هذا البارت لعيوونكم وان شاء الله القى تفاعل


راح لبس الجاكيت حقه لان الجو كان مررره بارد وفي مطر خفيف وطلع مع احمد
زياد: ها يا احمد بغتني في شي
احمد: ايه يا زياد
زياد بحزن غريب: تفضل
احمد: وش صار في موضوع خلود
احمد اكثر شخص قريب لزياد اكثر من خالد بعد واهو عارف عن خلود اللي بتعرفونها في الاحداث الجايه
زياد بعد ما تنهد: اه يا احمد
احمد حزن على حاله صاحبه: سلامه قلبك يا اخوي لا تكبر الموضوع انا اعرفك اقوى واحد فينا مو بنت اللي تهزك يا زياد مو بنت مو بنت
زياد وبدت عيونه تجمع الدموع: وش تبيني اقول اول بنت مو احبها الا اعشقها ابوس الارض اللي تمشي عليها يا احمد انا تعبان
احمد: وش قالت لك بالضبط
زياد: قالت انها ما تقدر
احمد: وانت عندك نيه تتزوجها
زياد:المشكله اني ماراح اقدر اتزوجها لحد ما تصير ... انت عارف
احمد: خلاص اسمع كلمتي
زياد: أي شي يريحني انا مو قادر اتركها ومو قادر اتزوجها انا عمري ما لعبت على بنت ولا لعبت في مشاعرها احبها يا احمد احبها
احمد: طيب عطني رقمها وانا بتفاهم معاها
زياد بأستغراب: وش بتقول لها
احمد: انت ما عندك ثقه فيني
زياد: افا عليك يا اخوي اضمنك على حياتي
احمد ببتسامه ترد الروح: اجل يا اخوي تطمن انا بحاول واللي فيه خير ربك يكتبه يمكن خيره
زياد واهو منزل راسه: انشاء الله
احمد خذ رقم خلود من زياد وقرر انه يتكلم معاها
والحين بقولكم قصه زياد وخلود وكيف تعارفو على بعض مع العلم ان خلود مو سعوديه خلود بنت بحرينيه واكيد ما في احلى من اهل البحرين
قبل سنتين بالضبط وفي البحرين وفي مول ((السيف))
زياد:هههههههههههههههههههههههههههههه تستاهل
بدر: اهئ اهئ سحبت علي
زياد:ههههههههههههههه تستاهل محد قالك رقمها وين تحسبنا في السعوديه وحتى في السعوديه المفروض ما تسويها
بدر: وليه يعني
زياد بستهزاء: ما شفت خشتك الله يهديك في المرايه
بدر بتعصيب: احلى خشه
بدر كان صديق زياد من ايام الطفوله ولد مملوح وطموح جدا بس طبعا ما يوصل لجمال زياد يعرف كل شي عن زياد ويدرس في جامعه البحرين ودايم بينهم زيارات للبحرين والسعوديه مع بعض**
زياد: يله مشينا وراي سفره بكرا والا ناسي
بدر بناظر ساعته: ايه يله تأخرنا الساعه 11 عشان يمديك ترتاح الا بتمشي الساعه كم
زياد: يعني على الساعه 6 الصباح وابي انام تعبان
بدر: اجل يله مشينا
طلعو واهم يسولفون للباركنج وكانت فاضيه وفي بنت واقفه متحجه باين انها بحرينيه وشكلها معصبه
بدر: ووش فيها ذي واقفه
زياد: الله يهديك قلتلك موقفك خطأ مسكر على بنت الناس ما تدري الحين كم لها واقفه
بدر: احسن خلها توقف
زياد: ياخي وش هالنجاسه اللي فيك
بدر: اسفين خلني اشوف وش عندها
بدر: هلا اختي في شي
خلود: لاختي ولا بطيخ مسكر على سيارتي لك ساعه
بدر: طيب ليش معصبه هدي اعصابك الحين اطلع السياره
في هالوقت كان زياد راكب السياره وجالس يناظر خلود مو مصدق كيف هالبنت دخلت قلبه بهالسرعه الغريبه يناظر كيف عيونها أسرته قيدته منعته من الكلام بس اكتفى انه يناظر كل تحركاتها كيف تصلح طرحتها كيف تهزئ خويه بدر خخخخخخخخخخ>>>مبلم الاخ بمعنى صريح
