تويت
منى تعالوا ..دامكم سهرانين ..خلي نسهر معاكم ..
دانه قمر متململه مني يا ام فيصل .. ما تبي تنام بهدوء ..
منى حنا نطالع فيلم مصري ..ايلسوا معانا ..
ساره يمه ..ممل !
منى أنا أحب افلام صباح ..ما تبين تشوفين كيفج روحي غرفتج .
ساره الشيخه عايشه تطالع حفله ايهاب توفيق ..وع .
بعد عشر دقايق ..
قمر وين خالي تركي؟
ساره وين يعني ؟ في غرفته ..
دانه ما شافت حد من خوال قمر غير سالم ..اللي سلم عليها بسرعه وطلع .
قمر تعالي ..
طقت الباب ...
ادخل .
قمر هاي اونكل .
تركي هلا تعالي .
قمر موب بروحي معاي العمه .
تركي ها؟؟ خليها تدخل ..
انتبهت دانه انه ضبط شعره .. ورتب الاغراض اللي جدامه ..
شبت الليت ..
انصدمت دانه..كانت غرفة عوده ..فيها تلفزيونين وأكثر من ريسيفر وأكثر من فيديو ..وفيه كمبيووتيرين ولاب توب ..كان جالس جدامهم ..تركي كان وسيم ..بس صغير ..عمره ما يزيد عن سبعطعش ..
قمر عمي ..مشرف في ثلاثة أرباع المنتديات للي في النت وصاحب أكثر من موقع للشات .. هو مشرف فيها .
استغربت دانه انه ما وقف لها ..
لكن استغرابها انحل لما شافت الويل تشير( كرسي بوعجلات .(
كان متفاجأ ...أول مره يشوف دانه ..وشكله انبهر فيها ..
دانه شخبارك؟؟
تركي الحمدالله ..تفضلي ..
خلال ساعه كامله راقبته دانه بهدوء وهو يعلم قمر بعض الاشياء بالكمبيوتر ..
ولما طلعوا من الغرفه ..
دانه من متى ؟
قمر من سبع سنوات ..حادث سياره وخطأ طبي أعدم فرصته في المشي ..يدي ما قصر ..ما خلى مكان ما سافر له للعلاج..لين السنتين الاخيرتين ..تركي نفسه تعب ..وطلب من يدي ينسى سالفة العلاج ..فقد الامل ..بس لقى له عالم هو قادر انه يمشي نفسه فيه..عالم النت ..يدي ما خلى شي في خاطره ..وما اكذب عليج اذا قلتلج انه ما طلع من غرفته من يومين؟ (plus today),,,,
دانه ما قد مره قلتي لي.. ليش؟
قمر موب كل شي ينقال ..وبعدين من سبع سنوات انا وانتي كنا يهال ..وكانت يدتي كله هواش مع امي ..ما كنا بنت وعمتها الا من اربع سنوات بس..
دانه خل نتمشى في الحديقة ..
قمر أمانه ..اشعري ..
دانه مافيني مزاج .
قمر أمانه دوين .
دانه قمر ..صار لي ثلاثه أيام ما نمت ..
قمر أدري ..ماتقدرين تنامين في مكان غريب ..بس هذا صار بيتج ..ولامانمت شوق للغائب؟؟
دانه خالج ما عرفته لين الحين علشان اشتاق له ..
قمر ممكن ..ما بتقصدين ؟
دانه انتي مصممه؟
قمر اييه ..
دانه اوكي ..عطيني ثواني افكر في شي ..ما في شي أقدر أفكر فيه .
قمر تكلمي عن الحب ..
دانه الحب؟؟
قمر اييه ..
دانه زين ..بس بقول خاطره ..
((حب؟؟
شالكلمة الصغيره؟؟
حب؟؟ ...
من أي بلد؟؟ ومن أي زاوية؟؟ من أي ديره؟؟ ((
دانه كافي ..مافيني أقول شي زياده لاني موب مركزه في شي ..
قمر قولي لي بيتين ..بس بيتين ..وتكلمي فيها عن الحزن والحب والقدر ..والجروح ..
طالعت دانه قمر ..اللي كانت سرحانه ..واستنتجت انها تفكر في خالد ..
دانه مافيني . ..ما اقدر ..خلي نروح ننام ..
قمر هذا خالي فيصل ..
شافته دانه ..كان صج وسيم ..وطويل طول ضاحي ..نزلت راسها ..
فيصل السلام عليكم ..
قمر هلا خالي ..
فيصل هلا ..
