تويت
من اول لقانا قلبي يفتح لك الابواب ...
للشاعر/ فواز بن علوش
من اول لقانا قلبي يفتح لك الابواب
وتمكنت من قلبي وصرة اول احبابي
من اول لقانا تنظر العين نظر اعجاب
وقدمت لك وقت اللقا صادق اعجابي
جذبت العيون ابزينك الباهر الجذاب
وشرعت لك باب الغلا وجبته لاطنابي
وتثبته في قلب المولع وعقله ذاب
ولو كنت مابي الدرب ..ماقلت لك مابي
انا ..! مافتحت الباب قبلك ولي اسباب
على اهل المحبه ودربهم قافل ابوابي
سليمٍ على درب السلامه ولا منصاب
ولا لي وليفٍ بالجفا يحرق اعصابي
انا ..! ويش لي في حب غروٍ يحب احزاب
انا الخامس السادس انا ضمن الاحزابي
وليفٍ يولعني بنظره ونعس اهداب
يلاعب على الحبلين ماني بلاعبي
يجمهر فلم كاذب حكاوي غلا واعتاب
ولاني على ذا النوع شفقٍ ورغابي
سليمٍ على درب السلامه .. ولاطلاب
فانا طالبك ياسيد تلعات لارقابي
ترفق على قلبٍ امن الحب هاب ..وغاب
ترفق على قلبٍ امن الحب مرتابي
تفتح لك الابواب وانت اول الاحباب
وانا كنت مابي الدرب وماقلت لك مابي
من اول لقان قلبي يهدي لك الترحاب
وتملكت قلبي ومسكنك داخل اهدابي
جمالك جمالٍ مايوصف بحبر اكتاب
جمال الطبيعه لاهو زيفٍ وكذابي
جمالك جذبني واخلف الحاسب الحسّاب
نسيت الذي كاتب وضيعت بحسابي
لقيت ..الوفا ..والصدق ..والظن ..بك ماخاب
لقيت ..الذي ..قلبه ..لياجيت هلابي
لقيت ..الذي ..لازاد ..جرحي ..بقربه طاب
ونسيت ..الشقا ..منه .. وقلت..انته اولابي
من اول لقانا قلبي يفتح لك الابواب
وصرة اول احبابي ... وصرة اخر احبابي
تعليق