خلود: انت اخرتني عن شغلي انا مشغوله
بدر : طيب اسفين عاد لا تطولينها قلنا بنحرك السياره
خلود راحت تضرب شباك سياره بدر
قطعت عليه افكاره: ها نعم لحظ لحظه
فتح لها الشباك خلود:وانت هذا وانت بحريني وماوقفت معاي
زياد:....................
خلود: يا لاخ تسمع انت
زياد: هايه ايه وش قلتي اختي
زياد ما ينلام كانت جميله بمعنى الكلمه والجحاب ما نقص من جمالها شي بالعكس زاد جمالها جمال كانت بيضاء البشره خدودها متورده عيونها كبار ومكحله ورموشها طويله جسمها جسم غزال طويله ومخصره واسلوبها مرره جذبه ما في بنت قد تكلمت معاه بهالطريقه خلته ما يصدق اللي يشوفه
خلود: طيييب بعيد لووك الكلام
زياد مستغرب: انتي بحرينيه صح
خلود بطفش: ما تسمعني من الصبح وش اتكلم صيني ايه بحرينيه
زياد حب يقهرها: والنعم
خلود: الله ينعم بحالوك
زياد: المطلوب اختي
خلود: كنت اقولك هذا وانت ولد ديرتي وما وقفت معاي وش خليت للغريب
زياد: لحظه وش اللي خلاك تقولين اني بحريني
خلود: توقعت
زياد: لا انا سعودي
زياد نزل من السياره ومشى لحد ما ركبها سيارتهاوكان يشوف بدر واقف معصب ويأشرله انه بيذبحه بعدين
زياد:ههههههههههههههههههههههههه
خلود: في شي يضحك
زياد: لا ما في شي تفضلي اركبي وانا بخلي بدر يحرك السياره واسفين على الازعاج
خلود : عرفنا اسم صديقوك ما تعرفنا عليك
زياد بفخر: معاك زياد
خلود: والله والنعم اخوي
زياد: الله ينعم بحالك الا اقول
خلود: تفضل
زياد: في كوفي هنا مره حلو سمعت عنه اسمه اتوقع................. ودي اروح له اذا تدلينه ممكن توصفينه لي
خلود: ايه عرفته هذا دايم اروح له صعب اوصفلك الحقوني واوديكم له
زياد: بس ما نبي نشغلك باين انك مشغوله
خلود تفشلت صح اهي قالت انها مشغوله بس عشان تقهر بدر: ايه بس انتو ضيوفنا ما يصير شي قريب اهو من هنا
زياد: طيب مشكوره واسفين على الازعاج مره ثانيه
خلود ببتسامه تجنن: ولا يهمك ما حصل الا الخير
سكر لها الباب وراح يركب السياره ولقى بدر مولع نار
بدر: وش رايك تركب معاها ما يكون احسن
زياد:ههههههههههههههههههههه والله ودي البنت حلوووه
بدر: مالت عليك ماعندك نظر هذي حلووه
زياد : انا عارف انك مقهور منها لانها شرشحتك بس ايييه حلووه
بدر: طيب يله مشينا الفندق
زياد مع رفعه حاجب: لا هوونت
بدر بستغراب: هونت عن ايش
زياد: الحق سيارتها
بدر: خيير ليش الحقها تبيها تكمل شرحشحه زياده انا شبعت >>>رفع يده استسلم
زياد:هههههههههههههههههه لا بس بتدلنا على الكوفي اللي قلتلك عنه
بدر: طيب والله فيها الخير مو تقول مشغوله
زياد: خخخخخخخخخخخ تصدق شكلها ما عندها شي بس تبي تهزئك
بدر:هههههههههههههههههه شكلها والله هالبنات عليهم حركات
زياد: يله وراها لا تضيعها
+++اخيرا وصلو للكوفي نزل بدر وخلود كانت في السياره جاها زياد وضرب على شباك السياره++
خلود واهي تفتح الشباك: هلا هذا اهو الكوفي اللي تبونه
زياد مع ابتسامه تسحر: ايه مشكوره تعبناك
