تويت
المراجل
اسعد الله اوقاتكم بكل خير
هذه قصيده للشاعره.. نوف بنت شطيط العتيبي
تستحق القرائه والنشر... فاقرئوها معي
اذا المراجل لبسة شماغ وعقال
قل للعذارى يلبسن العمايم
ماعاد يفرق زول حرمه ورجال
دام الفعايل تشبه البعض دايم
المرجله ماهيب كلمه وتنقال
وتروح ماراحت هبوب النسايم
والا خشونة صوت اورفع الاثقال
او رزة صدور وفعل الزلايم
ولا هي بعد مفتاح وموتر وجوال
ولا ردى لسان حديثه شتايم
المرجله شيمه عن القيل والقال
رفيع نفس حر بالجو حايم
المرجله عقل.. وزن.. وزنه جبال
ودون العقل وش فرقنا والبهايم
يامسندي.. لو مايل الوقت مال
ياولد ابويه.... ياعظيم العزايم
يامعرب الجدين من العم والخال
يانخوة المفزوع وقت الهزايم
المرجله ياخوي في طولة البال
هي العزم.... هي الصبر في الظلايم
فيها الكرم عزه... ودله... وفنجال
فيها الكرامه عن ردى الطبع شايم
ومن لايعرف الرب في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها ياخوي تعم الغنايم
واليا انتصف الليل ياطيب الفال
ياعظمة اجرك وانت ساجد وقايم
والا منهاللرب رفعن الاعمال
حسن الذكر لاقالو فلان صايم
واحذر تبيع النفس في درب الانذال
وتتبع خوي ابليس راعي النمايم
النفس خيل لك اذا كنت خيال
ومن لاقوى نفسه تقواه الهزايم
ولاصرت ماتدري على ويش رجال
والله خسارة فيك ذبح التمايم
وسلامتكم
تعليق