تويت
السلام عليكم
رائعه للشاعر حسين الاحبابي
ياطير ياللي من قفص صدري رحلت لوين
غريبه ترحل لسجن وقفص ماهو قفص صدري
اعرف الطير لامن فارق اقفاصه يبي ثنتين
يحلق في فضاء واسع ويبي حر اذا تدري
رحلت الله معك وشله اعاتب طيري المسكين
كفايه طاح في حب وغرام وبهذله بدري
حبيبي جاك طيري جاك امانه وانتبه له زين
ترفق به ترى حبك بقلبه مووووت مايدري
ترى مايدري اقفاصك تعذب بين حين وحين
ياليته لو درى يمكن يغير رايه ويسري
اخاف الصبح له موعد مع فرقا وبداية بين
وكسرت خاطر العاشق مرض مستعصي وعصري
ونفرض لو حصل هذا ورجع واسهر خفوق وعين
وش اللي تعتقد يحصل وش اللي تفتكر يجري
اكيد ليا رجع يسال وياربي عليه تعين
اكيد انه يبي يعرف سؤال شاغل فكري
علام الحب مايوفي ولا حتى يرد الدين
يبيع اللي شرى قربه ولذاك اللي جفا يشري
وعلام الطير مايسال قبل لاعرف رحيله وين
وليه احيا لمن بيده صنع تابوتي وقبري
سؤال صعب تفسيره واجاباته بنظرة عين
ولو مليت يادنيا من احبابي معي عذري
حبيبي يابعد كلي خفوقي في يديك الحين
اذا بتعذبه تكفى طلبتك رده بصدري
اختكم مناير
تعليق