خلود ترد الابتسامه: تعبكم راحه ما صار الالخير يله الحين انا عن اذنكم
زياد خاف تروح البنت من يده وين يلقها صدق البحرين صغيره بس صعب يشوفها صدفه مره ثانيه: لالالا
خلود: هلا في شي ثاني
زياد: وش رايك تنزلين تجلسين معانا لو عشر دقايق
خلود انحرجت: لا صعبه انتو تبون تاخذون راحتكم احس فيها احراج خاصه اني توني مسويه مطنشه من خويك
زياد:ههههههههههههههه ولا احراج ولا شي انزلي بس
خلود اه من ضحكتك: طيب بس عشر دقايق وصديقك هذا ما ابيه يكلمني
زياد:هههههههههههههههههه ولا يهمك ما راح يطب لسانك على لسانه
&&اخيرا اقتنعت خلود ونزلت معاهم الكوفي وجلست اكثر من ساعه واهي تسولف لحد ما سرقها الوقت&&
خلود تناظر ساعتها: اوووووووه انا مره تأخرت
زياد بحزن وتكشيره: تأخرتي على ايش
خلود: على البيت انا تاركه اخواني لحالهم مع بنت الجيران لازم ارجع
زياد: ليش وامك وينها
خلود بعد ما دمعت عيونها: امي توفت من سنتين وانا الحين المسؤوله عن اخواني
زياد: انا اسف ما كنت اعرف اسف
خلود ببتسامه حزن: لا ولايهمك اخوي ابوي اكيد رجع البيت الحين بس انا خايفه
زياد: من ايش
خلود بحسره: ابوي يشرب واذا رجع في الليل يضرب اخواني وانا اللي امنعه ولازم الحين ارجع
زياد: طيب وش رايك اوصلك البيت
خلود: لامشكور انا ادبر حالي مع السلامه
زياد: طيب ممكن اطلب منك طلب اذا ما في مانع
خلود: تفضل
زياد: ممكن رقمك عشان اتطمن عليك
خلود انحرجت من طلبه: ها رقمي
زياد حس بأحراجها: خلاص مو لازم اذا ما تبين
خلود: لا لا عادي تفضل
&&وعطته رقمها وطلعت بسرعه من الكوفي
بدر واهو يمرر يده على عيون زياد: ها يا الاخو تراها من خمس دقايق طالعه اصحى
زياد توه ينتبه:ايه عارف
بدر:ههههههههههههههههههههههه لقط وجهك بس
زياد بتكشيره: اقول يله مشينا
بدر: مشينا وانا من ساعه اقولك يله نروح
زياد: يله نروح الحين
بدر: مشينا
%%%%%نرجع الاستراحه%%%%%%%%%%%
**عند البنات خلص الفلم**
نوف: يله قوموا عسى يمدينا ننام ساعه
في: ايه والله وانتي الصادقه الحين الساعه2 ونص وبيقومنا بالكثير الساعه5 ونص
مي: يله نقوم ننوم
**استعدوا البنات للنوم ودخلو الغرفه **
(بصوت واطي عشان النايمين)
في: اقولك مي مين الي نايمه جنب عبير
مي: مممم والله مدري بس شكلها مشاعل
في وهي رافعه حاجب: ليه متى جو
مي: ماجو الى متاخرين اتوقع جو الساعه 12 وحنا طبعا من ذاك الوقت ماجينا عند الحريم الى الساعه 2 وهم مشاء عليهم راعيات نوم ناموا 1 ونص
في: وين اختها مها
مي: والله مدري بس تلقينها ضايعه مع هالخلق
في: يمكن ممممم يووه مره تغيرت مها من زمان ماشفتها بس يوه والله بياخذون فكره لاني مطنشتهم والله اصلا ماشفتهم.
**مشاعل بنت جمالها طبيعي بس نقدر نقول مملوحه وقحه جريئه وماتحب الخير لاحد ودايم تحب تحطم الي حولها بس من تحت لتحت مره بس الكل يشوفها انها ماتسوي شي وياما يقولون ياما تحت السواهي دواهي يعني نقدر نقول لها وجهين وعمرها23 تدرس دراسات اسلاميه لان نسبتها كانت ماتاهلها تدخل أي شي وكانت معجزه انهم قبلوها اصلا في الجامعه بس الله يخلي الواسطات**

