تويت
الجرح ماهو حكي ينعاد وازهدبه
الجرح يزداد وابكي لين يدميني
والخاطر اللي حشود الضيم صكتبه
حيطان قل المهابه ليه يوذيني
والصاحب اللي غلط ماودي اغلطبه
خص انه ابناخيلي مني وفيني
ياسود وجهي لو اكتب شي واسبه
كيف اترك الروح تفلج روح تعنيني
خفت الوفا فيه كذبه واثرها كذبه
صدقتها لين قامت عمد تعييني
الطيب ماهو سلوك اهواه واحبه
الطيب عاده امارسها وتنجيني
يالصاحب اللي عجزت انخاه واكتبه
ان كان حسيت جرحي لا تخليني
مابين لحمي ودمي خابر نكبه
كن ودها يخوي الدمع تنهيني
والعشره اللي تهاوت ماهي بلعبه
ترخص علي وتكسر بين كفيني
العشره اخوان قلب وداء وطبه
اثنين راحو جميع وعادوا اثنيني
ياليت قبل يتمادى خاف من ربه
دامه خبرني حليم وصعب يفليني
يالجرح منته بهرج رخوم وازهدبه
انته بتاكل بنفسي لين يرضيني
قصيدة اعجبتني
تعليق