تويت
الأحبه .. هنا
السلام عليكم ورحمة الله وبركاته
تحية بحجم الشمس لقلوبكم الطاهره وإليكم أول مشاركاتي
بقصيدة متواضعه أضعها بين أيديكم لعل لها النزر القليل من الرضى
وش رجعك لي ياحبيبي عسى خير
. . . عقب الجفاء مامطر بدنياي ديمه
عقب البطا وش ترتجي مني يصير
. . . ووش ترتجي عقب الجروح القديمه
من غبت عن عيني ولافيه تبرير
. . . منك أنحرمت واه .. مقسى الحريمه
صد .. وجفى .. والام منّك وتقصير
. . . ولاشفت منّك يوم قدر وحشيمه
اتسوقلي جروحك كما سالم الزير
. . . ماهمته كل العرب في خصيمه
وش ذنب قلبي يوم خصك عن الغير
. . . بحبه اللي حط لك فيه قيمه
هذا جزاه اللي تفائل بك الخير
. . . اقولها من قلب ياهي ظليمه
واليوم راجعلي تسوق المعاذير
. . . لا والله أخطيت الهدف والغنيمه
ياللأسف ماعاد باقي لنا غير
. . . درب الفراق ودرب عيشه كريمه
وسلامتكم
تعليق