تويت
لعُيون العراقية
لعُيون العراقية، الميّها زُلال
طعم العسل واطيب، شَهدَه حَلال
لوضحكت أدمّر، أتفلش جبال
ويله ياويله، من يكرب الخیال
لو صوبته بنظره، ينچتل بالحال
طعم العسل واطيب، شَهدَه حَلال
لوضحكت أدمّر، أتفلش جبال
ويله ياويله، من يكرب الخیال
لو صوبته بنظره، ينچتل بالحال
بعُيون العراقية ..
چفوف العراقية، يادوا المعلول
لمستها علويه، أطيب المشلول
واللي كعد فيها، أمراضه كلها أتزول
واللي سكن عشها، ويّاها عمره يطول
نور الحياة هيَّ، بدر وكمر وهلال
لمستها علويه، أطيب المشلول
واللي كعد فيها، أمراضه كلها أتزول
واللي سكن عشها، ويّاها عمره يطول
نور الحياة هيَّ، بدر وكمر وهلال
منوره العراقية ..
هنيال عاشكها، هنياله هنيال
يامسعده الحبها، والكلبه الها مال
نعمة الوفى بالحب، بيها الحمل مامال
نشميه هل خيّا، لو ربت اجيال
صكور وأسود سباع، ابطال ولد ابطال
يامسعده الحبها، والكلبه الها مال
نعمة الوفى بالحب، بيها الحمل مامال
نشميه هل خيّا، لو ربت اجيال
صكور وأسود سباع، ابطال ولد ابطال
ولد العراقية ..
بطبع العراقية، معروفه الخصال
تنصاغ بس الها، تنكال الأمثال
باكت ورد حلوه، رقه وجمال
والعقل زينه، والحسن دلال
عفه وكرامه وشرف، وغيرة رجال
تنصاغ بس الها، تنكال الأمثال
باكت ورد حلوه، رقه وجمال
والعقل زينه، والحسن دلال
عفه وكرامه وشرف، وغيرة رجال
والنعم عراقية ..
والنعم عراقية ..
والنعم عراقية ..
حكمت البيداري
7.11.2007
7.11.2007
تعليق