تويت
الاسير كل ما طال الجفا حبك يزود
وكل يوم ٍ لك بقلبي منزله
كنت اظن القلب يدله بالصدود
مشكله من بعد صدك مشكله
ماتركته لين جودت العقود
ومن يحل عقود حبل ٍ تفتله
كيف تنسى حبنا ياكبر جحود؟
وكيف حبك بالضماير تجهله
كيف تنسى كان للماضي تعود؟
وتذكر اللي فالخيال مسجّله؟
كنت تبني صرح حبك يالعنود
ولو يجي في درب حبك معضله
بالتفائل والأمل زحت السدود
وكنت ترجع تبتدي به با وّله
وانت من قال المحبه بلا حدود
وكل يوم يزود لي عندك وله
لين طحت بسحر عينك والخدود
كل عين تقول عندي وازهله
والله انك قدتني للموت قود
بعد ماحلحلت قلبي حلحله
الأسير اللي تتله بالقيود
ابك عجّل واعتقه والا اقتله
تعليق