بكيفك حبنا ما هو غصيبه
ترى راع الهوى حظه نصيبه

اذا قلبك تخلى عن هوانا
انا للحين قلبي مع حبيبه

احبك لو تقول اللي تقوله
ولو تدعي عليّه بالمصيبه

أحبك ثم احبك ثم احبك
جرحت القلب داوه يا طبيبه

الا يا زين كل الناس حولي
ولكن غير زولك ويش ابيبه

انا ماني بحي الله واحد
لجاله ربع ما يبغى رضيبه

انا ما دام حطيتك بقلبي
ابيك اليوم من قلبي قريبه

ليا منك دخلتي في فؤادي
عسى الدنيا تجيب اللي تجيبه

حبايب قلبي اللي ما بعدهم
ورى يرضون للعاشق غليبه

يجازوني على وصلي قطاعه
واجازيهم على الحرمان طيبه

إذا كان ان عذروبي هوايه
لك الله حب عنتر ما يعيبه

الا يا الله يا عالم خفانا
يا رازق ف الخلا شاته وذيبه

ويا عالم بمن ف البحر عايش
ومن ف البر واقف ويعدي به

ويا عالم جموع النمل حتى
وهو تحت الصفا تسمع دبيبه

تلين قلب محبوبي عليه
ولن عيا تراك انته حسيبه

انا والله تعبت من المحبه
عجيبه صدق هالدنيا عجيبه
عليك القلب يا الغالي تفطر
وشبت فيه من نارك لهيبه

لك الله ما ذكر بالوقت عاشق
ينام الليل وجروحه عطيبه

لكن انتي تملكتي فؤادي
فداك اليوم بيعي واشتريبه

ولامنك فرحتي وانشرحتي
خذي قلبي بكفك وارقصيبه

انا بدعي على خل(ن)ضلمني
ونلقا للدعا من يستجيبه

الا يا جعل ما حي(ن)يمره
ولن مره يشوف اللي يريبه

ومن عزه عسى الله لا يعزه
ولو انه يكون اقرب قريبه

ومن صانه عسى الله لا يصونه
ومن ثابه عسى الله لا يثيبه

م
ن
ق
و
ل