على ذكر‎ المواجع والسفر والحل والترحال !!
طويت اخر ورق عندي في دفتر أحزاني ...


طويته .. وانكسر قلبي وصوتي بالمواجع سال
ودريت إن الظلام اللي تحت كف السهر جاني !!



جلست أجمع مسافاتي وأغني للسفر موال
على صفحة من الماضي بها حلمي وعنواني ..

بها كم سافرت عيني ليالي والظلام أهوال
وبها كم سافرت روحي وأنا بالليل وحداني

((حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني)) !!

تخيل !!
تخيل يوم عانقني خيالك .. خاطري وش قال !!
تخيل قبل أسولفلك نشدني عنك وجداني!.


نشدني لين خلاني (( مدينه هزها زلزال ))
تخيل !! ماهدى حتى لقاك بوسط شرياني


أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..

هنا !!
هنا كانت ليالينا ((غلا)) والمقبلات(( امال ))
وهنا كانت مواعيدك مطر تخضر به أغصاني !!


هنا شف .. باقي اثارك على رمل الوعد مازال !.
وهنا شف دمعه طاحت من عيونك على شاني

حبيبي !!
حبيبي لا تنشدني عن أوضاعي وكيف الحال !!!
أنا بعدك سحاب أبيض ((أضم الريح بأحضاني))

تسافر بي الذكرى وأحسب إني وصلت اخر وطن بالبال !!
واثرني ماوصلت إلا بداية درب حرماني

وتبقى سيرة الذكرى قصيده تكتب الترحال ..
سوالف للعيون اللي صداها "دمعةأحزاني"
...
منقوووووووووولة ....