وأشر لها من هاذي؟؟
قمر عمتي ..هذا خالي فيصل ووخالي ..هذي عمتي الدانه ..زوجه خالي ضاحي ..
فيصل ضاحي تزوج؟
قمر كنت مسافر صح؟
فيصل اييه ..كنت في دبي ..اليوم العصر رجعت ..
كانت عيونه على دانه ..اللي رفعت راسها بهدوء ووابتسمت بخفيف ..
فيصل .....................زوجه ضاحي؟؟؟
ما ارتاحت دانه لنظراته ..
قمر سرينا يا عمتي؟
دانه سرينا ..
بعد ما وصلت الغرفة .. معقوله ما يدري بعرس اخوه؟؟
قمر عمتي ...خوالي ما يكلمون بعض ..نادرا ..خالي ضاحي كله مسافر ..والوحيد اللي يكلمه في البيت هو تركي ..وخالاتي بعض الاحيان .
***************
مابقى شي ..العرس بعد شهر وشي ..وهالشهر بيمر بسرعه ..مرور الكرام ..لازم يرتب كل شي بيرفكت ..هو الابن الوحيد ولازم عرسه يكون كبير تتكلم عنه الدوحه كلها ..الامكانيات المادية متوفرة ...والحمدالله ...
ام خالد خالد يا ولدي ..ما بتيوز عن قرار السفر؟
خالد يمه ...أنا ندمت أني ما كملت على طول ...بس هالكم شهر ما بيأثرون وايد ..بسافر أمريكا ..ولاتخافين علي بكون مع زوجتي مو بروحي .
ام خالد كيفك يا ولدي ..
تنهدت وطلعت لغرفتها ..
عبير ...............................عاجبك؟
خالد صرخ فيها جاب ...موب كل مره بسكتلج ..كيفي فهمتي؟؟ لا تفلسفين على راسي ..يلا اذلفي غرفتج ..
قامت عبير وهي كاتمه خوفها ..أول مره يصارخ خالد فيها ..
قام خالد ..كان مواعد بدور يمر عليها ..
ليش يظنون أنه أناني؟؟ ليش دايم عى بالهم أنه مايحس؟؟ كل شخص له همومه ..وكل شخص له طريقته في التعامل معاها ..
((يعني أنا ..سبع سنوت ضغطت على نفسي ..وكل سنه كنت أنجح بطلعة الروح ..المهم ما أعيد ..ولما لقيت الانسانه اللي تكملني رفضوها اأهلي..شيماء كانت تفهمني..كانت تفهمني وتقراني مثل كتاب مفتوح ..ولما رجعت ..انصدمت بكابوس دانه ..ما يكفيها اني السبب في وفاة امها ؟؟ يبوني أتزوجها علشان اشيل هالذنب للابد؟؟ ((
تذكر دانه يوم طلبت منه انه ما يتزوجها ....بس تذكر لما كان يدرسها ..لما كانت تنتظره في الليل ..هو موب غبي يفهم ..لا ...شيفهم ..دانه اقتنعت بفكرة انها تكون زوجته ..موب حب ..
بس ..
((أنا اللي الحين حاير ..محد بيفهمني ..أنا نفسي موب فاهم اللي في قلبي ..أنا أحب دانه..أكيد أحبها ..البنت تزوجت شالكلام الماصخ؟؟ وشالحب اللي اكتشفته متأخر؟؟ .. ..اه ..لو يرد الزمن .. .. ((
لبس غترته ..ورش من عطره ..وطلع .
((يمه هالسفر ..والدراسه ..شي ..بيرفعني فوووق فووق ..وماراح أسمح لحد يوقف في طريق طموحي ..مهما كان ..((
***********************
قمر صباح خير ..
دانه صباح النور ..
قمر ما نمتي هالليله صح ؟
دانه شدراج؟؟
قمر ما خليتيني أنام ..كله تتقلبين ...
دانه صحيح ..ما ارتحت ....ليمالحين ما ألفت المكان ..
قمر كم الساعه ؟
دانه ثمان ونص ..نمنا متأخ وصحينا مبجر ..
قمر بروح البيت ..
دانه ليش؟؟؟
قمر اليوم خالد بيي ..
دانه ؟؟؟؟
قمر اليوم خالد يي ..لبدر .
دانه ما فهمت ..خالد ياي لبدور ..انتي ليش رازة ويهج؟؟
نزلت قمر راسها ..
ما شفته من زمان ..
دانه أقول ...اركزي بس ..وتمي تغدي معاي ..لاتقطين ويهج ..خل عندج كرامه .
سكتت قمر ...
