تويت
يابنت شقرا لك عظيم التحايا
أرسلك الأشواق يابنت بالحال
غلاك عندي واصلن للنهايا
غلاك أغلى من غلا النفس والمال
سبحان ربي كمّلك بالمزايا
طبعن سنوع ، ورمشك السيف قتال
فيها جمالن ، بهذل أم الصبايا
والله يبطن ماوصلن حبة الخال
ياكيف أبحكي والحكايا حكايا
أغلى البشر ، والحق لابد ّ ينقال
لاشفتها كنّي لمحت السرايا
والرمش قايد ، والهدب سيد الأبطال
لاشفتها يزداد عض الشفايا
بأسبابها قلبي غدا فيه زلزال
مثل القمر هالبنت ، فوق البرايا
كلن يشوفه ، بس توصلّه امحال
تسكن بدمي بين هاك الخلايا
مابين قلبي والرئه ، حيل تختال
ميدانها ياناس داخل حشايا
مهرة أصيله ، ما تبي أي خيّال
أقداري يادنياي أغلى الهدايا
ياليتني حبيتك بعمر الأطفال
يابنت شوفك صدقيني دوايا
لو فيني همّن عجْزت اتشيله اجبال
قربك أماني ، وابتعادك مَنايا
ووجودك بجنبي ، رفع ضغط عذال
ما أسمع أبدن فيك كلمة وشايا
قاموس حبي ، مابه القيل والقال
ودي أعيشك واسكنك ياهوايا
واتنفس انفاسك على مرّ الأجيال
أنتي وبس اللي ابيها معايا
وأبي أحبك حب ممزوج بهبال
لو جاتني نجوى ودينا ومايا
والله ما يسوون ياعمري ريال !!!
مختارة
أرسلك الأشواق يابنت بالحال
غلاك عندي واصلن للنهايا
غلاك أغلى من غلا النفس والمال
سبحان ربي كمّلك بالمزايا
طبعن سنوع ، ورمشك السيف قتال
فيها جمالن ، بهذل أم الصبايا
والله يبطن ماوصلن حبة الخال
ياكيف أبحكي والحكايا حكايا
أغلى البشر ، والحق لابد ّ ينقال
لاشفتها كنّي لمحت السرايا
والرمش قايد ، والهدب سيد الأبطال
لاشفتها يزداد عض الشفايا
بأسبابها قلبي غدا فيه زلزال
مثل القمر هالبنت ، فوق البرايا
كلن يشوفه ، بس توصلّه امحال
تسكن بدمي بين هاك الخلايا
مابين قلبي والرئه ، حيل تختال
ميدانها ياناس داخل حشايا
مهرة أصيله ، ما تبي أي خيّال
أقداري يادنياي أغلى الهدايا
ياليتني حبيتك بعمر الأطفال
يابنت شوفك صدقيني دوايا
لو فيني همّن عجْزت اتشيله اجبال
قربك أماني ، وابتعادك مَنايا
ووجودك بجنبي ، رفع ضغط عذال
ما أسمع أبدن فيك كلمة وشايا
قاموس حبي ، مابه القيل والقال
ودي أعيشك واسكنك ياهوايا
واتنفس انفاسك على مرّ الأجيال
أنتي وبس اللي ابيها معايا
وأبي أحبك حب ممزوج بهبال
لو جاتني نجوى ودينا ومايا
والله ما يسوون ياعمري ريال !!!
مختارة
تعليق