**مها بنت جميله بشكل غير طبيعي بس جمالها مايجذب كل شي فيها حلو عيونها كبار ومرسومه ومكحله شفايفها مليانه بيضها رهيب شعرها بني على كستنائي وفيه خصل عسليه معطيتها شكل كانها وحده من فنانات هوليود نجي لشخصيتها مع رغم كل هالشي جمالها وحلاوتها الى انها ماستغلت الشغله وخذت اغلب الصفات من اختها مثل انها ماتحب الخير لاحد ودائما حاقده على بنات عمها لانهم مايعطونها وجهه مو عشان شي بس لانها هم يحسون انها تختلف عن شخصياتهم مغروره ودائما رافعه خشمها ودئما تستحقر الي معها وتحسسه انه ولا شي عشان كذا بنات عمها دائما ينفرون منها. وهي اصغر من اختها بسنتين وعمرها 21 بس هي كانت ناجحه في حياتها الدراسيه على عكس اختها مشاعل الي كانت تعتبر افشل وحده في العائله في الدراسه..
.......................................


**
مي: اقول لايهمك بس تعالي ننام
في: اوكي بس وين نوف
نوف: الحين بتجي تلقينها قاعده تتطقطق مع الحبيب
.............................................
في هاذي الاثناء نوف كانت قاعده تاخذ لها كاس مويه من المطبخ جتها رساله على الجوال دق قلبها لانها عرفت من مين كان احمد الي حلمت فيه طول 5 سنين

والرساله كانت**
~~**لو اوصف الشوق فيني ماضن انه كفاك**~~
~~**لو اوصف احساس دمعي كل دمعه تفديك**~~
~~**لو اقول اني احبك واشعل الدنيا بهواك ***~~~
~~**بتكون كلمة احبك والله شويه عليك يامجنوووونه ههههه**~

*نوف: اه ماصدق معقوله وشلون كنت مادري انك تحبني
كانت نوف تقرى كل كلمه كتبها احمد وهي طايره احبببك احبك

ورسلت له رساله ترد على رسالته
* احمد بعد مارسل الرساله حط راسه لانه كان يعتقد انها نايمه وماراح ترد عليه بس تفاجا بنغمة الرساله
وفتح الرساله وهو متلهف بيشوف وش كتبت انعم يد لمسها في عمره





الرساله>>
## احترت وش اكتب لانسان عزيته##
## وعلى كل الناس والدنيا بديته##
##ضاع الكلام وضاع الشعر وبيته##
##ادري لو بعت لخاطره عيوني ماوفيته##
##سكن خفوقي وتربع وياليته يدري اني من بين الكون اغليته##

بس اقولك من وين جبت رقمي ولا اكيد من في الشريره هههههه

رد عليها احمد برساله
~~ ايه اعزك قلتها والصدى غطى المكان ولتفت كل من كان حولي مندهش من كلمتي وجلست اردد واردد الكلمه ل وقت الاذان ربي احفظ من ملكني بحبه طول الزمان ياحلى نوفه ربي يخليك لي~
وبعدين على سالفت رقمك زي ماقدرت اجيبك قدرت اجيب رقمك ياعسل بس انتي الي ووشلون عرفتي اني انا الي مرسل الرساله وشلون عرفتي رقمي ها يله اعترفي ههههه

نوف:هههههههههههه ياويلي خخخ وش اقول الحين اقول ان رقمك عندي من خمس سنين ولا وش اقول يووه لا والله فشيله ماقدر بيقول هاذي لها الدرجه ميته علي وبيكبر راسه ههههه

ردت عليه برساله: قلبي قالي انه انت
ردعليها برساله: لا والله لا انا بعدين باتفاهم معك
ردت : لا والله مامل انك بتشوفني مره ثانيه
رد: ايه اكيد مو بس مره ثانيه الى وثالثه ورابعه وخامسه وطول العمر
ردت: لا مره مأمل اتحداك ياحلو
رد: لاتتحديني اجيك الحين ولا اجيبك
ردت: لا عاد هههههه مين قالك اني بقعد في المطبخ انا الحين باشرب مويه وانحاش
رد: اها في المطبخ طيب انتي جبتيها لنفسك اجل احسبي حسابي بكاس ثاني
كان احمد في هالاثناء في طريقه للمطبخ بس كان قاعد يرسل لنوف عشان يخليها تطول اكثر في المطبخ لما يوصل لها

