سوالفنا

**صاحبة سمو القلب المغرور** · 26-02-2008, 01:31 AM

مساء الخيرات ..

مساء الورد والكادي ..

كيف الحبايب اليوم ؟؟ مرتاحين ؟؟

وصلت لكم متأخرة عن الوقت .. والكوفي ماله لزمة الحين ..

وبما اني بردانه حيل .. جبت لكم زنجبيل يدفيني ويدفيكم . .

::

::

نشوف الحلوين وت جديدهم ..

سلطان شمر

اختي صاحبه اجل حتى لو كانوا وفيين اجل باطل زواجهم لانه باطل المبدأ الليتعرفوا منه

يعني كلامك في تناقض بسيطوهو ما بني على باطل فهو باطلليس محلها هذا الموقف

أنا تكلمت عن رأيي بموضوع الحب بإني ماأقتنع فيه شخصيًا يكون بالطريقة هذي

لكن المثال اللي جبته لكم شي سمعته وحقيقة لازم أعترف عليها مالها علاقة برأيي وقناعاتي ..

::

::

عنفوان العاطفة

يا هلا ومرحبا !!

ياهلا فيك ..

حياك ربي ..

أبي أفتح موضوع

!

افتحي مواضيع المكان مكانك ياقمر ..

اش رايكم لما تكتب البنت الشعر وخاصه الغزلي ؟؟

الشعر نوع من أنواع الأدب ماأشوف فيه خصوصية لبنت أو شاب

واعتبرها ملكة وموهبة نادر من يتقنها ..

أما عن الغزلي .. ماأظن فيه اشكال تعبر عن عاطفتها ورومانسيتها ..

لكن بحدود الأخلاقيات .. وماتتعدا الخطوط الحمراء بالكلام الجريء ..

تحياتي وصادق أمنياتي

يخليك ربي ياغالية .. نورينا ع طول ..

::

::

سولتان ورونه ..

ترا بعلقكم بالمروحة < --- بلشت بعيالها

يكفي مناقر ولا مافيه شوكو ..

::

طيب عندي محور بسيط وحابة اتكلم فيه معاكم ..

تشوفون اننا جيل سلبي ؟؟

ينام ويصحى يتذمر من وضعه بدون مايحاول يحسن فيه شي ؟؟

ومايتقبل أي جديد إلا بعد مايمر وقت طويل ونكتشف انه مهم بحياتنا ؟؟

مارح أقول الكل .. لكن فيه نسبة كبيرة ..

مايتقبلون أي جديد .. لهم قناعاتهم المترسبة ويمشون عليها بدون مايفكرون هي صحيحة أو لا ..

بدون ماأضرب لكم أمثلة أبغى كل شخص يحب يناقش هالمحور يبحر بتفكيره ويشوف هل فيه فعلاً ناس

حوله كذا ؟؟

وع أساسه رح يطرح لنا مثال حي ويعطينا رأيه فيه ..

::

::

متنفس

تغيرنا ولا ندري من اللي غير أطباعه

ياقلبي قول لاتسكت وش اللي جابنا أغراب؟!

سألتك : ليه تتنهد بصدرك اه ملتاعه

تصب الملح من عينك تناثر دمعك المرتاب ؟!

جنوني ، والذي خلد غلاك بخافقي راعه

سكوتك يكسر ضلوعي وفيني مابقت أعصاب

أبعرف بس من يقدر يكدر خاطرك ساعة

أبعرف بس من غيري يفتح في هواك أبواب

!!

**رونـه** · 26-02-2008, 03:16 AM

المشاركة الأصلية بواسطة صاحبة سمو القلب المغرور

مساء الخيرات ..
مساء الورد والكادي ..

ألحين ثباح العثل والقثته

المشاركة الأصلية بواسطة صاحبة سمو القلب المغرور

كيف الحبايب اليوم ؟؟ مرتاحين ؟؟

الحمد لله نثأل عنك

المشاركة الأصلية بواسطة صاحبة سمو القلب المغرور

وصلت لكم متأخرة عن الوقت .. والكوفي ماله لزمة الحين ..