دانه لاتزعلين ....بس..بعد اليوم ..حاولي تبعدين عن بدور ..وعن خالد بالاخص !
قمر قالت لي بدور انهم بيسافرون ..أمريكا ..خالد يبي يكمل دراسته ..السالفه بتاخذ سنين ....يعني ما ...
دانه جب ..جب ..انسيه صار ريل بدور ..صار زوج وحده ثانيه ..
قمر .............أحبه ..
دانه شحبين؟؟ من وين تعرفينه علشان تحبينه ؟؟ شفتيه مرتين وصار حب ؟؟
قمر عمتي أشوفه كل يوم في احلامي ..أكلمه ويكلمني هنا ...
وأشرت على قلبها ..
دانه قومي يالخبله ..قومي ..نتريق ...
تمت تصيح قمر دانه طالعت لها بشفقة ..ومسكتها من يدها وخذتها تغسل ويهها ,
*************
بدور بشتري فستاني من باريس ..
خالد باريس؟
اييه ..بروح مع امي وبنات خالتي شوبنق ..
خالد من باريس؟ كم بتظلين هناك؟
يعني ..ممم ..شهر ..
خالد العرس بعد شهر ..
بدور اييييييه ...وناسه صح؟
خالد بس شهر وايد ..روحي اسبوعين ..
بدور لاء ..أنا مو أقل من بنات خالتي ..كان يروحون شهر شوبنق ..
خالد .................
بدور لا تزعل خالد ..أنا بطلع بأحلى طله ..أحلى من عمتي يوم عرسها ..ما تصدق ..الحريم انهبلوا عليها وقالوا وين كانت مختفيه؟؟
خالد ........................,,
بدور أرجوك خالد ...بعدين بدور شي لونه ازرق ..
خالد ازرق ؟
بدور مم ..أو نحاسي ..علشان المكياج ..
خالد ؟؟؟؟؟؟؟؟؟؟؟؟
بدور لون الباقه المسكه من لون المكياج ..بخليها زرقا ..بوصي عليها من فرنس ..
خالد فرنس؟
بدور باريس ..شفيك خالد مقفل ..
خالد ولا شي ..دانه سمعي مني ..خذ فستانج من دوله قريبه ..أو وصي عليه من الكاتلوج ..شفيج تطالعيني جيه؟؟
بدور بعصبية اذا نسيت أذكرك ..أنا اسمي بدور موب دانه ..وأيا كانت دانه هذي ..أحسن لك تنهيها من حياتك قبل زواجنا ..ولا ما بيكون في عرس .
قامت بدور ..وهي معصبه ..وقالت بسافر باريس الاسبوع الياي ..وما يهمني رايك ..
سكت خالد .. والالوان شردت من ويهه ..قال دانه ؟؟ معقول زل لسانه؟؟ وبدور؟؟ انتبهت ؟؟ والمصيبه انه على بالها دانه وحده ثانية موب عمتها !!!!!!!!اكان يبي ينطق يبي يوقفها ..يشرح لها لكنها ما اعطته فرصه ..
اتصل برقمها ...حاول ..بس هي ماترد ..هذا بالضبط اللي ناقصه !!!!
طرش لها مسج ردي علي ضروري ..ما ردت ..
أكثر شي صدمه قواة بدور ..وشلون تكلمت ...وطلبت منه ينهيها من حياته ؟!
طلع من البيت ..وما شاف طريقه ...
********************
حمد تعالي هنا ..شسالفة الخطبة ..
ابتسمت دانه خالد خطب رفيجتي ..ووافقت ..!!
حمد وحنا اخر من يعلم ؟؟
تنهدت دانه ..لو يدري حمد بحال خالد شبيقول؟
حمد ليش هالتنهيده ..؟؟
دانه لان أنا مثلك ..تو اتصل فيني خلود وقال لي ان أنه خطب واهل العروس وافقوا ..وأنا لين الحين ما كلمت رفيجتي ...وشاء القدر انك تمرني ..
حمد وينها بنت اخوج؟؟ ما تطلع؟؟
دانه الحين تطلع ..اصبر شوي ...
كانت دانه في السياره جدام جنب حمد ناطره قمر ..بعد ما طلبت منها انها توصلها لبيتهم .
حمد ما عندها خوات هذي رفيجتج؟
دانه عندها ..وحلوييين يهبلون ...
حمد اخطبي لي وحده منهم ..
دانه انطر 12سنه ...
حمد ليش؟؟؟
دانه لانهم كتاكيت ..صغار وايد !!وحده عمرها ست والثانيه خمس !!
