ياحياتي حط يدك فوق هالقلب وتسمع..بس لاتسأل دخيلك ليه دقاته سريعه



كنت اقول ان ضاقت الدنيا توسع
واتساءل ليه ضاقت في عيوني هالوسيعه



لين شفت الخافق اللي حب من جد وتولع
يحرقه وقته وصارت ايامه حزينه



منحرف حظي واعرفه طول عمره ماتسنع
من عرفت الشوق قاسي والهوى هذا صنيعه



ياحياتي حط يدك فوق هالقلب وتسمع
بس لا تسال دخيلك ليه دقاته سريعه



يوم شفتك داخل عيوني نما حب وتربع
يوم شفتك والحياه القاسيه صارت بديعه



كيف اعيش وبعدك انفاسي بها موتي تمتع
كيف واحلامي غدت دونك كوابيس شنيعه



والحزن اه يالحزن فيني به الخافق تشبع
ليه حملني تناهيد وحمل ما لا استطيعه



اه من قلبي وانا اشوفه مع الوقت يتقطع
يامر عيوني تهل الدمع وعيوني تطيعه



انت حبك غير كل الحب لو ربعه توزع
كل واحد ماعشق قلبه يبي يصبح صريعه



عاد تدري لو هوى كل الخلايق لك تجمع
مايجي ذره من احساسي مدام انك شفيعه



يازماني دامني ما اقوى على عنادك تشجع
وارسم جروحي وانا بشكي على رب الشريعه



يالله اني طالبك من قلب صادق ويتضرع
لا يجي بيني وبينه كره واحزان وقطيعه



يالله اني طالبك وان ضاقت الدنيا توسع
لين تفرج والحياة تصير بوجوده وسيعه



منقولة الامانة