غظ طرفك لاتقل لي ما اشوف
خف صوتك لا تحسّسني بخوف
هدّ حالك لا تنرفز يا ولوف
كل شيء يا نور عيني فيك بان

لاتغير مظهرك لا شفتني
لاتجاهلني وقد علّمتني
ليش بعد اخلاص قلبي لمتني
اين كل اشواقنا واين الحنان

خف من لومك ترى يا لايمي
ماحدن غيرك سكن في عالمي
تهت باسبابك وفكري عايمي
حبّ ماهو حبّ عادي حب جنان

لعنة الله عالمنافق ماحقره
قلبه اسود مثل وجهه ماسمره
ما يشرّف منتدانا مظهره
واعتقد ما عاد له معنا مكان

تعرف ان حبك لقلبي مشغله
وانه صب القاز فوقه واشعله
وانت تحسبها تهون المسأله
لا ترى مانساك لو طال الزمان

انا يوم اقول بدعي والردود
قلت يمكن بعد غيباتك تعود
ما تعوّدت التجاهل والصدود
وانا في حبك مبصّم بالبنان

لافقدت اللي لهجري قدنوى
طحت بعد الساق ترتر واللّوى
وبعدها قلبي من اظلوعي هوى
وما نفعني عزوتي واني فلان

انا من حبك تراني منبله
يوم تمنحني من الحب انبله
واللي غيرك لو سعى لي ماقبله
انت ورد الروح وانت النيفلان

لك تحياتي وشوقي والسلام
ما يوفّيك القدر كثر الكلام
الله اللي يحفظك رب الأنام
وانه يجعل كل امورك في أمان