ضحكت دانه ..وحمد عصب !
دخلت قمر السلام عليكم ..
دانه وعليكم السلام ..
حمد وعليكم..
وصل مسج لدنه ..كان من قمر اللي جالسه ورى (( استخسر فيني هالسبال كلمة سلام؟؟؟ شدعوه ولد اخوج ششايفني كافره؟؟ ((
ضحكت دانه ..
حمد ليش تضحكين؟
دانه كيفي ..
حمد هاتي الجوال ..
دانه مالك شغل..
حمد بند السياره وأخذ الجوال من يدها بعد معركه شرسه ...حاولت دانه ما تعطيه اياه ..
طبعا دانه كاتمه ضحكه هيووج..التفت لقمر اللي ويهها صاير طماطه ..والدمعه انحكرت في عيونها ..
حذف حمد التلفون عي حضن دانه اللي كتمت ضحكه ...وشغل السياره وكمل الطريق ..طول الطريق وهو ساكت ..دانه طرشت مسج ..لقمر
((تستاهلين ما ياج بسبة طول لسانج !!((
ردت قمر (( شششش ..لاتكلميني لساني بلعته من الاحراج!!!((
ضحكت دانه مرة ثانية التفت لها حمد ....دانه توقعته ما ياخذ التلفون على اساس انه تاب ! لكنه مد يده وخذ التلفون..
دانه اعنبوك استح البنت ورا !!!!
حمد ما رد بس ابتسم ورجع الجوال لدانه ..
طول الطريق كان حمد فاتح اذاعه سوا ...ومحد تكلم .لين ما وصلوا بيت قمر .. نزلت قمر وودعتها دانه ..
أول ما حرك السياره بنت اخوج هذي من أخطاء الدنيا السبع !!
دانه أي اخطاء سبع؟؟ كافي الاحراج اللي سببته لها ..اسكت بس ..
ضحك حمد .. ما قدرت اقول ولا كلمه ..حسيت باحراج ..
دانه انا مت من الاحراج ! شلون بقمور المسجينه .. !!
حمد تستاهل ...عيل انا سبال ؟؟ والله مصدقه عمرها حضرتها ..
ابتسمت دانه ..
حمد ليش تبتسمين؟
دانه ولا شي ...حرام ابتسم؟؟؟؟
حمد اييه ...ليش شاجه الحلج حضرتج ..شاللي في خاطرج ؟؟
دانه أشوف شرارة ..
حمد دانه ...تذكرين اخر مرة تكلمتي في هالموضوع شسويت لج؟؟
دانه خلاص ..تووووووووبه ..
رن تلفون دانه ..كانت ليلى ..
دانه الو ..هلا ..
ليلى ما اعترض ووافق ..
دانه ولش انتي متضايقة؟
ليلى ما ادري ..ما تضايقت ..بالعكس انا اعجبني خالد وايد ..بس ..تمنيت ان تكون لي قيمه..على الاقل يفكر فيني ك ...مدري شقول ..بس البنت تفرح لما تكتشف ان الناس تبيها..وهالكلام ..!!!!
دانه الغبي ..
حمد من تكلمين ؟؟
دانه أكلم رفيجتي ..
حمد أشك .
ليلى من الغبي ؟
دانه هو غبي ..ضيعج من يده .. المهم..أنت راضيه الحين؟
ليلى اييه..مستانسه ...بس هالشي اللي تكلمت عنه من قبل شوي كدرني .بس تمي فرحانه وابوي مستانس وايد ..عاجبينه الخطاب .
دنه تستاهلين يا عمري ..
ليلى احم .
دانه الجو غيم عندكم ؟؟
ليلى اييه ..غيم أسود ..
دانه حتى أنا ..أكلمج في الليل ..أنا الحين رايحه بيت اخوي ..ولدهم خطب اليوم ..
ليلى اوكي .. اللي يفرحني اكثر شي ..هو انج في السالفه ..
دانه بسكر قبل لا تمطر ..مع السلامه .
ليلى مع السلامه .
ابتسمت دانه ...الشفره بينها وبين ليلى ومعناها ما اقدر اكلمج الحين ..بس مفهومه ..صارت مكشوفه .
رن الجوال مرة ثانية طالعت الرقم ..كان رقم بدور .
بدور عمتي ليش ما ييتي؟؟
دانه وعليكم السلام ..شفيج؟؟
بدور شفيني؟؟ اكتشفت ان زوج المستقبل على علاقه بوحده اسمها دانه .
