تويت
وداعية ليلة حزن
للشاعر /محمد الغنامي
ياشموس الحياة وياشموع العياد
ويابقايا سعادة في الخفوق الجريح
جيت اودعك وأمشي والبعاد البعاد
لو اقضي حياتي في فراشي طريح
ماعشقتك جنون ولا تركتك عناد
مقصدي من فراقك راحتك واستريح
والله أني ظلمتك دون قصد ومراد
بس بصلح الغتره قبل لاتطيح
ويش خانة حياة الورد لاقيل باد
وايش خانة زمانك لعبثت فيه ريح
وكان تبغي الوكاد أقول هذا الوكاد
أطلقيني بمفهوم الكلام الصريح
سحر روعتك خلى في فوادي جهاد
كيف بزيل سحرك من فواد الذبيح
جيت فرحة طفل وامسيت نكبة بلاد
الله أنه يعذب ظالمين المسيح
كنتي الملهمه للشعر مويه وزاد
وكنتي أكبر قضية في سجل المديح
فيك كل المعاني الباهره بزدياد
وملحك الي ينسي كل وجه مليح
فيك ينقاد شعري ما يبي له قياد
كنه الجدول الي في مساره يسيح
كيف بسلى ويهنا لي لذيذ الرقاد
ياحياة الشقا مافيه عاشق مريح
والله أني عزيز ولاقدحت الزناد
بس بصلح الغترة قبل لاتطيح
...............
تعليق