بسم الله الرحمن الرحيم

القصه:لاتتركني
كاتبه:الشوق ذابحني18

هذي أول كتابتي واتمني ان تنال اعجابكم وابي تشجيع لاني متردده وخايفه وايد

الشخصيات:
بيت بوخالد:
الاب:<< بو خالد "عبدالرحمن">> عمره 45
الام:<< ام خالد "مريم">> عمرها 43
خالد 22 يشتغل مع ابوه في شركه وماسك منصب رئيس القسم الماليه واطباعة طيب وحبوب وحنون بس اذا عصب لا يحووشك محد يقدر يكلمه الا اذا هدي موصفاتة طوييل وجسمه حلوو جسم رياضي واسمرني وخشمه مثل السيف وعيونه عسليه وحلوو اللى فيه ان تعرف أي شي من عيوونه
-عبدالعزيز 21 دكتور الجراحه ب المستشفي عمه واطباعه هادي وحلييو واذا حب حب من كل قلبه وانسان حساس أي شي يجرحه وصفاته طوييل وابيضاني وعيونه كبار شوي واكثر شي حلوه هو عيوونه الرماديه واللى يجووفه مايقوول هذا كويتي اللى يجووفه يقوول ان لبناني وشفايفه الورديين
-عبدالله 20 يدرس بالجامعه تخصص أداره الأعمال ومتفوق بدراسته واطباعه انسان فكاهي يحب يسوي مقالب في اخوانه وصفاته طوله متوسط وجسمه حلووو جسم رياضي وحنطاوي متبتب شوي
-محمد19 توه متخرج من الثانويه وقاعد بالبيت الحين وياخذ اجازه نقاه على قولته لووول اطباعه مشاغب بدرجه أولى بس انسان حبوب وينحب كل من يشوفه وصفاته قصير مو وايد يعني طوووله زين اسمرشوي وجسمه حلو وعيوونه صغار لو يضحك ماتبين عيوونه جنه صيني لوولو<<مثلى لووول
- شوق 18 تدرس بالثانويه اخر سنه رابعة اطباعها انسانه حنونه وحبووبه وعلى نياتها وهاديه وكتوومه ماتحب تقوول حق احد اللى مضايقها ولا اللى مزعلها<<مثلى ولله وصفاتها بنت حلوووووه تشبه نانسي عجرم بشرتها وجسمها وعيونها الزرق القامج وخشمها الصغنون وحلجها الوردي الصغير وجسمها حلووو وطويله شوي
- غالية17 تدرس بالثانوية ثلاثة اطباعها دلوعه أبوها وعنيده واللى براسها لازم تسويه بس طيبه
نروح بيت بو ركان <<اخو بوخالد
الشخصيات:
الاب:<<محمد"بو راكان">> وعمره50
الام:<< فاطمه " ام راكان">>وعمرها45
-راكان 35 متزوج من وحده من قرايبهم اسمها دانه وعنده توأمين ولد وبنت (حمني- عبدالعزيز-ريم)
يشتغل مع خالد اهو راكان هو رئيس قسم الحسابات
-جود30 متزوجة ولد خالتها ماجد وعندها ولد وبنت (ريم- راشد)
-حمدان 25 خاطب شوق بس ماصر رسمي واطباعه دمه خفيف ينحب بسرعه وحلووو بمعني الكلمه يدرس يالخارج بالامريكه تكتوره(تخصص دكتور اطفال)
-راشد19 نفس ولد عمه محمد ماخذ اجازه نقاه من عقب التعب الدراسه وامتحانات واطباعه نفس ولد عمه محمد
-سلطان 15 يدرس بالثانويه أولى ثانوي اطباعه واحد مغازلجي من درجه اولى وماخلى بنت وماكلمها وغازلها ومغرور ب جماله
-التوأم:سعود+فاطمه10 سنين أخر عنقوود
الجزء الأول:
أشرقت شمس الصباح ويبدء يوم يديد الساعه5.30 أم خالد صحت وصحت معها بو خالد عشان يروح الدوام ولا يتأخر وراحت ام خالد تفتح الستاره عشان تنور الغرفه ب أشعه الشمس وراحت عزكم الله الحمام تغسل وتتوضي عشان تصلى ولما خلصت صلاتها راحت تقعد عيالها عشان الدومات
في غرفه خالد:
ام خالد: خالد يمه يالله قووم
خالد:.................
ام خالد: خالد.. خالد يمه يالله قووم لاتتأخر على الدووام
وراحت ام خالد تفتح الستاره عشان تنور الغرفه
ام خالد: خالد يمه يالله قووم لا يعصب ابووك خالد
خالد:هممممممم
ام خالد:تهز خالد وتشيل الكمبل(اللحاف-البطانيه)عنه يالله قووم
خالد:انشالله انشالله كاني قمت
وراحت وخلتي يقووم وتروح تقووم تقعد عبدالعزيز
في غرفه عبدالعزيز
ام خالد :عزوز يالله يمه قوووم
عزوز:يمه تكفيين خليني انام ماشبعت نووم
ام خالد:يمه شنو ماشبعت قوووم لا تنسي يمه انك دكتوور يالله ياولدي قووم لاتتأخر على دوامك
عزوز:.............
أم خالد:عزوووووووووز
عزوز:ها يمه صاير شي!!!!
ام خالد :بسم الله عليك ..شنو صاير شي يالله قوووم
رد عزوز حط راسه بالمخده
ام خالد:طاع هذي رد ..عزيزان قووووم
عزوز:يمه تكفيين خمس دقايق بس
ام خالد:وشنو تسوييلك هالخمس دقايق..يالله قووم
عزوز:انشالله انشالله
وراحت الام ل غرفه عبدالله
في غرف عبدالله
ام خالد: عبدالله يمه قووم لاتتأخر على الجامعه
عبدالله:..............
ام خالد:عبوووووووووود,,عبداللله
عبدالله:همممممممممم
ام خالد: يالله حبيبي قووم
عبدالله:يمه ماعندي محاضره الحين قعديني الساعه 8 انزين
ام خالد:اممم انشالله على خير يالله رد نام
وطلعت ام خالد من غرفه عبدالله
وطبعاً محمد ماعنده شي فاخلته نايم
وراحت غرفت بنتها شووق
في غرفه شووق:
ام خالد:هايمه قعتي