دانه ايش.......................؟؟؟؟؟؟؟؟؟؟؟؟؟؟؟؟
بدور اللي سمعتيه ..
دانه لا تكدرين خاطرج ..معقول؟؟ ما اصدق شدراج؟
بدور اليوم وهو يكلمني ....بدل اليقول اسمي قال اسمها..
دانه شدراج يمكن انا ؟
بدور عمتي الله يهداج لاتزيدينها !!
دانه هو شقالج؟؟
بدور ليش ؟؟ له ويهه يقول شي ؟؟ اصلا انا ما اكلمه ..
دانه حبيبتي ..شوفي ..طرشي لي الرقم ..وأنا ادبرها ..
بدور لا تكلمينه هالخاين .
دانه عمري..بس طرشي الرقم ..وأنا اتدبر السالفه ..وهدي عمرج ..يمكن ما في شي جايد هو بس سوى الشي اللي قلتي عنه ؟
بدور اييه ...ومارضى اسافر باريس ..
دانه هذي سهله طرشي الرقم وانا اتدبرها ..وباجر بمركم ..اليوم ببات في بيت ناصر .
بدور زين ..مع السلامه .
دانه الله معاج .
حمد شالسالفه؟
دانه بطل عن اللقافه ..مالك خص .
حمد بمن بتتصلين ؟؟ وعن مين كنتي تتكلمين؟
حست دانه السالفه فيها غيره .
هذا الخياط ...خرب فستان بدور ..
حمد من بدور؟
دانه اخت قمر .
حمد اذكر اسمها بدر . اي فستان العرس؟
دانه لا عيوني ..فستان عادي ليوم الحنا .. بكلمه بعد شوي واتفاهم معاه .
حمد وانتي وشو مديرة اعمالها ؟؟
وصل مسج لدانه .
دانه لا ...بس عمتها ...وهالسوالف العمات هم المسؤولين فيها .
حمد ما اشوفها اهتمت فيج بعرسج؟
دانه حرام عليك..كافي انها اعطتني كورسات فن وضع الميكياج ..واشترت مكياجي كله ..وأشياء وايد ..ما قصرت ..
طرشت دانه لخالد (( السلام انا دانه .العمة .شسويت لبدور؟((
اتصل خالد على طول في دانه لكنها صكته في ويهه .
وطرشت مسج ((بالمسجات ما اقدر اتكلم الحين ((
خالد (( زل لساني وقلت اسم غلط ..حرام؟((
دانه (( حبيبتك؟؟))
خالد (( لاء ... ما ادري طريت في بالي وزل لساني وقلت اسمج .((
دانه (( بس؟ ما صار شي ..بعد عشر دقايق .. دق على بدور .((
طرشت دانه مسج لبدور (( كلمي الريال ..خلط بيني وبينج ..وقال اسمي ..لاتخافين انا اخر وحده يخونج معاها ((
طرشت بدور (( ما اصدق ((
دانه (( لا صدقي وسمعي مني انا عمتج ..((
بدور ( بحاول .((
دانه (( لاتكلمينه الحين ..لما يدق هو عليج ((
بدور (( زين ((
طرشت دانه لخالد (( يا خي حاذر في كلامك بدور ملاحظتها قوية وكبرياءها اقوى ((
خالد (( والله ما قصدي شي ...نسيت ..مبروك الزواج ((
دانه (( الله يبارك فيك ..وراضها ..سو الي تبيه ((
خالد ( شكرا (
دانه (( ماله داعي هاذي الغاليه ((
صكت دانه جوالها ..حمد من كنت تراسلين؟
دانه رفيجتي ..
وصلوا ..وأول ما شافت خالد ..على طول اركضت واحضنته .. وباركت له ..
خالد هلا في اللي عافها ريلها من اول ليله ..
دانه جب يالحمار ..ما عافني بس سافر مضطر .
خالد الكل يتطنزون عليج حتى صلوح ..
دانه انا اراويهم الحمير ..
****************************
طول الاسبوع اللي مر ..دانه كانت مشغوله في التفكير..ليش زل خالد بسمها؟؟ ليش كان يفكر فيها ؟؟ وشلون؟؟ سافرت البدور بعد ما راضاها خالد بموافقته ..وبنفس الوقت .. تعرفت على اهل ضاحي ..الكل تقريبا ما يتكلمون عنه ..وما عجبها فيصل بنظراته ..
واللي صج ما عجبها انه ضاحي ما رفع التلفون وسأل فيها ...
***********
دانه تركش ...أرجوك ..لا ..
تركي انا المدير في هالمنتدى ..وأقدر اطردج أو أوقفج ايام ..لاتتحرشين ..
