السلام عليكم

انا ادري اني كثرت عليكم من القصايد .. بس هذي قصايد كلها منذ مبطي كاتبها

ومن كثر مايهمني رايكم حبيت انزلها لكم .. هذي قصيده كتبتها قبل شهر رمضان المبارك

وألح علي صديق عزيز وغالي يوم شافها وانا اتصفح رسائلي بالماسنجر اني انزلها بمنتداكم لأن القصيده اثارت

اعجابه .. واتمنى تكون ردة فعلكم مثله..!

تقبلوها كما تحبون

البارحه.....غرت العين شبرين...
في داخل المبنى ....امام الكونتر

خلف الرسبشن...تجلس مكحوله العين..
تنظم مواعيد العياده ..وتغندر..

قلت مرحبا ... وقالت اهلين اهلين.....!!
قلت انا مريض وعلتي ما تستر

لا لا المريض ابوي ..ومن حظي الشين،
جيت اسوي موعده...واتيسٌر

بس الصراحه..! من عقب شوفه الزين
صرت المريض ...وحالتي ما تقدٌر

قالت غبي .! قلت ماهي قويه تحسين ؟؟
قالت وقح ..! قلت يجي منك اكثر

قالت اخلص وش تبي ..؟ قلت لها زين
سوي لي الموعد موووعد ..مكرر..

ابي ..اشوفك كل يوم مرتين ....!
وابي اسوي كل مواعيد تذكر...

بدور بشيبان الجماعه وقوولهم وين ؟
وين مريض ..الربو ..والظغط ..والسكر !

ضحكت وقالت ....! بحطه بعد شهرين..!!
وافتك من شوفه وجيه(ن) تعكر ...

شهر شهرين .....سنه سنتين ....!
مومشكله ....المهم الشوفه تكرر..

فيك الجمال ..ماخلق منه اثنين ..!
ورمش العيون السود فيك يتبطٌر...

واخذنا لحظه صمت ..تمشيبنا الفين ..
وقمت... اتعتع في كلام(ن) مبعثر ...

قلت لها ..لو سمحتي الصيدليه من وين ؟؟
قالت هذيك ...بابها الباب الأخضر....

قلت كذبتي.. للأسف ضني طلع شين!!!
وراعي الكذب بوجهه للنار ينجر ..

الصيدليه تحت ذيك الحجاجين ....!!
تحت الرموش السود ذيك ..تخبر...

قالت حبيبي ... وقلت خير شتقولين ؟؟
قالت موعدك بكرا بالصباح المبكر ..

وعلى فكره اول موقف يصير معي < علشان ماتحسبوني من محبين معاكسة الفتيات

وسلامتكم

كان هوني : ببسي ~