تويت
يكفي عذاب منك مابيك ما بيك
ما بيك ترجع لي ولا أريد روياك
خذت الحنان اللي مدى العمر يكفيك
وأجمل ثواني فرحتي خذتها وياك
وش عاد باقي تنتظر مني أعطيك
غير الدموع وجرح الأحزان فرقاك
ما عاد قلبي بعد ذا اليوم يغليك
وما عاد لي نفسٍ تودك وتهواك
دور على حبٍ جديدٍ يسليك
إما أنا ببعد وببعد وبنساك
بترك هواك وبترك الدمع يرثيك
ويمحي غرامك من حياتي وذكراك
هذي حياتي روح والله يهنيك
مع من تريده يا عسى الرب يرعاك
مات الأمل والشوق والعطف لي فيك
بالأمس كان الحب واليوم يفداك
مما بقلبي اليوم مجبور أعزيك
وأطلب من المعبود يغفر خطاياك
اتمنى ان تنال اعجابكم
تقبلوا تحياتي وتقديري
اخوكم/ عاشق الابداع
تعليق