تويت
ايات / عصّياني
مساء الصبر يا اه الغموض الحالم الفتّان=
مساء المر يا طعم العذاب وفم حرماني
مساء السالفه تلفظ حكاية كان يا ما كان=
وصوتي بأولّه نبره ولا ادري وين وداني
بعيد وما معي غيري كأني والظلال أخوان=
كأني عايش بحالي لحالي عالمٍ ثاني
:
:
اسرني عتقي الطاغي جحيمه يرفض الالوان=
وإذا زليّت في حقي منحني الأثم غفراني
طموح الظل في كِفّه وفي كِفّه طموحي بان =
سكوني ينتفض حولي ولا يهتز ميزاني
تمرّد داخلي منفى وصمت القيد والجدران =
كثير وجوه تشبهني وانا وجهي تحداني
:
:
على حسب الأصول اللي فرضها المبهم الحيران =
قوانيني تحرّضني على ترتيل عصياني
أغوص اقسى متاهاتي ابقطف غصني المرجان =
وارد ارقى على نفسي وبيدي ثوب قبطاني
رقيت اكبر مسافاتي اكابد لفحة النسيان =
وطاح من الظما طولي على هامات كثباني
:
:
سقى الله عالمٍ ثاني خذا من عالمي شتّان =
تجّرد منه تاريخي وحرّف علبة الواني
رجعت وما معي غيري مثل ما كنت قبل انسان =
وظلي واقف بكتفي لقيته قبل يلقاني
منقووول
مسطووووووووول
صح لسانك
تعليق