تسوقنا الاقدار ونسوق الاقدام يوما لنا يحسب ويوما علينا
للخلف ماننظر والارزاق قدام وللمرجله مسرى الذيابه سرينا
على يقين بقسمة الله والاحكام مقسومنا الطيب تحوشه ايدينا
احرار ماعشنا على الارض خدام نسوقها غرب وشمال ويمينا
اما ننال من الفخر تاج ووسام ولا على انفسنا زعلنا ورضينا
مانعيش بالدنيا وساويس واوهام ولا نعيب الايام والعيب فينا
ضعف الاراده من مفاتيح الاسقام يفتح علينا باب للطامعينا
لا والذي شرف رسوله بالاسلام ماتنحني هاماتنا لو فنينا
نبني قصر للمجد مانبني خيام وندرى القدم عن زلته لامشينا
نخاف بالزلات نشفع للاخصام ورداهم اللي في خطانا يهجينا
قولولهم عن كثرة الحكي صيام لاصار مابه لازمه ماحكينا
احوالنا دايم على خير مايرام لايفرحون اصحابنا الشامتينا
واليا رموها صوبنا اقراب واعمام ماكن حنا عن خطاهم درينا
العفو عند المقدره طبع الاكرام فيه الصلاح ومنهج الصالحينا

(القصيدة منقوله)