لو هو بكيفي والأمر صاير بيدي

..................................لو هذا الكون تحت أمري يسير

لو بغيتي كل هذي الأرض حدي

...................................والله إن أهديك مع جده عسير


كل نجمه بالسماء تأتيك عدي

............................كل هذا الكون بنثرها عبير

العطايا فيك ماتقبل تحدي

......................لو طلبتي الشوف تحت أمرك يصير

المحبة مالها وقت وحدي

...................والمشاعر حدها السيف الشطير

اسكني مابين رمشيني وخدي

..........................مارويتك شوق ياعذب الغدير

لامشيتي فوق هذي الأرض هدي

...........................أرفقي للقلب من صدري يطير

يا ملامح طفلة تهوى التحدي

........................كن جيش الفرس بعيونك اسير

جاك عمري طاوي رحاله وشدي

............................طامع بحماك مظلوم كسير

من مشاعر حضرتك ماباح سدي

...............................حبك اللي لفني لف الحرير

جيت كلي واقبلي شوقي و ودي

.................................خللي الروحين مربطها مصير