قول أحبك

هاك قلبي وخذه يجعله فدوه لقلبك مايغلى عليك صاحبه وبعد أكثر

هاك صدري ضمه لدفا صدرك و اشرب من أحظاني الين تسكر

أنا كل كلي يفداك بس لوحدك خذ روحي وعطني حبك اذا تقدر

خذ كل شي بس أبي تقول أحبك واذا ماتقدر تقولها أنا ما راح أجبر

ببقى أحاول وبتقولها غصب عنك قدر الله علي راح أتحمل و أصبر

مابتتركني أعاني أكيد أمري يهمك تكفه يالله تعال وقولها أنا هنا أنطر

قولها وادلع ياويلي من خف دمك وان قلتها وعدٍ علي أوفي و أنذر

أنا اللي أموت بس لو لحظه أضمك أنا الملهوف في حبك وأنا المضطر

لا تقسى على منهو بالحيل يودك أخاف انك تشوف نفسك وتنغر

ارفق بحالي ولا ترويني من نار صدك والله مابينفع صدك و حبي ما بينضر

أنا بقول أحبك وبكون أكرم منك واذا الحب ذنب ربنا يرحم ويغفر

يالله عاد قولها واللي يرحم أمك قولها خليني أزرع الورود وأنثر

الا تعال تعال أنا من متى وأنا أعزك على ماأظن من زمان لو كنت تذكر