قصيدة للشاعر خالد بن محمد العتيبي
كتبتها لكم لعلها ترضي ذائقتكم

يالي ورا ركنك تلوذ المساكين..
..................... واسجد لمرضاتك واذلل جبيني
عبدك على عهدك ومدك بلا حين..
.................... وانا على بابك وتعلم كنيني
ازريت لاعدل كفوف الموازين ..
....................وازريت اسد الربع من عشر ديني
لبيه ثم لبيه مرحب وسهلين..
.................... ياعز وجهين ثمرها سنيني
واجل واغلى من تحلت بها العين..
.................... واعز وابرك من اجيه ويجيني
وهلا ولو وهلا توقف مع اسمين..
.................... وقفتها مابين الاسما وبيني
واثنين مافرق فالغلا ومتساوين..
.................... الا اني افرق بين عيني وعيني
ليت انهم فالصدر حزرٍ عن البين ..
...................والموت قبل يمرهم يحتويني
وبواهج الرمضى ضلوعي بساتين ..
.................... وليا وطوها فرشهم راحتيني
اطيب وامرض واغضب العمر وازين ..
................... وانصى المجافي واجفي اللي يبيني
واحب واكره واحشم انسان واهين..
.................... في ذاتهم واقرب بهم مبعديني
واصل على رجوا رضاهم للقصين..
.................... واقطع مبعدهم ولو هي يميني
معهم بلا كم ومتى وشهو ووين..
.................... لا ليه كيف ودينهم في وتيني
ولو ان عمري يصرف ايام وسنين..
.................... قسمت عمري عدل مع غاليني
وليا نزلت اقبل كفوفهم لين..
.................... اوصلت راسي مطلع الفرقديني
وانا فدا ماطى قدم رجل الاثنين..
.................... من دون اقول اللي تحوشه ايديني
مدامي اسبرهم على الارض حيين..
.................... ياثالث الاعياد لاتحتريني
استبدل الدنيا بضحكة حجاجين..
.................... وابهم عن اللي كنت ابيه ويبيني
وامين من جودك ومن جودك امين..
................... يالله عسى الجنه جزا والديني ..

رمش الغلا