تويت
يا طووووول صبري ياطول صبري ياهوى البال طولاه
والراس شيّب والسبب طول صبري
القلب قفى قفاية مقيط ورشاه
ولاهوب ظني في مكانه بصدري
فقدت قلبي يوم خله تمثناه
بأول ثلاثه عام عشرين هجري
قمت اتنشد ياعرب وين ابا القاه
وليا سألت الناس قالو مهذري
واثره تبع خله وخله تولاه
واسقاه من سم الغرام السقطري
يتبع هوى المضنون من حيث وداه
واذا نشدته قال والله مادري
ابا اتبع اللي ياعسى العمر يفداه
خل ً تغلغل في ضميري وفكري
حاز الجمال وفاق والحسن يزهاه
وكل مانظرته قلت يفداك عمري
قلت اتركه ياقلب وش فيه تبغاه
مادام في حب الغنادير غدري
ولصرت تنعى حالتك من سواياه
خله على ماقيل ياقلب يسري
ترا هوى الخفرات ياقلب توّاه
ولاينفعك لو كنت فالحب حذري
ماشفت قيس ابن الملّوح وليلاه
واللي جرى له خايف اليوم يجري
قال اتركه؟كيف اتركه؟. كيف بالله
كيف اترك اللي مانوى يوم هجري
خل ً صفالي ..صرت انا كل دنياه
بوضح النقا حب ٍ عفيف ٍ و عذري
ببقاء معه من وين ماراح وياه
وبدري عليك اجيك ياشيخ بدري
وخليت قلبي معه لارحّم مجناه
ويالله دخيلك كيف بيكون صبري ؟
منقووول
تعليق