السلام عليكم ورحمة الله وبركاته



اضع هذه القصيده لتعتبر حبل تواصل بيننا

العمى ماهو مسمى للضرير 000 والإجابة ماتجي قبل السؤال
العمى يطلق على موت الضمير 000 لا انعمى قلبك عن دروب الحلال
والزمان اللي كسا غيري حرير 000 هو عطاني من فعل كفي جمال
أعشق العليا وممشاها العسير 000 هيك انا طبعي ولله الكمال
ثابت الوقفات لو ساقي كسير 000 وماعشقت من الجهات إلا الشمال
يوم يضحك لك ولك يوم ٍ مرير 000 الحياة دروس ياعذب الخصال

والرجال صدورهم بحر ٍ غزير 000 والنميمة عادة اشباه الرجال
كيف افضفض واشكي الوضع الخطير 000 طالما ان البوح من مثلي محال
يارفيقي فعلاً الدنيا بخير 000 ولو خلت تفنا ويطويها الزوال
ياكثر ماشفت لو عمري صغير 000 شي قلته لك وشي ٍ مايقال

وأعرف ان باقي بهالصدر الكثير 000 من مواقف ماتحمّلها جبال
ولو سئلت اللي بها الدنيا خبير 000 وش خذا من دروس بالدنيا طوال
كان قال العمر لو طوّل قصير 0000 طول عمر العبد يتليه إرتحال

لو يفوت الموت بالسيف الشطير 000 جاء بغير السيف لو نظرب مثال
قاصد ٍ حلمي يصير اللي يصير000 لو طموحي يالخوي صعب المنال
خابر ٍ ممشاي و أعرف وين اسير 000 وأنت خابر وقفتي مابها أختلال
هذا انا ماهمني صوت النذير 00000 لا ولا تصغي أذاني للجدال

ياتجيني هالهبايب بالعبير 00000 او عساها ماتجيني بالرمال
يارفيقي عفت هالحظ الفقير 000000 كل ماقلت أعتدل عوّد ومال.

باتصبّر وأطلب الله وأستخير 0000000 والفرج من عند ربي ذا الجلال
عندك أولها وبعطيك الأخير0000 والله أني ماعشقت إلا الشمال

وكان غيري لابس ٍ ثوب الحرير0000 كم لبست من الفعل ثوب الجمال

وسلامتكم

اخوكم

ببسي ~