من قبل لا تكتب وتشطب في طلوع وفي نزول

أحيان في قمة جبل وأحيان في بطن المسيل

أبسألك ياصاحبي يمكن تسميها فضول

الشعر وش يعني خلاف الحزن والوزن الجميل ؟

وبسألك ليه الحياه اللي نقدسها تزول

واللي نحبه دون ماسبه تزفه للرحيل

وبسألك؟ وبسألك؟ وبسألك؟ ماأبغى حلول

ودي تحط إيديك فوق الجرح وتداوي عليل

كم من وجيه إتمرنا وأنته وأنا يمكن نقول

هذا مثل هذا..وهذا غير هذا مستحيل

وكم من حروف إنمرها ونذرها تنبت حقول

كريمه حروف القصايد كل ما أتهجى بخيل

سافر على أعماقي تلاقي سحر تهذيب العقول

يالشاعر اللي مالقى في ظل تفكيره مقيل

والشعر(وحي النفس)والشاعر لما دونه رسول

مداين أحلامه براد وغصن زيتون وهديل

أما الحياه اللي بها عمرك يطول ولا يطول

من حلوها في مرها وتمرها عابر سبيل
الشاعر علي