دانه تركش بلييز ....
هدى صج تركي ..لا تطردها ..الكل يحبها هنا ..
تركي تستاهل ..تطاولت على المدير ...نادته تركش .
دانه حرام عليك ..اسمك جي في الانجليزي ..
تركي ادري ما يبتي شي من عندج ..
دانه خلاص أنا أراويك الحين ..
تركي دانه ....شتسوين؟؟
دانه ولا شي ....
تركي نشوف ..
بعد عشر دقايق ..
تركي ليش فصلتي النت ؟؟ مالي خلق اشبك من جديد ..
دانه عادي .
أول ما شبك تركي ..
تركي ليش اسمي ما ..ليش في خطأ؟؟
دانه تركش روح القسم العام ..الحق ..
تركي اييييييييييييييييييييييييييييييش؟ المدير العام يعتذر من العضوة النمر الوردي؟؟؟؟؟؟؟ سرقتي باسووردي ؟؟
دانه اييه..أمس انا وهدى لقينا الطريقه..سهله ما تحتاج هكرز..وها ..علشان تستخف فيني..هذا هو المنتدى صار بكره تحت اشرافي ..
تركي الحين ارجعه ..وموب صعبه الطريقه وشوفي شبسوي فيج ..
دخل فيصل في هاللحظة للغرفة ..
فيصل .........شتسووون؟
هدى عالنت ..
فيصل باين بس شتسوون ؟
هدى ولا شي ..
فيصل ماتدرون متى يرجع ضاحي؟
دانه ما ردت ..
هدى يقول بعد اربع ايام .
فيصل لما تكلمونه خل يتصل فيني..
كان واضح ان فيصل يوجهه كلامه لدانه..اللي بس هزت راسها بأوكيه .
هدى متى كلمج ضاحي اخر مرة؟؟
دانه من زمان ..ماعندي رقمه ..
دانه ما كان عندها رقم ضاحي ..وماكلمته من يوم العرس ..
دانه بروح غرفتي الحين عن اذنكم .
تركي اذنج معاج ..شتبين في اذونا؟
ابتسمت وطلعت ..دخلت غرفتها ..طالعت صورة ضاحي..ماكان قبيح مثل أول مرة شافته ..يعني..صورته بدت تتحسن في نظرها ..رمت الشيلة وفتحت شعرها ومشطته..تركته مفتوح ..تمددت على السرير ..الفراغ اللي تحس فيه كبير ..قبل عيال اخوانها معاها وكانت تاخذ راحتها ..الحين المكان الوحيد اللي تطلع له هو غرفة تركي مع هدى أو ساره ..
مسكت جوالها ..اتصلت في حسن ..
حسن هلا و غلا ..ما بغيتي تتصلين؟؟؟
دانه انت الحمار الوحيد اللي ماشفته من يوم عرسي ..
حسن على جيه كم حمار شفتي؟؟ أنا صراحه رحت سيلين مع الربع ..قلت ما اخرب عليج ..عروس ..لين ما شفت خالد ..وقال لي ان ريلج مسافر من ليله العرس ..ههههههههههههههههههه...مسرع ما عافج ..
دانه جب يالخايس ...راح عنده شغل وكان يبيني اروح معاه بس مارحت ..بكييييفي ..موب عايفني ..
حسن ومتى بيرد؟؟
دانه بعد اربع أيام .
حسن خلاص بمرج الحين نطلع مع بعض ..
دانه صج؟؟ والله كنت متملله وضايقه ..
حسن الحين أمرج ..
دانه الحين ألبس ..
تعدلت دانه والبست ..البست شيلتها وطلعت والبرقع في يدها ..
دانه ساره ...ساره ..
ساره هلا ..
دانه بطلع مع ولد أخوي ..اذا اي حد سأل عنني اتصلي ..ممكن ؟
ساره اوكي ..مع السلامة .
اول ما طلعت كان حسن عند الباب ..
اركبت معاه على طول ..
حسن باخذج معاي للمدينة الالعاب ..
دانه مدينة الالعاب؟؟؟ وناسه ...
حسن بس أخاف تكونين حامل ..
دانه لا ..لا تخاف ..هالفكرة مأجلتها عشر سنوات .
حسن اوكي .لننطلق لمدينه الالعاب ..
دانه 3..2..1 ..انطلق !!!
حسن والله هذا ضاحي ماخذ له ياهل ..
دانه امانه حسنسن ..خذني ..
