تخيل بعد هالعشره الطويله
يجي غيرك وياخذك بسهوله
ما دامك بعت الايام الجميله
وشلي بس من حقي اقوله
تباني اشتكي من بشتكيله
لعذالي عسى الله لايقوله
تباني اذرف دموعه هميله
على قولتك تنهان الرجوله
تباني ادخل بعشره بديله
بترضى ان شفت حبي من يطوله
بترضى اعطي فؤادي دخيله
بترضى اسمح لغيرك وصوله
تراه ما هي قضيه من يشيله
ولا قضية من اللي يدور حوله
ولو طاوعت قلبي في دليله
تراه اختار من ناس سعوله
ولكن الامانه بس ثقيله
وحيد امنتني سر الطفوله
واذا الغايه تبررها الوسيله
ابا قلبك يبيلي فضوله
تكلم ما بقت في يديك حيله
علامك صارت عيونك خجوله
خلاص نروح كلا في سبيله
على راسي طلبتك ولا تقوله

والسموحه من الجميع اذا غلطنا علي احد فيكم

اودعكم باخر شعر انشره في هذا المنتدى شكرا كل الاعضاء والزوار ةالمراقبين وكل من حب وعز شوق واعتبرها اخته واتمنى للكل النجاح والتوفيق في الدنيا والاخره
وشكر كل من رد على القصايد اللي نشرتها بالمنتدى وكل المواضيع احلى من الثاني
صحيح ان الفراق صعب بس كل واحد فيكم موجود في القلب
في النهايه تحياتي اختكم الحزينه للابد : شووووووووووووووووق