تويت
احبك كثر ما قد صار احبك رغم ما قد صار
احبك كثر ما دنيا الزعل والصد مهجوره
احبك كثر ما تمطر بصدري من غلاك امطار
احبك كثر ما صارت اراضي العشق ممطوره
احبك كثر ما تفتح شبابيك الربيع ازهار
احبك كثر ما غنّت عشان الصبح عصفوره
احبك كثر ما تاقف على جنب الطريق اشجار
احبك كثر ما يقسى الشتا وتهاجر طيوره
احبك كثر ما ف الأرض بنتٍ تلفت الأنظار
احبك كثر ما يرتاح عطر بصدر مغروره
احبك كثر ما جاب المسا في معطفه زوار
احبك كثر ما جانا صباحٍ يشبهك نوره
احبك كثر ما تهدي كفوف الوصل من تذكار
احبك كثر ما شالت يدين العاشق زهوره
احبك كثر ما نقرا عن الفارس عن المغوار
احبك كثر ما نسمع ولا شفنا ولا اسطوره
احبك كثر ما تلعب بدنيا العاشقين اقدار
احبك كثر ما .. ذا الحظ دايم يعلن قصوره
احبك كثر ما عاثت رياح بحسبة البحار
احبك كثر ما البحار يعشق نسمة بحوره
احبك كثر ما يتلحف اللي منشغل .. باعذار
احبك كثر ما ف الناس ناس بجد معذوره
لقيتك والدلع والثقل ( شِلّه) والحسن ثرثار
يقول اشيا كثيره للعيون ويثبت حضوره
كفايه لو تطل ويفرح اب طلّتك دار وجار
كفايه لو تشوف الناس في نظرتك مأسوره
غرامك يغري حروفٍ سقاها الصدق منك امطار
كتاباتي بتشهد للغرام وتحفظ عصوره
احبك رغم ما قد صار احبك حيل مهما صار
احبك دام انا طيّب واراضي العشق ممطوره
مختارة لعيونكم
تعليق