تويت
مرحبا بالجميع
احبائي
رايتُ هذا المووضوع باحد المنتديات العراقية
ويسمى بلهجتنا العراقية بالدارميات
وهنا قام الكاتب بعمل بيت دارمي للابراج
فان شاء الله تعجبكم ,,,
\
\
الحمل
********
الكلب صح وياك ينضح مشاعر
بس خلي يطغي اعليه صوت الضماير
الثور
********
صح جرحك يأذيك بس بالك اتصيح
واوكف صخر جلمود من تجبل الريح
الجوزاء
********
الدنيا صح وياك تمشي بهداوه
تنكلب مُره وياك بعد الحلاوه
السرطان
********
بالك تخاف العوز ذب كل شي بالجيب
ثق يجي عليك الخير من منهل الغيب
الاسد
*******
العشك مامرغوب لاتكرب احذاه
تاليهه نص تموز اتصيح اشاه
العذراء
*******
صح عندك فليسات وامنشنش الحال
بس عندك انت هموم ما اضنهه تنشال
الميزان
********
عندك افكار كبار عندك مواعيد
تابعهه تلكه الخير بدروبك يزيد
العقرب
********
عندك ربع واخوان من تحسب هواي
مثل السراب وياك صدكني مو ماي
القوس
********
حضك صعب ياصاح حضك مصيبه
الدمع من الغيم عينك تجيبه
الجدي
********
بالصبر والايمان تتعده الهموم
من توكع على الكاع هم ترجع تكوم
الدلو
*******
وقتك ذهب والماز وقتك جواهر
الفرح صار عليك مثل الدوائر
الحوت
*******
ضيف اعتناك بليل بالك ترده
تدري العشك لو راح حيلك يهده
\
\
همسة :-
الدرامي هو احد اهم الالوان الشعبيه بالشعر الشعبي العراقي ، وهو قصيدة الايجاز والتعبير الجمالي حيث يتالف من بيت واحد اي من شطرين تنتهي قافيته بقافيه متشابهه تحمل معنى قصيده كامله ,,
منقووول لعيونكم
تعليق