تويت
صمت الأمال . . . .
احسب دقايق صمت الأمال بالهون وكثر الصبر زاد الثواني عددها
ألمح بقايا حلم الأيام مطعون وأغلى أماني ماتت أول مهدها .
في زحمة الأشجان في وقت مجنون أرجي عسى تذكر طموحي وعدها
دنيا غريبه سرها صار مكنون تبني قصورٍ والخيانه عمدها
الغالي اللي مايساويه مزيون بعز إعتيازي للمشاعر فقدها
الطيب ضايع دايم الدوم ملعون دنيا روتني من بقايا نكدها
الكذب عادل وأصبح الحق مغبون قلوبٍ مريضه والسبايب حسدها
عزه وهيبه عن ردى الناس يغنون يوم الردى كل الطهاره جحدها
غيمة مشاعر سيلت دمع مدفون تروي قلوب ٍ غايبه عن سعدها
كلي رجا لو همي والحزن يبقون شمس الأمل ترجع وتذكر عهدها
لعيونكم يالغالين . . .
تعليق