تويت
السلام عليكم و رحمة الله و بركاته
هذه قصيدة المجلس نرى في
بعض المجلس تجي تبي تستانس به
وتلقى لك رجل يغثك يخبص
بالكلام واما يزعلك والا يزعل الضيف
وقال الشاعر هذه القصيده
قال المروب يوم قال القوافي
=======مثايلهن صنف بها الفكر تصنيف
ميزانهن بين الرجاجيل وافي
======لاجاء مجال القيل كيفن من الكيف
ياحيف يامجلس خطات السنافي
========نشفق عليه ويدمرونه ملاقيف
ناس(ن)يغثون البدن بالخلافي
======بسوالف(ن) ماينعرف له من الزيف
يجيك واحدهم قريب المشافي
======تقل على العالم يبي ياخذ السيف
السالفة لاخاض فيها وطافي
=======اما ازعلك والا بعد يزعل الضيف
لامنطق(ن) ياخذ ويعطي ويافي
=====ولاساكت(ن) يسمع كلام العواريف
يعد نفسة فاهم(ن) للخوافي
=====وكل مجلس(ن)بالهذرمة يشعل الليف
لاجايب(ن) مثل قصيد مصافي
=====ولامسولف(ن)مثل الرجال المزاهيف
يصلخ بهرج(ن)لا بخصته عوافي
=====هرج(ن) يزيد وهرج يبدي بتطويف
ياتي منه ويقول يالله تكافي
====عن خوف لابلش بالنفوس المضاعيف
ومادام شبعان(ن) وعافي ودافي
=========ماني مكلف بالمخاليق تكليف
اودع ركابي عن ركابه مقافي
=========البعد يكفي عن كثير التصاريف
عنه ابي اقفي لو على الرجل حافي
========ابي ابتعد واقول فراقك ياخليف
الشاعر/ حلو فرحان المروب الشمري
تحياتي للجميع
تعليق