اي ثح وانتي الثادقه عثان نثحثح

المشاركة الأصلية بواسطة صاحبة سمو القلب المغرور

وبما اني بردانه حيل .. جبت لكم زنجبيل يدفيني ويدفيكم . .

يوووووووووووووووو ماحبه انا احب النعناع

المشاركة الأصلية بواسطة صاحبة سمو القلب المغرور

سولتان ورونه ..

ثمي طال عمرك

المشاركة الأصلية بواسطة صاحبة سمو القلب المغرور

ترا بعلقكم بالمروحة < --- بلشت بعيالها

اهو الي ابتدا اذا ثار ثي وبعدين ماثوينا ثي ماطلعنا من الموضوووع كله بالنقاث الي حطته لنا الأخت

المشاركة الأصلية بواسطة صاحبة سمو القلب المغرور

يكفي مناقر ولا مافيه شوكو ..

تيب خلاث توبه

المشاركة الأصلية بواسطة صاحبة سمو القلب المغرور

طيب عندي محور بسيط وحابة اتكلم فيه معاكم ..

هيه هيه حماث والله المواديع

المشاركة الأصلية بواسطة صاحبة سمو القلب المغرور

تشوفون اننا جيل سلبي ؟؟
ينام ويصحى يتذمر من وضعه بدون مايحاول يحسن فيه شي ؟؟
ومايتقبل أي جديد إلا بعد مايمر وقت طويل ونكتشف انه مهم بحياتنا ؟؟
مارح أقول الكل .. لكن فيه نسبة كبيرة ..
مايتقبلون أي جديد .. لهم قناعاتهم المترسبة ويمشون عليها بدون مايفكرون هي صحيحة أو لا ..
بدون ماأضرب لكم أمثلة أبغى كل شخص يحب يناقش هالمحور يبحر بتفكيره ويشوف هل فيه فعلاً ناس
حوله كذا ؟؟
وع أساسه رح يطرح لنا مثال حي ويعطينا رأيه فيه ..

اي والله صحييييييييييييح وأقولها لكم بصراحه انا كذا احيانا مثلا انا مثل مابعضكم يعرف اني متخرجه من سنه

وادور وظيفه طبعا

بس

وقتي صار كله نوم ونت ونادرا ماطلع من البيت الا اذا امي سحبتني معها

طبعا هالشي انا من الفراغ وكل شي مقفل معي او هذا الي احس فيه لان كل تفكيري صار سلبي من كثر ما انتظر ولا رد من اي شركه ولا بنك ولا احد

تفكيري يصير ايجابي لما احد الشركات تكلم ياخذو معلومات ولما يقولو ان شا الله يصير خير بعد هالجمله تفكيري ينقلب 180 درجه

يعني الشي صار مو بيدي كلما حاولت فشلت من اليأس فيكم تقولو <<< تكسر الخاطر هالبنيه

**إحسآسي غريب** · 26-02-2008, 11:36 AM

انا بصراحه ضد ان البنت تكتب شعر غزلي
لان حلاة البنت خجلها وحيائها وكما نعلم ان الخجل فضيله بالرجل وجمال بالمرأه
هي اذا تخلت عن هذي الخصيصه تفقد احد اهم مقومات الجمال بالمراه(الخجل)
ماقول انها ماتكون شاعره بس تكتب بالصفات الحميده (النخوه , الشجاعه)
او تكتب قصيده بابوها او اخوها لكن تكتب قصيده غزليه بحته تتغزل فيها بشخص مابينهم اي صله او رباط شرعي
فانا ضد هالشي
----
ولي عوده ان شاءالله بس الان عندي محاضره

ويعطيك العافيه ياصاحبة على الموضوع المميز

**رونـه** · 27-02-2008, 02:28 AM

المشاركة الأصلية بواسطة إحساسي غريب

انا بصراحه ضد ان البنت تكتب شعر غزلي

يؤ ليه كفا الله الشر

المشاركة الأصلية بواسطة إحساسي غريب

لان حلاة البنت خجلها وحيائها وكما نعلم ان الخجل فضيله بالرجل وجمال بالمرأه
هي اذا تخلت عن هذي الخصيصه تفقد احد اهم مقومات الجمال بالمراه(الخجل)

