ويش أسميك وانتي دايم تزعلين ؛؛؛؛؛ ان رضيتي تجي شمس ان زعلتي تغيب
اضحكي كل هالدنيا بدونك تشين ؛؛؛؛؛ مالي الا انتي من الناس حب وحبيب
ودي اسعدك لكن غصب تتضايقين ؛؛؛؛ كل ما اخطيت او ما اخطيت وضعك غريب
ودي اصرخ بوجهك اصرخ وتسمعين ؛؛؛؛ ودي اصرخ واخاف اصبح بليا حبيب
بعد جفواك وصل وبعد قسوتك لين ؛؛؛؛ وبك يطول المدى والليل بعدك رهيب
يا اغلى الناس في عيني وفي كل عين ؛؛؛؛؛ افهميني انا بعد ابعد شخص وانا قريب
لاغضبتي احس اني حزين حزين ؛؛؛؛؛ واشعر الكون يتحول حزين وكئيب
فرحتي فرحتك واموت لو تزعلين ؛؛؛؛؛ وراح احبك لاخر لحظه في المشيب


الي يبي يكتب موضوعي منقول انا ماعندي اي مانع <
الي مايبي ترى عندي عادي تحياتي