قبر عاشق

اتجاه المشاعر وإتجاه الشعور
حدني في غلا من لا يعرف الغلا


السهر بالليالي والصبر بالشهور
كلها لأجل عينه والغلا والولاء


وين أبا القى السعادة والهنى والسرور
والمحبه بلا واليوم زاد البلا


كل ما أمد من قلبي لقلبه جسور
كني ألا مسافر في ظلام وخلا


لو عطيته ورود ولو عطيته زهور
ما نطق مرحبا وألا تكلف هلا


قلت يمكن جحود وقلت يمكن غرور
بس ذقت المراره ما عرفت الحلا


نور وإليا مشت يمشي على الأرض نور
كل ما شفتها قلبي بنور أمتلى


عينها سحر يجذبني بلايا شعور
ورمشها مثل رمش عيون ظبي الفلا


ما يكفي قصيد ولا يكفي سطور
وصفها غير عن كل البشر والملا


احفروا لي قبر يا زايرين القبور
وأكتبوا قبر عاشق والمحبه بلا