رد: مايمديك لاني................
احمد : وراك
نوف: يمه يمه اخ قلبي روعتني وبعدين انا بروح
احمد: لا والله اصك مشاوير واخر شي تروحين مو على كيفك تعالي بوديك مكان رهيب
نوف: لاحلف اشوف خربتها مره يله روح لايقوم الحين احد ويشوفني معك
احمد: هههههههههههههه بس انتي لاتفهميني غلط وتعالي طلبتك وبعدين واذا شافوني انا بقول للك اني احبببببببببك وماقدر استغني عنك للحضه وكافي السنوات الي راحت وكل واحد مايدري عن الثاني.
نوف: لالا ماقدر وين ياحمد صعبه والحين خواتك بيدوروني
احمد: ماعليك منهم انا ادبرهم اصلا انا توني داق على مي وهي في سابع نومه واكيد في نفس الوضع
نوف: اخ ياسحبات سحبوا علي ونامواههههههههههههههههههه
احمد: ههههههههههههههههههه تسلملي هالضحكه اجل باخرط عليك كل يوم مدام هالضحك بتجي ههههه
نوف دفته من كتفه بشويش: بايخ يادب
احمد مسك نوف من يدها وسحبها
نوف: احممممممممد
احمد: طيب انتي خلي فيه ثقه شويه
نوف: طيب بسرعه باقي شوي وتطلع الشمس ابي انام >>>تثاوبت
احمد واهو يتثاوب: جبتي لي النوم يا المجنونه شوي ونرجع بس تعالي
نوف: طيب طيب بسرعه بس
&&احمد كان طاير مو مصدق اللي جمبه نووف وتحبه بعد راح اخذها على زاويه جمب الملعب وكلها ورد جوري احمر يجنن والشمس توها تطلع كانت السما موف على برتقالي فيها خطوط حمراء كان الجوو بارد ويرش مططر خفيف وريحه الورد والعشب منتشره في كل مكان كان الجوو رومانسي على الاخر خخخخخخخخخ&&
نوف كانت بجامتها خفيفه وكانت بردانه تتكلم واهي ترتجف:طيب احمد انا برجع الجو مرره بارد
احمد التفت عليها وشافها ميته برد وشفايفها بدت تنقلب بنفسجيه: لالالا استني لحظه
راح يركض وتركها
نوف تكلم نفسها :وين راح هالمجنون وتركتني انا برجع جوا
احمد واهو يلهث :تأخرت عليك
نوف: ما تأخرت بس الحين بيصحون ويشوفونا
احمد مد بوزه: الله يخليك بس خمس دقايق وروحي ابيك تشوفين شي
نوف بأستغراب: ايش
قالها: استني دقيقه وتشوفين بس انتي الا الحين بردانه
نوف: لحد بكرا اخاف امرض
طلع احمد من وراه: بسم الله عليك من المرض فيني ولا فيك انشاء الله خذي لفي هذا عليك لحد ما نشوف اللي نبيه بعدين عطيني اياه عارف انك خوافه ماراح تأخذيه مني
&&نوف كانت معروفه انها تحب الشالات مرره وسمع هالكلام من اخواته عنها اكثر بنت عندها شالات في السعوديه وضواحيها خخخخخخخخخخ فاراح وشرى لها هديه شال لونه زهري صوف نام وفي طرفه فراشه بالكريستال وشاف ان هذا انسب وقت للهديه &&&
نوف مستغربه: ايش هذذا؟؟
احمد يستهبل: هذي غتره وش شايفه شال
نوف: ايه طيب لمين لي؟
احمد: ايه لك انشاء الله يعجبك ذوقي وخذه وحطه على كتفها
نوف استحت مرره: شكرا بس
احمد: من دون بس ولا شي انا ما جبتلك شي يستاهل عشان كذا لاترديه
وفي هالوقت طلعت الشمس وكان هذا اللي احمد يبي نوف تشوفه اول شروق شمس واهم مع بعض
احمد: شوفي
نوف: ايه الشرووق مرره حلوه
احمد: مو بس الشروق
نوف نزلت راسها:.........
احمد: امووت على اللي يستحون بس قصدي انه احلى لانه اول شروق شمس واحنا مع بعض
هنا نوف ما قدرت تمسك نفسها وراحت تركض بسرعه جنونيه
احمد:ههههههههههههههههههههههههههههههههههههههههههههه ههههههههههههههههههههههه مجنووونه استحت مني يا حبيلها بس