*********************
خالد .شسويتي اليوم؟
بدور ولا شي ..أنا وأمي رحنا الصالون سوينا بديكير ومنكير ..مثل كل شهر ..
خالد وقمر؟
بدور اييه ..انت ولا مرة شفت قمور ..كل ما تجي تكون برا البيت ..زين خالد ..ما بتقول لي كلام حلو؟
خالد ردينا؟
بدور أرجوك خالد ..قولي مثل الافلام ..اي مس يو ..اي لوف يو ..يو ار ماي فلانتاين!
خالد لوف يو بالعربي ما تمشي ؟
بدور شوف خالد أنا زوجتك .لي متى بتم كاتم هالكلام الحلو؟؟
خالد لاحقة عليه بعد أقل من شهر .
بدور زين أبي أعيش فترة الخطوبة ..
خالد بدور رئيسي في الشغل الحين يدخل بأي لحظة ويوجهه لي ملاحظة أن استراحتي زادت عن نص ساعه !!
بدور بل ..صار لنا نص ساعه نتكلم .. مستحيل ..انا من شوي رجعت من الصالون ..
خالد ربع ساعه ضيعتها أحاول أتصل فيج ..يلا باي عمري .
بدور وهاذا انت كل مرة تتهرب من الموضوع ..ماني مكلمتك لين العرس !
خالد لاتنسين ارجعي بعد ثلاثة أسابيع بس !!
بدور شلون بنسى وأنت اللي حجزت التذكرة ؟؟
خالد بكلمج بعدين .
بدور مدام اليوم ما بترجع الا الفجر ..هذا يعني اني ما بقدر أكلمك ..لاني لازم أريح بشرتي وأنام 12 ساعه ..
خالد بشرتج؟؟؟ باي.. باي بدر ..
بدور لاتناديني بدر !!
خالد اوكي ..باي يالبدر .
بدور اي جي ..باي ,,يا حبيبي ..
خالد باي ..
بدور اسحبها زين!! ما تستاهلها ..أي واحد في الشارع بقوله حبيبي !!
خالد كيفج ..شوفي وين تلقين هاللي يفهم عرب ..باي هني .
بدور حلوة هني ..حلوة ..امسك فيها .باي ..
خالد باي ..
صكر من عندها ..وقام صب لعمره كوب نسكافيه ..عندي ربع ساعه بريك!! يريح فيه شوي ..
مسك جواله ..وقلب المسجات اللي فيه ..
((حبيبتك؟؟((
كان المسج الوحيد اللي وقف عنده ...رقم دانه ....حبيبتك ..غمض عيونه ((.تزوجت ..تزوجت ...وانت تزوجت ..انت اللي فرطت فيها ما كانت عاجبتك ..انت اللي رخصتها ..لاتنسى انت تكرهها ...وهي ما تبيك ! اهم شي ..((
استغرب من نفسه تفكيره في الدانه صار غير طبيعي في الفترة الاخيرة ..غير طبيعي ..
دخل دكتور فارس ..
أشوفك نايم...
خالد لا ..بس كنت مغمض عيوني شوي ..أريح مخي ..
فارس ...أنا ييت أشرب عندك نسكافيه ..
خالد تفضل ..
عطاه كوب ..
فارس العرس قرب؟
خالد أقل من شهر..
فارس على البركه ,,حجزت .
خالد اييه ,, بعد طلعة الروووووح .. مالقيت حجز بسهولة ...
فارس مع أنك على اخر الصيف بتعرس .
خالد بس في الوقت الضائع . ..
*********
من عيوني ..
دانه تسلم عيونك .. بس أبي شريط لطلال مداح ..
حسن افا عليج ..فتحي الدرج ..وتلاقين كل اللي تبين ..
دانه وينه ..ما أشوف لطلولي أي شريط !!
حسن طلولج؟؟ هذا اللي ناقص ..
دانه عاد ..لا تغير الريال الله يرحمه .
حسن زين ..وصلنا ..
دانه تشكر يا عمري على هالترفيه اللي صج رووووعه ..
وباست حسن ..
حسن هيه ..يا حماره ..
دانه ما حماره الا زوجتك ..هههه ... عاد كثر منها ..
حسن شاللي بكثر منها ؟؟
دانه هالمرور وهالطلعات ..باي يا عمري ..
نزلت دانه وراح حسن ..
دانه في حفظ الله ...
دخلت البيت ..وصدمها وقوف فيصل ..
من هذا؟
دانه ما ردت ..ما عرفت ترد عليها بإجابه ولا ترد بسؤال انت شدخلك؟
فيصل ما يعني أن أخوي يغيب تلعبين بذيلج من وراه ..
