تويت
اصدح فضايا خاليٍ لك فلّ جنحانك
وانزل بقاعي قفر ماغيرك وطى فيها
املك خيالي نوّر افكاري بضيّانك
اهات قلبٍ بك تولّع فيك اطفّيها
سبحان من هو ساق قلبي يمّة اركانك
والحمد لله ورّد اشفوفي لغاليها
بي لك عظيم الشّوق ليت اتشوف ظميانك
ليت العواطف منك تبري بي خوافيها
روحي تردّ بلفوتك ياروح شقرانك
والنفس تسعد في حروفك يوم اراعيها
لا لا تأخّر لاتزيد احزان ولهانك
لاغبت عنّي زادت اشواقٍ نعانيها
ياشين حظّي كان قصّر دون حيضانك
اي والله انّه خاسر اوّلها وتاليها
انت الرّجى ليتك تداوي قلب وجعانك
وانت الامل لاجروح عاشق بك يداويها
هذي حروف الودّ سطّرته على شانك
عطّرتها باعظم غلا لك وانت راعيها
تعليق