تويت
أخترت لكم هذه الأبيات من أصل 92 بيت وهي إجمالي أبيات
قصيدة لشاعر شهادتي فيه مجروحه .. للرائع الوافي /
عوض بن محمد القِطْيَاني :
مريت حايل وانا لي حاجة(ن) فيها
واقفيت عنها وانا عيني تراعيها
اقفيت عنها وانا كني مودّعها
كني مغمّض على الجمره وانا أبكيها
موجوع كن الضلوع العوج مطبوقه
زلزالها جاب عاليها لواطيها
ياحايل أقبلت لا ماخذ ولا معطي
فيني هقاوي فقدها راس هاقيها
النار ماهي حطب بوجار قدامي
النار .. تحت المحاني زاد صاليها
يا حايل أرضك ندى يوم انقبر وسطك
رجّال روحه قضت بيدين باريها
كن الثرى يوم ضمت جسمه الطاهر
أمّ(ن) عطت حضنها ابن قال لبّيها
أرضك بها حاجتي وسنين حاجاتي
تبقى وتلقى ( عوض ) غيري يحاجيها
إن قلت يا حايلي من عاض ( نصر الله )
سجّلت نفسي عوض لو كنت مخطيها
ماجيت أخبرك يا حايل عن أفعاله
لا صار هو حاجتي وانتي خذيتيها
يكفيك مني لا من قلت ( نصر الله )
نوّخت ذود المراجل عند راعيها
يا حرق قلبي عليه ويا شقا حالي
وياسقم روحي عناي اللي معنّيها
يا قبر خل النصايب ترتفع عالي
ما تحتها غير من خمسه يصلّيها
والحجه اللي قصى القاصي بحجّتها
نذر(ن) عليّه بعد حجي لاوفّيها
يا قبر أمانه معك ( نصر الله الغالي )
أوّاه قمراه غابت عن لياليها
يا نصر سلّم على الهادي رسول الله
وسلّم على أصحابه الغرّ بمماشيها
وسلّم على ابوك (موسى ) والنبي موسى
وسلّم على العشر والطيبه لجانيها
وإن شفت ابويه ( محمد ) قل سلام الله
وصّل تحية أخوك اللي بدا فيها
يا الله نصرك لصبري بعد نصر الله
أطلبك يا رب والدعوه لداعيها
يا الله ترحم ( نصر ) وادعيك باسمائك
وادعيك باعظم صفاتك وانت كافيها
جعله بجاهك يجي من كلمة الشافع
وجعله بجنة عدن وقطوف دانيها
يا ( نصر ) يكفي بقايا لي من الباقي
بخوانك اعتاض في هقوة حراويها
عاطف وعادل وكلّ(ن) له قسم باسمه
ومحمد الطيب لارجحت يساويها
لاجيت حايل وانا لي حاجة(ن) فيها
واقفيت عنها وانا عيني تراعيها
لو قلت يا حايل عذر واقفيت بدموعي
كني مغمّض على الجمره وانا ابكيها
قصيدة لشاعر شهادتي فيه مجروحه .. للرائع الوافي /
عوض بن محمد القِطْيَاني :
مريت حايل وانا لي حاجة(ن) فيها
واقفيت عنها وانا عيني تراعيها
اقفيت عنها وانا كني مودّعها
كني مغمّض على الجمره وانا أبكيها
موجوع كن الضلوع العوج مطبوقه
زلزالها جاب عاليها لواطيها
ياحايل أقبلت لا ماخذ ولا معطي
فيني هقاوي فقدها راس هاقيها
النار ماهي حطب بوجار قدامي
النار .. تحت المحاني زاد صاليها
يا حايل أرضك ندى يوم انقبر وسطك
رجّال روحه قضت بيدين باريها
كن الثرى يوم ضمت جسمه الطاهر
أمّ(ن) عطت حضنها ابن قال لبّيها
أرضك بها حاجتي وسنين حاجاتي
تبقى وتلقى ( عوض ) غيري يحاجيها
إن قلت يا حايلي من عاض ( نصر الله )
سجّلت نفسي عوض لو كنت مخطيها
ماجيت أخبرك يا حايل عن أفعاله
لا صار هو حاجتي وانتي خذيتيها
يكفيك مني لا من قلت ( نصر الله )
نوّخت ذود المراجل عند راعيها
يا حرق قلبي عليه ويا شقا حالي
وياسقم روحي عناي اللي معنّيها
يا قبر خل النصايب ترتفع عالي
ما تحتها غير من خمسه يصلّيها
والحجه اللي قصى القاصي بحجّتها
نذر(ن) عليّه بعد حجي لاوفّيها
يا قبر أمانه معك ( نصر الله الغالي )
أوّاه قمراه غابت عن لياليها
يا نصر سلّم على الهادي رسول الله
وسلّم على أصحابه الغرّ بمماشيها
وسلّم على ابوك (موسى ) والنبي موسى
وسلّم على العشر والطيبه لجانيها
وإن شفت ابويه ( محمد ) قل سلام الله
وصّل تحية أخوك اللي بدا فيها
يا الله نصرك لصبري بعد نصر الله
أطلبك يا رب والدعوه لداعيها
يا الله ترحم ( نصر ) وادعيك باسمائك
وادعيك باعظم صفاتك وانت كافيها
جعله بجاهك يجي من كلمة الشافع
وجعله بجنة عدن وقطوف دانيها
يا ( نصر ) يكفي بقايا لي من الباقي
بخوانك اعتاض في هقوة حراويها
عاطف وعادل وكلّ(ن) له قسم باسمه
ومحمد الطيب لارجحت يساويها
لاجيت حايل وانا لي حاجة(ن) فيها
واقفيت عنها وانا عيني تراعيها
لو قلت يا حايل عذر واقفيت بدموعي
كني مغمّض على الجمره وانا ابكيها
تعليق