بعد طول غياب مرت وأعتزيت قلت هذا من ترك خله دريك
جيت له ثم قلت .. وشفيك أختفيت يوم أنا من جد محتاجك وأبيك !!
وقلت له وشفيك صديت وجفيت وليه بعت اللي بعمره يشتريك
وليه غبت ووين رحت ووين جيت وكيف تنسى من بحبه يرتجيك
هي غصيبه .. أو ظروفك.. أو نسيت ماأعتقد تنسى وعد الأيام ذيك !!
تدري أني للأوادم مأشتكيت وأن صدري صار للعبره شريك !
وتدري أني مت وألا مادريت لعنبوك أرحم محب مات فيك
وتدري أني كل مانمت وصحيت شفتك بجفني وعيني تحتريك
في غيابك صار كيت وصار كيت وجعل ماجا في خفوقي مايجيك
أشهد أني في محبتك أبتليت حظ من تغليه حظ أمك وأبيك
هلت دموعه وكلمني ورضيت يوم سالت دمعتي منك .. عليك
قلت بدري .. قال صدري ماقويت قلت وش بك .. قال جعله يلتقيك
قلت من هو؟ .. قال خلك .. وأستحيت وصد.. وأخر قوله الله يهديك
ماحكيت ورحت أردد شطر بيت (( ياشبيه صويحبي حسبي عليك))


...منقووووووول....