&&نوف دخلت الغرفه وجهها متلون مليون لوون في كانت لسى ما نامت لان احمد قالها انه بياخذ نوف مشوار بسيط وبيرجعها&&
في: شوشوي يا حياتي عليك كل هذا مستحيه وبعدين وشلون جاء هالشال ولا لايكون رحتي عني السوق ياخاينه هههههههه
نوف: ههههه تستهبلين ههه اوريك اصلا كل هالبلاوي من تحت راسك>>> بس من جد بلاوي حلوه ههههه
في:ايه عارفه واحلى بلاوي هههههههههههههههههههههههههه
نوف: اووش اووش الحين تقوم ام فهد تهزئنا
في: ههههههههههههههههههه طب طيب بس انتي يبيلك جلسه مكثفه خليها بكره

قبل ماتجي نوف ماكانت (في)في الغرفه اصلا واول مارجعت الغرفه جت نوف وراها
نوف: في في هيه وش فيك وين رحتي لا ولا شي
نذكر وش صار لنوف وهي طالعه تشم هوا لان النوم ماجاها راح تتمشى وفجاه تشوف وحده من ورى بس ماميزت الى الان مين لان المكان ظلام وبعدين كانت بعيده وكانت رايحه للباب الي يطلع على الشارع وبدون ماتلبس عبايه ولا شي وكانت تكلم بلجوال
في:؟؟؟؟؟؟؟؟؟؟؟؟ وش قصتها هاذي
راحت في وقربت منها وتخبت ورى اشجر بحيث ماتشوفها مها
في: هاذي مها وش قاعده تسوي !!!!
بعدين في سمعت كل الكلام الي انقال بين مها وبين الطرف الثاني الي اتضح انه مو واحد من عيال عمها او من الاستراحه وكانت المكالمه::
طبعا لان جوالها كان فضيحه والي قريب منها يسمع صوت الي تتكلم معه
مها: هلا بحبيبي هلا بحياتي يله انا استناك طلعت من البيت وصلت ولا لا
الطرف الثاني : لا لسه حياتي انا الحين توني طالع من البيت
مها: طيب يالله وليد بسرعه اخاف يقومون الي عندي الحين الساعه 4 الاربع وسته بالكثير بيقومون
وليد : طيب انشاء الله ربع ساعه وانا عندك
مها: يووووه مره كثير يعني مطول
وليد : خلاص انا جاي يعني كل هذا مشتاقتلي
مها: ايه اكيد مشتاقتلك مووت
وليد :طيب خلي عندك صبر ياحلوه
مها طيب اذا وصلت دق علي عشان اطلع لك
وليد : انشاء الله ادق عليك وادق على ابوك بعد ماطلبتي شي
مها: ههههههه وين انت ناوي تودين في داهيه وش تدق على ابوي خخخخ
وليد : خلاص انسي حياتي الموضوع يله وخليني اشوف طريقي
مها: وهذا جزاي يعني قلت خلني اونس ولودي حبيبي في الطريق
وليد: ماتقصرين حياتي والله معك حق طريق الخرج طفش وبس كل شي يهون عشان مهاوي العسل وبعدين مالقيتوا الى هالاستراحه الي في اخر الدنيا تستاجرونها وعندكم الرياض اكثر من استراحاتها مافي
مها: والله وتقولي عارفه عندي عمان استغفر الله بس
وليد: هههههههههه والله انك مخربتها

في: وهي تمشي بكل صدمه بعد ماسمعت المكالمه معقوله توصل مها لها الدنائه انا اعرفها حقيره بس بهالحقاره ماتوقعت لا وبتطلع كذا معاه و في عز الليل وبتركب معه اللله الللله ياعيني ماقول الى ذنبها على جنبها والله يعين اهلها عليها

