يامنير دوك الفرت أخذ الفواتير
شيك علاه ودخله بالكراجي
اللي يبا البنزيم ركب مواصير
واللي تبيه النار ركب بواجي
وليا استعد وصخر البعد تضخير
تصخير شيهانن لفرخ الزراجي
عده على اللي مايعد المخاسير
ركاز عند أهل الخشب للنعاجي
ثم قل لأبو ماجد ترا وقتنا غير
تبدلت سحب المطر بالعجاجي
يبكي لأشيوخ سمرت نجد تسمير
تسمير عود العاجي في عود عاجي
ربعن رسوا بين الخفيفن يامنير
ماسلموا لمدور الباج باجي
واليوم ناطا نجد مثل المزاوير
نقضي اللزوم ومسرعين الهجاجي

هذه الأصح الله وأعلم القصيدة أطول من ذلك .. ولكن تأكدي أنكي الأفضل في هذا المجال والقصائد النيره المشاركات العظيم ,,,, أتمنى لكي التووووفيق وشكراً

الأصح والله أعلم من فم شايب

متى يجي في نجد حسن التدابير
حتى يجي للصابرين إفراجي

يالله ثبتني على الأرض لا أطير
لين أحبك البراد وأكل علاجي

علاج راسي حبتين بقصدير
اللي علاهن رسمتن بإزدواجي

ويا منير دوك الفرت وخذ الفواتير
وإحرص علاه ودخله بالكراجي

وإكان يبغى زيت عب المواصير
ون كان يبغى نار ركب بواجي

واليا استعد وصخر البعد تصخير
تصخير شيهانن لفرج الزراجي

عده علا اللى مايعد المخاسير
ركاز عمدان الخشب للنعاجي

ثم قل "يا أبو ماجد" ترا وقتنا غير
تبدلت سحب المطر بالعجاجي

وشيوخ نجد اللى تهز الطوابير
ينثر لهم حبٍ سوات الدجاجي

اما من المشرق تثور المعاصير
ولا من المغرب يهب العجاجي

أبكي أسيوفٍ سمرة نجد تسمير
تسمير عود العاج في عود ساجي

ربعن رسوا بين الخفيفن يامنير
ماسلموا لمدور الباج باجي

جبنا ولد هندي محمد ورا النير
والفرم محسن عقبنه اسواجي

واليوم ناطا نجد مثل الدواوير
نقضى الزوم ومسرعين الهجاجي

رحنا ندوج وأنتسمى المناصير
نمشي على البيداء بليا مزاجي


==

الجميع ماقصرتوا والأصح والله اعلم اخوي قوقلي تقبلو تحياتي

صح لسانك على القصيده

رد: قصيدة دوك السويك وشغل الفرت يامنير - بندر بن سرور

قصيدة رائعة سلمت يمين ناقلها

رد: قصيدة دوك السويك وشغل الفرت يامنير - بندر بن سرور

لا أعرف ماذا أرد عليك
كلمات جميله ورائعه فيهااا معاني للأصاله
وفن في التعبير
أحتار ماذا ارد عليك
فعلن كلمات جميله ورائعه
صورتهاا بأحلى الصورر والتعابير
أختم كلامي وأنعجابي بكلماتك
بالشكر لك على هذه الكلمات الرائعه
تحياتي