شوق:صباح الخير يالويه الخير أي يمه قعت
ام خالد ابتسمت:صباح النووور يابنيتي حبيبتي
وفجأ دوون سابق انذار انفتح الباب بالقوه واينصفق بالطووفه(الجدار)
ام خالد وشوق انقزوو من الخرعه
غاليه:منو حبيبتج يام خالد
ام خالد:بسم الله الرحمن الرحيم..انتي شفيج دوومج دفاشه ماكو ذرابه
شوق: وبعدين وياج غليوووى جذي يدشوون على ناس في صباح الله ركدي يابنيه
غاليه: انتي مالج شغل فيني ادش مكان مابيه فهمتي..يمه منو حبيبتج ها
ام خالد:كلكم حبايبي ماكو فرق بينكم ياحبيبتي
شوق:ها ارتحتي يادفشه
غاليه:مالج شغل انتي بروح البس هدوومي احسن من مجابل ويه العنز
ام خالد:غليوووي عييب عليج يايمه احترمي اختج الكبيره وشالكلام هذا من وين تعلمتي ها
غاليه برطمت وراحت غرفتها بعد ماعتذرت من اختها
ام خالد:الله يهديكم بس..يالله يمه انا بنزل واجوف ميري جهزت الريوق(الفطوور)
شوق :انشالله يمه الحين انزل
ام خالد راحت ونزلت تحت وتشوف الريوق جاهز ولالاء!!
ام خالد جافت كل شي جاهز (الزيتون-اللبنه-وقشطه-والجبن-الخبز-الحليب-الجاي(الشاي)..الخ)
بوخالد نزل وراح الصاله
بوخالد:صباح الخير يا ام خالد
ام خالد:صباح النور والسرور
ونزلت شوق وباست راس ابوها وامها
شوق:صباح الخير يبه
بوخالد:صباح النور
ونزل خالد وباس راس ابوه وامه
خالد:صباح الخير
بوخالد+ام خالد+شوق:صباح النور
ام خالد:اصب لك الحليب يابو خالد
بوخالد:أي ماعليج امر
خالد:شمعني بوخالد..وليش مو خالد
شوق:هذا ابووك ولازم هو اول ياخويلد
خالد:طاع من يتكلم..وبعدين اسمي خالد مو خويلد
ونزل عبدالعزيز وباس راس ابوه وامه
عبدالعزيز:صباح الخير
الكل:صباح النور
بو خالد:عيل وين غاليه
وغاليه واهيه نازله مع جنطتها وسمعت كلام ابوها
غاليه:كاني يالغالى..صباح الخير
وتبووي راس ابوها وامها
الكل:صباح النور
بوخالد:وينج يابنيتي ليش تأخرتي
غاليه:لا يبه ماتأخرت انا خلصت بس كنت ادور شغله وبلغصب لقيتها السمووحه
بوخالد:مسمووحه يايبه ..حصل خير بس يابنيتي قبل ماتنامين تأكدى من اغراضج عشان ماتتأخرين الصبح
غاليه:انشالله على امرك يالغالى
ام خالد:بس هو غالى
غاليه :ياربي بدت تغار ام خالد
وبو خالد ميت ضحك على غاليه
غاليه:يا ام خالد غلاتج ومعزتج مثل معزة بعلج الغالى فا لاتغارين كلكم غالين عشان محد يزعل
خالد وشوق بنفس الوقت تكلمو:طاع هذي مصدقه عمرج
غاليه: يمه تغارين ههههههههههههه انتي غاليه وابوي غالى الله يطول بعمركم ولا انحرم منكم
الكل:امييين
بوخالد:ام خالد عيل وين عبدالله ماراح يروح الجامعه
ام خالد عبدالله ماعنده محاضره الحين عنده ساعه 9 بقعد ساعه8 انشالله
بوخالد:على خير انشالله..الله يوفقكم ياعيالى
الكل:اميييين
بوخالد:يالله ياولدي خالد قووم لاتتأخر
خالد:انشالله يالغالى كاني خلصت
وراح بوخالد وخالد الدوام
بعد ماراح بوخالد وخالد
عبدالعزيز:يالله شوق وغلوووى ماخلصتوو
شوق+غاليه:امبل كانا خلصنا..الحمدالله
ام خالد:عليكم بالعافيه والله يوفقكم انشالله
عزوز+شوق+غاليه:يعافيج
وقامو وحبو راس امهم وراح الكل دوامهم
وصلهم عزوز خواته المدرسه وراح دوامه
دخلوا شوق وغاليه المدرسه كل وحده راحت عند رفيجتها
شوق راحت عند رفيجتها وحبيبتها"غاده"بنت حلوه وطيوبه وعمرها نفس شوق وهم رفيجات من هم بالروضه وشوق تحبها مووت
شوق:صباح الخير ياأغلا رفيجه بالعالم
غاده:صباح النور والسرور
شوق:شلونج شخبارج اشتقتلللللللج يالدبه
غاده:تمام الحمدالله جذابه امس جايفتني مسرعه ماشتقتلى وبعدين انا مو دبه ولفت حولى نفسها عشان تراويها
شوق :اقول مالت عليج بس بدال ماتقولين لى تشتاق عليج العافيه ..اقوول امشي بودي جنطتي
وراحوو شوق وغاده الصف تودي جنطت شوق
نروح عند غاليه قاعده مع صديقتها "جواهر"بنت حلوووه وجوهره على اسمها وحبوبه والكل يحبها
غاليه:اقووول جواهر شلون اللى ماتسمي
جواهر:منو هالمتسمي!!
غاليه:جواهرو لا تستغبين منو غيرها الله لايوفقها انشالله قصدي زينبوو الخره
جواهر:اول شي غلوووي لاتدعيين على البنت تري الدعوه ترجع لى صاحبها فالاتدعين عليها قولى حسبي ونعم الوكيل بس وثاني شي خليها تولى الله يجزيها طنشيها اذا رديتي عليها ماراح تسكت راح تزيد وتقهرج حقريها ومثل مايقولون الحقران يقطع المصران فاخليها تولى انا ادري ظلمتج واتهمتج على شي ماسويتي شي بس الله يسامحها
غاليه تمت ساكته تفكر بكلام صديقتها وجواهر طالعتها وعرفت انها تفكر بكلامها باللى قالته فاحترمت سكوتها وتفكيرها
سمعوا البنات الجرس يرن وراحووا كل البنات الى طابور

