ماقول بالشعر من قدي***** ولاقول لفلان من قده
الشعر توفيق ياجدي***** ماهي بهجمات مرتده
ومادام سلمتها يدي ***** مارد من مد لي يده
ياخوي صارم انا ودي ***** دوم العلاقات مشتده
وما دام نجد بها بردي***** يالله مشينا على جده
واشوف انا نويعم الخدي**** عطشان والبير في خده
الشاعر / نايف الشمري
شوي شوي ياخوي صارم لاتفطن الشعار علينا ترانا على قد حالنا ونطير مع العجه وشكراً على الأبيات

الاخ الشاعر الكبير / نايف الشمري صح لسانك مليوووووووووون وفالك البيرق



اخوك الشاعر / ممدوح الشمري

رد الشمري على محمد بن ساقان القحطاني

هذه القصيده ، مما قال الشاعر : ممدوح سماح السلماني الزميلي الشمري..
ردا على الشاعر : محمد بن ساقان القحطاني ..

يقول من يبدع بيوتن غريبه ** من نقوة أفكاره بيوتن جزيلات
من جاش بالاشعار زامي شعيبه ** جاشن يترجم فكرتي با الكتابات
ردا" على راع البيوت العجيبه **راع البيوت الصاملات العذيات
الشاعر محمد زبون الصعيبه **محمد عريب الساس شوق الخوندات
من لابتن كل القبايل تهيبه ** قحطان مروين السيوف الشطيرات
قحطان قحطان العرب و العريبه** عز الصديق أهل الصخا و الشهامات
قحطان لا دان الحريب لحريبه** يروون حد السيف يوم الملاقات
أهل النقا و الطيب ما فيه ريبه** و أهل الوفا و المرجله و المروات
عدوهم منهم حياته كئيبه **و خويهم كنه براس المنيفات
يكفي بكم راع اليمين الذريبه **الشيخ ابن هادي زبون الثقيلات
ستر القصاير و الذيابه صحيبه** يوم الحرايب و الطنا و المثارات
و شالح عريب الساس و الذيب ذيبه** و فديع نطاح الجموع المغيرات
و ايضا المهادي عز من ينتخيبه** و فرسانهم ما تنحصي با السجلات
و أنتم على كبد المعادي مصيبه** و عدوكم ما يهتني با المنامات
با الطيب و ألا يا محمد غصيبه** أنتم نصبتوا با الطويلات رايات
أفعالكم با الطيب كلن حكيبه** تشهد لكم حدب السيوف الرهيفات
حمايت التالي نهار الحريبه** لا جا نهار" فيه جوله و صولات

وسلامتكم

اخوكم الشاعر / ممدوح سماح السلماني الشمري...

ارجو من الاخوه المشرفين تنسيق القصيده و شكرا

يسلم راسك يالبناخي ويدوم عزك ومافيك حيله وانا اجيزالقصيده إجازه تامه

ممدوح الشمري اشكرك كثير الشكر على مرورك الكريم
الشاعر المبدع/ نايف الشمري
اشكرك على الرد الذي أعتز به,, ويالله عسى فالك الخير دوماً كما
اِشكرك على هذه الابيات الرائعة والجميلة جداً جداً
لكم احترامي ومحبتي الصارم

صح لسانك على الابيات الجميله