تويت
رديه بين ياسر التويجري والأمير خالد بن سعود الكبير
ياسر التويجري نجم مشاغب الذي عرفتة منصات التتويج وفلاشات الاعجاب وقلوب
محببة ياسر يففض بقصيدة استثنائية ويوجهها لشاعر استثنائي يلقي احدي قنابل الغرام الرقيقة
ياسر التويجري:
يا أمير ياللي تستحق الأمارة
بالشعر ولا فأ نت مولود أمير
أخذتها يابو سعود بجدارة
وعندي كسحت اللي تسمى شواعير
ماتقطف الاورد رأس الزبارة
ولا كتبت الا البيوت المشاهير
قصيدك اصلف من حيود السمارة
وألطف وارق من النفل والنواوير
كنك مع الشعار رمز الغزارة
وضعك ولا نقبل بها لوضع تغيير
أنا نصيتك والزمان استدارة
والله يعزك مانصيت لدنانير
وأنا ادري انك منت مظلم عمارة
ولا تعطي الانادرات المغاتير
يا أمير أنا في قلبي الصلف شارة
للي بعيني سيد كل الغنادير
لعب بقلبي لين فتق ستارة
وا قفي طموح ولا ترك لي معاذير
عينة مثل عين العديم بشقارة
خطوا ابلج ما دهلوة الصقاقير
غرو ٍذبحني في دلعة وصفارة
أقبل عصيروراح من بعد الاخير
ابيك تشفع يا زبون الخسارة
شاعر وقافك ضاري للمشاوير
إليا طلعت اطلع لراس المنارة
وإليا نزلت انزل على جمة البير
انا معك يا امير رهن الاشارة
نصيحتك والعلم بيد المقادير
للكبار فلسفة ورؤية وهاهي قصيدة الكبير
دوما الامير خالد بن سعود الكبير شاعر يحمل
غيم الشعر وشموس الابداع وانهار العز في
قلبة .الامير: خالد بن سعود الكبير
شف ماتراة وخل عنك العيراة
واسمع كلام اللي يشاورك ويشير
ياسر تري القلب الخضر لة صقارة
ماحازها الانادرين الصقاقير
القلب طير وضاري بالجسارة
يتوق يم مشوعات المناعير
جود سبوقة وانتبة لة دوارة
لي حال دون الجول شعف ومعاصير
اصبر لعل الجو يركد غبارة
والعين يصفى شوفها والصبر خير
واللي يروح يروح جعلة ودارة
مثلك يشوم ولايلد لمدابير
خل الطموح تهف ماهي خسارة
لالاتحسف والحبارى مزابير
الوايلي طبعة براسة سطارة
يشرب قراح ولا يحب العثابير
حتيش لو في الكبد بعض المرارة
من صد خلة واحذف رشاة في البير
الصيد واجد وانت نمر المغارة
شاعر ولا ينقصك بخص وتدبير
كم عيطموس ٍ تهتوي منك شارة
لاقمت تسخر عذب الابيات تسخير
وأنا عوينك كان ودك بغارة
نكسب لك البكرة ومعها مظاهير
حنا هل الطولات وأهل النزارة
حنا السباع الضارية والهزابير
عاداتنا بالكسب نأخذ خيارة
بالطيب والا بالسيوف البواتير
تعليق