بخير ~

            تعليق

            • zinaa
              عـضـو فعال
              • Jul 2016
              • 83

              #7
              رد: قصيدة يابليس انا وياك ربع ورفاقه - ياسر التويجري

              قصيدة جميله
              اعوذ بالله من الشيطان الرجيم هههه

              تعليق

              • وليف الغالي
                عـضـو
                • Jan 2017
                • 5

                #8
                رد: قصيدة يابليس انا وياك ربع ورفاقه - ياسر التويجري

                احب شخصيته واسلوبه

                تعليق

                google Ad Widget

                تقليص
                يعمل...