وطبعا بعد ماوصلت للغرفه لقت نوف الي كانت وراها بعد مارجعت من عند روميو (احمد)
وفي السياره طلع صووت غريب
وليد: ها تعبت من الجلسه
ابراهيم: ايه والله بس متى بتجي ذي خلني اخذ راحتي
وليد بحقاره:هههههههههههههههههههههههههههههاي لا يا حبيبي لا تستعجل قلنا السالفه بالدور انا اول بحكم المعرفه يعني وبعدها يجي الاقرب فالاقرب
ابراهيم:اهم شي يجي دوري سمعت انها قمررر
وليد بحسره: قمر وبس الا احلى بنت شفتها في حياتي بس عاد
ابراهيم: بس اييش
وليد: ما قدرت احبها صدق ما قدرت
ابراهيم: لالا يووووه خلاص تقلبها فيلم هندي دق عليها خلها تطلع قبل ما يقومون اهلها
$$ابراهيم صديق وليد من الطفوله وزي ما يقولون من عاشر القوم اربعين يوم صار منهم ابراهيم كان طيب ويخاف ربه بس بعد ما صداقته زادت لوليد اختفت الطيبه كلها شكله عادي او اقل من عادي ابيض طويل ونحيف شعره ناعم وخفيف ملامحه عاديه بعكس وليد اللي تنجذب له أي بنت....
^^^^^^^^^^^^^^^^^^^^^^^^^^^^^^^^^^^^
بعد ربع ساعه تماما دق جوال مها
وليد: هلا ميمي حياتي نمتي؟؟
مها: لا بس غمضت عيوني شوي على ما توصل..
وليد: طيب قلبي اطلعي انا عند الباب
مها::والله يله جايتك
وليد: يله لا تطولين علي وانتبهي ما يشوفك احد اوكي عيوني
مشاعل : اوكي
• مشت مها ثم طلعت من الاستراحه وراحت لسيارة وليد كانت سيارته همر اسود مضلل باسود لا كن كان رهيب وقفت عند شباك وليد نزل وليد وباس ايدها *
• **وليد انسان من يوم ماجاء على الدنيا وفي فمه ملعقة ذهب زي مايقولون .تخرج من الثانويه بنسبه مره نازله لانه اصلا ماكان راعي دراسه وطبعا دخل جامعة الملك سعود قسم هندسه طبعا بالواسطه لانه ابوه كان عنده معارف مهمين في جامعة الملك سعود وكان كل يوم له خويه زي مايقولون راعي بنات وخرابيط بس طبعا شكله هو الي مساعد كان مره شكله رهيب شعره ناعم واسود عيونه عسليه ومكحله خشمه طويل طويل وجسمه رياضي **
***كان لابس برموده جنز مع حزام اسود وتيشيرت كت ضيق مبين جسمه وعضلاته لونه اخضر ومكتوب عليه باE .....I love girls..... وهذا الشي يدل على وقاحته بس شكله كان رهيب...
• وليد : هلا بعمري تصدقين ماعرفتك هههه
• مها:هلا والله بس لازم يعني هالحركات ترى انا اذوب ههههه
• وليد: خلاص توبه وماعيدها
• مها:اوكي هالمره سماح
• وليد: طيب حياتي تعالي اركبي عشان ناخذ لنا لفه ونسولف شويه مع بعض ترى من جد مره مشتاقلك
• مها:يله بس بسرعه ما ابي اتأخر
• راح وليد وفتح لها الباب وركبت وراح هو ركب
.................................................. .....


انتظرونا في الجزء الثاني
وش بيصير في سالفة زياد وفي ولا احمد نوف وماذا ينتظر مها وهل بيحقق خالد الي في باله كل هاذا في الجزء الثاني وصباح العيد كيف بيكون..

