تغير كل شي واصبح زمن يخجل من انفاسه ءءءءء وثوب الجود والنخوه عيت فى لبسها الابدان

تغير كل شي طبعه ودق الليل باجراسه ءءءءء وصار الوقت يتمنى يقابل طيب او احسان

دروب الود تتبدد وصدقن عافته ناسه ءءءءء ومن يشكي بقولة اه يلاقي الصد والهجران

غريبه ماني مستغرب والاغرب لي وطى راسه ءءءءء وذيبن يشتكي جوعه وثعلب مل لحم الضان

وصاحب تطعمه يدك وتشرب مر من كأسه ءءءءء وهمه تنتهي مثله وتلقى الذل والبهتان

اصول الدجل نتعلم وزاد اليوم مقياسه ءءءءء وكلن فيه يتسابق وحظه من بلغ هالشأن

عموريه زمان اسمع سبتها بنت محتاسه ءءءءء فقط صاحت ولبوها وما تغمض لهم اعيان

وحنا صوتنا واضح وغطى اللي سمع راسه ءءءءء وصوت اللي نبي يسمع يدور مثلنا الاذان

نلوم الوقت ونعيبه وحنا العيب وانفاسه ءءءءء ولولا رحمة المولي لما عشنا لحد الان

عروبتنا غدت غابه وبعنا السيف بالطاسه ءءءءء ولاجل الخبز والجبنه عشقنا الطاغي والطغيان

دروب الغرب تتقدم ودربي ينقرض ساسه ءءءءء نشرنا الخير للعالم وصرنا فى خبرهم كان

تغير هالزمن واصبح شهيق الذل بانفاسه ءءءءء وغزه دوم تتالم ويجرح دمعها الاوجان