معك بهذا بس هالشي مايمنعها تكتب شعر غزلي سواء وصف ولا مشاعر

المشاركة الأصلية بواسطة إحساسي غريب

ماقول انها ماتكون شاعره بس تكتب بالصفات الحميده (النخوه , الشجاعه)
او تكتب قصيده بابوها او اخوها لكن تكتب قصيده غزليه بحته تتغزل فيها بشخص مابينهم اي صله او رباط شرعي

حلو تكتب بهالاشيا كمان بس من هذي الي بتكتب عن ابوها ولا اخوها في الزمن الحالي
من في الادب اخذناها كتبت عن اخوها الخنساء ولا مين مذكر والله هذاك الزمن ممكن تكتب اكثر شي عن الاقارب لان زمن قوه ورجوله حقيقه مو الحين مالت على شبابنا اذا بيتهاوش تهاوش بمنديل

المشاركة الأصلية بواسطة إحساسي غريب

فانا ضد هالشي

وانا اشوفه عاتي

المشاركة الأصلية بواسطة إحساسي غريب

ولي عوده ان شاءالله بس الان عندي محاضره

بيتك ومطرحك على قولة صاحبة سمو

**&الحب المستحيل&** · 27-02-2008, 05:34 AM

هاي
جبت لكم معاي قهوة ماذقتوا مثلها بحياتكم
ابرك من قهوة رونه وصاحبة القلب>>>>>ماتحب القهوة
باجيب لي هوت شوكلت

بس انا اول مرة اشارك بهالموضوع
فماراح اناقش كل مانزل فيه
ويالله بسم الله

على سالفة كتابة البنت للشعر الغزلي انا اشوف انه عادي وبالعكس حلو ان البنت تفرغ عواطفها
بورقة وقلم لان البنت معروف طبعها خجولة وماتقدر تتكلم بصراحة فالكتابة افضل
لكن في حدود المعقول من غير تجاوز وتخطي لحدود الادب

واذا على موضوع جيلنا السلبي
هو سلبي بنسبة 80% وصار النوم والنت هو الشغل الشاغل
مو لان رونه ماتدرس او تخرجت مثل غيرها صارت عالنت وبس تنام
حتى انا اللي ادرس وغيري كثير حياتنا صارت روتين واحد نوم جامعة نت واحيان تلفزيون وغيره من الامور الروتينية
وفوق هذا كله متمللين
نادرا مانحاول نستفيد ونتثقف مع ان النت في بعض الاوقات نتثقف من المعلومات المتوفرة فيه

لكن في بعض الناس ونادرا في تجدد بحياتهم علميا وعمليا
وان شاء الله نكون منهم
ونونه الله يوفقك يارب ويرزقك بالوظيفة اللي تتمنيها
لو كنت بمكة كان حاولت ادبر لك والله يعلم لكن انت بعييييدة الله يفتحها بوجهك
وعقبال ماتخرج انا واتوظف يارب
انا طولت عليكم

وفي موضوع حابة انقله لكم لاني انصدمت فيه صراحة وهو جرييييييييء جدا جدا لكن واقع مر
وابي اعرف شعوركم فيه
ماتوقع ان بهالزمن في ناس كذا بس ماراح اقول اليوم لاني طولت
واخاف انصك بفنجال قهوة

الله يستر بس
واسفة اذا طولت

بس جيبوا لي كابتشينوا عشان اعرف اقول السالفة >>>تتشرط

صاحبة الله يعطيك العافية يارب

**سلطان شمر** · 28-02-2008, 03:17 AM

فعلا زي ما قالت الحب المستحيل

يمكن البنت الشي اللي ما تقدر تقوله ع الطبيعه

يمكن انها تقدر تفرغه بحبر قلمها

**رونـه** · 28-02-2008, 03:19 AM