هذا الجزء الثاني بحطه لكم لعلى وعسى القى تفاعل

الجزء الثان ي$$

^^الساعه 6 الاربع كانو البنات في سابع نووومه لانهم ما نامو الا متأخر انتو عارفين ليش نايمين لحددد^^
ام فهد بأعلى صوتها : يا بنا ات
مي كانت تحلم حلم يجنن وصحتها ام فهد كرهتها كرره: ها ياخالتي خلينا نص ساعه بس
في: تكفوووووووووووووووون سكروو الستاره شمس عيوووني يمه يمه ما اشووف انعميت
ام فهد: ههههههههههههههههههههه يله قومو بس
نوف: الله يخليك خالتي قولي لهم اننا صحينا بس نص ساعه
ام فهد : لو رجعتو نمتو نص ساعه الحين بيفوووتكم
البنات بأنتباه: يفوتنا ايش
ام فهد: عارفين مين اللي بيذبح اليووم
مي: مييين
ام فهد: زياد واحمد
نووف بغى يغمى عليها احمد متوحش لها الدرجه يذبح كائن حي: لالا خالتي ما اصدق
مي: ولا انا زياد ما يذبح
ام فهد: والله مو مصدقيني قومو شوفو بنفسكم تراهم يجرون الخرفان الحين
في: يللله قومو بس خلونا نتفرج
مي:يله بقووم نوووفوه قومي خلصي
نوف بطفش: يله يله قمت
**قامو البنات افطروو بسرعه كاس من حليب ام احمد ما يتفوت ولبسو عبايتهم عشان ياخذون راحتهم في الفرجه والضحك على اشكال الاولاد**
نوف: ايه والله شوفي احمد وش لابس
مي وفي:هههههههههههههههههههههههههههههههههههههههههههههه ههاي والله طالع قصاب من جد
في: الا اقول مي وييين القصاب الثاني
مي توها تتكلم الا تسمع صوت من وراها
زياد: القصاب الثاني وراك
كلهم تفاجؤؤ
في: ما ودك تهون ترانا ما نببي نشيلك وانت مغمى عليك
زياد بستهزاء:هاهاي حلووه يا خف دمك وشرايك انتي لا تسوين قويه وتشيلين نفسك عشان ما تشوفين الدم وتدوخين تراك دببه ما نقدر نشيلك
في ولعت: لو بغيت اذبح ذبحت
زياد بتحدي: يلله وريني >>>>>>>وعطاها السكين كان كبير
في توورطت بس ما لقت نفسها الا تقول: هات واوريك
$$$مي ونوف مو مصدقين اللي صار في بتذبح خرووف خرروف مره وحده ما قد ذبحت نمله ومي كانت مو مصدقه ان زياد كان واقف جمبها>>> والله فاضيه$$
في كانت ميته خوف ومو مصدقه راحت تمشي بعد ما لبست عبايتها وتحجبت وماسكه في يدها السكين الكبير وزياد جمبها يحس بأنتصار عارف اخر لحظه بتهون واهو يكسب التحدي&&&
وصلت في عند مكان الذبح وشافت الرجال كلهم متجمعين واهي معروف انها ما تتغطى عن احد يعني خذت راحتها
احمد: نعم نعم وش جايبك
في: والله الاخ زياد خاف اخر لحظه وقالي انتي اذبحي عني>>>>>>تبي تشوف رده فعله
زياد ارتاع: لالاوالله يا احمد اهي تحدتني تقول لو ابي اذبح ذبحت تحسب الموضوع سهل
في: ايه سهل والحين تشوف
ابو احمد: ها يا في وش جابك هنا روحي وقفي جمب البنات تفرجي
في بفتخار: لا يبه اليوم انا بذبح
ابو احمد مرتاع: ووووشووو
في: ايه يبه الله يخليك بسويها
ابو احمد: لا يا بنتي اخاف تعذبين الخروف
في متفاجئه الخروف بينذبح اصلا في تعذيب اكثر من الذبح: وشلون اعذبه
ابو احمد: يعني ما تقطعين رقبته على طول ويتعذب
في: اها لا سنونها زيين وانا برييحه على طول
ابو احمد: خلاص يله ورينا>>>>>>عارف انها اخر لحظه بتهون
في فرحانه وخايفه في نفس الوقت: يله بوريكم قدراتي>>>>>ودها تهون
&&في هالوقت انتشر الخبر بسرعه خياليه تجمع الكل لما سمع ان في بتذبح حتى الشغالات تجمعوو&&
شمسيه: ماما
مي: ماما في عينك انا اصغر منك قولي مي بس
شمسيه : طيب ماما
مي عصبت: ياربي شووف وش تقول
شمسيه: سوري ماما
مي ولعت: يوووووووووووه مي مي اسمي مي
شمسيه: طيب ماما مي
مي استسلمت: طيب بس خلصي وش تبين
شمسيه: سح ماما في سوي مذبوخ خرفانه
مي: ههههههههههههههههههههه الحمد الله اسمه خروف مو خرفانه ما في خرفانه غيرك هنا
شمسيه تقلب راسها: سح
مي: سح
ابو فهد: ها ابوي في وش عندك هنا
في: عمي انت بتشوف بعد شوي
ابو فهد: اووه مفاجاه انا احب المفاجات
في: هههههههههههههههههههههههههههههههههههه ايه مفاجاه
$$زياد كان مو مصدق بنت قلبها قوي كذا بتذبح والا اكيد اخر لحظه بتهون اكييد ما راح تسويها بس لو سوتها بروح فيها$$
في: ها يا زياد ما ودك تسحب تحديك لاني بسوويه>>>>>>>>>بتموت عشان يهون
زياد متردد: لا اذا انتي بتنسحبين عادي ماراح اعلم احد>>>>>>>>>تكفين هوني