في شركه بوخالد:
كان بوخالد قاعد بمكتبه ويشتغل وخالد قاعد بمكتبه ويي ولد عمه راكان
طق طق طق
خالد:تفضل
راكان:سلام عليكم
خالد وقف عشان يسلم على ولد عمه
خالد:وعليكم السلام ياهلا وغلا هلا بو عبدالرحمن
راكان:ياهلا ب ولد العم شلونك شخبارك شلون عمي وعمتي واخواتك واخوانك عساكم بخير
خالد:اووووووووووووله يابو عزوز شوي شويه عنبووو صفيتلى اسئله مره وحده اول شي انا بخير دامك بخير وعمك وعمتك واخواتي واخواني كلهم بخير يسلمون عليك

في بيت بوخالد:
ام خالد راحت تقعد عبدالله عشان يروح الجامعه
في غرفه عبدالله
ام خالد:عبداللله يمه يالله قووم لاتتأخر على محاضراتك
عبدالله:...........
ام خالد:يمه عبدالله قووووم ياللله قووم
عبدالله:انشالله انشالله قايم
ام خالد: الله يرضى عليك تبي ازهب لك الريوق
عبدالله:لا يمه مو مشتهي اكل الحين بس بشرب سولى كبجينوا
ام خالد:الله يهداك ياعبوود شنو هذا بعد بجينوا
عبدالله مات من ضحك عقب ماسمع كلام امه فطس من الضحك
ام خالد معصبه:عبييييد ليش تضحك قايله نكته
عبدالله :ههههههههههه يمه ههههههههههه يمه مو بجينووا كبجينوا
ام خالد:تطنز على بعد ..المهم نفس المعني
عبدالله :ههههههههه محشووومه يا ام خالد ويروح يبوس راسها ويروح عزكم الله الحمام
وطلعت ام خالد من غرفة وراحت تقول حق ميري تسوي كبجينوا حق عبدالله
وطلع من الحمام عزكم الله وفوطه على خصره وفوطه ثانيه ينشف شعره من الماي ولبس جينز وتيشرت ابيض وبنص صورة تاز المشاكز وظبط شعره وحط جل بشعره وعفس شعره بيده وطلع ييننن
وخذ كتبه وطلع من غرفته ونزل تحت وراح الصاله ولقي امه قاعده طالع تلفزيوون وكلاص كبجينوا على الطاوله خذه وشرب وقعد عند امه شوي وبعد خمس دقايق باس راس امه راح ومعاه كبجينوا

انتهي الجزء الاول اتمني ان تنال اعجابكم ورضاكم انا ليحين ماكملتها واسمحولى اذا طولت يالجزء 2