ياصغيرة مالقيتي غير قلبي تلعبي به
كيف جتكي هالجراءة تلعبين وتضحكين

ياصغيرة هاتي قلبي وانتي لعبك مانعيبه
بس لازم تستريحي طول ليلك تلعبين

ياغناتي انتي طفلة لا تجيبي لي مصيبة
يكفي اني ما أنام واحسب انك تعرفين

صار نومي من نصيبك في ظلامن نام ذيبه
هز جفني من سواتك دمعتي وجمرتين

صار شكي في عذابك ياعدوة ياحبيبة
ليتك انك ياحبيبه لي عدوة عن يقين

إحرميني من وصالك واشتميني بس غيبة
لن صوتك لو سمعته يمتحني بالحنين

تنكبيني في جمالك وتكتبي لي هالظريبة
وراس مالي دمعتين مسلسلات بدمعتين

كن حظي لي عدو وكنك انتي تعتني به
وانتي حظك ان قلبك ماتحرك من سنين

كن ربي ماخلقكي غير اية ومهيبة
وكن ربي يوم قدر قدر اني أستهين

أتجرأ أتمعن في عيونك هالعجيبة
سحر يسلب نون عيني واتخبط دون عين

رمش عينك لو دعاني غصب عني أستجيبه
وادري انه رمش جاهل وادري انك تجهلين

بس ابا اقرب منك اكثر واتحرى منك طيبة
ودي انعس بين خدك والشفايف والجبين

سولفي لي وانسي ايدك فوق خدي تلتهي به
لوني لي كل لوحة في خيالي تلمسين

طال ليلي أرتجيكي في قصيدن أرتجي به
أحلف انك مافهتي من قصيدي كلمتين

ناسي انك طفل يلعب والقصايد ماتجيبه
سولفو لي عنك مرة بس انا ازبن منك وين

علموني وصفوني أكدو لي دون ريبه
دار ذهني يوم شفتك واثري اني مستهين

مابقى لي في حياتي غير لوحن أنطوي به
سهرتني فيك نظرة قلت ابا اكتب شي زين
*
*
أعجبتني ولطشتها لعيونكم الحلوه