وتحولت نظراته نارية لما رفعت دانه حواجبها استنكار ..
فيصل هذا حسن ..أكبر مغازلجي في الدوحه!! وطالع مع مين مع زوجة أخوووي المصوون؟؟ ولا بكل وقاحه تبوسينه جدام الخلق كلهم؟؟
كان يصارخ بأقوى صوت ممكن ..اجتمع البيت كله على صياحه ..دانه سكتت ..بس ما نزلت راسها ..علشان ما يعتبرها مذنبة ..سكتت ناطرته يهدى شوي علشان ترد عليه ..
وقط له كم كلمة جارحه ..دانه انطرته وكانت تواجهه بقوة ..
فيصل ما ترديين؟؟
حست دانه انه هدى شوي ..
بختصر هالكلام الجارح ..وهالاتهامات الباطله اللي أنا بريئة منها وهالتدخل من طرفك لشي مالك خص فيه بجملة وحده بس..أنا اسمي الدانه حسن,,وهاللي كان واقف بره اسمه حسن ناصر حسن ...ويكون ولد أخوي ..أعتقد هاللبس انحل هالحين ...عن اذنك ..
بكبرياء راحت دانه غرفتها ..وانصبغ ويه فيصل بألوان قوس قزح من الاحراج ..الكل يطالعونه بنظرة عتب..
الحلقة الثالثه عشر
الدانه بأي حق يكلمني جي؟؟
هدى ما عليج منه .. هذا فيصل ..محد يقرب منه ..تراه عقرب ..
الدانه ماتوصل لها الدناءة وقلة الادب ...
هدى بس موقفج كان قوي ..ورديتي عليه بأسلوووب روعه ..برودج وثقتج في نفسج بعد هالكلام القاسي ..كانت في محلها ..
دانه خل نروح لتركي .. نشوف اخر أخبار المنتدى ..
طلعت لتركي هي وهدى ...وتكلموا عن اخر المستجدات ..
تركي أدري فيصلوه مصخها معاج ..
دانه لا ..عادي ...شو تركي تكلمت مع حسن ورضى ياخذك معاه سيلين ..ويقول الشرط لوحيد انك تجي بروحك ..لانها جمعة شباب ..
تركي بس يالدانه أنا متردد ...أنا من زمان ما طلعت من البيت . ما أروح إلا مواعيد في العياده ..بس ...حتى المدرسة ما اروح لها ..
دانه لاتخاف ...حسون أنا واثقة منه ..أكيد بيدبر لك رحلة عجيبه ..
تركي اوكي .
دانه اوكي ..شوف تركش ...ترى حسن بيمر الخميس ياخذك في الليل ..وذا ما عجبك الوضع كلمني على طوول ..
تركي اوكي ..بس لاتناديني تركش ..
دانه لاتزعل مني ..بس وصيت حسنسن يناديك تركش ..هههههه
تركي أنا براويج .. الحين شيضمن لي ان ولد اخوج ما بيشيع هالتدليع بين ربعه ..
دانه ولا شي ..لانه شاعه اوريدي ..ههههههههههه
تركي الحين اسوي لج بانديد ..هالحين ,,
دانه ما سويت شي يخليك تمنعي ..
تركي لاتنسين أنا المدير لهالمنتدى ..اوكي ...
دانه ترى والله العظيم ياويلك .. حرام عليك .. أنا أكثر وحده تعاقبها في هالمنتدى ..
تركي تستاهلين ..
****************
حمدالله على السلامة ..
الله يسلمج ..
دخل لغرفة كانت مقفولة طول الوقت ..
استغربت الدانه ..كان تبي تروح ورا طالعت نفسها ..طالعت شعرها اللي فتحته..والمكياج الخفيف اللي حاطته ..والبدله اللي كانت لابستها ..ما كلف نفسه وطالع لها نظرة ..مو كافي اسبوعين ولا مفتكر فيها؟؟
لمت شعرها ..سوت اللي عليها ..اتصلت في قمر ..
قمر هلا عميمة .
دانه هلا ..شفيج ؟ أحسج مكتئبة؟
قمر في هالبيت بروحي ..ما تبيني أكتئب ؟؟
دانه خالج يا ,..تعالي مري ..
قمر ما اقدر اليوم ..ام الليل تبي تمرني ..
دانه ليلى؟؟ الحمارة من ملجت ولا فتكرت فيني ..
قمر ما أدري شفيها ..العرس بعد اسبوعين وهي متضايقة ..قلت أستدعيها وأشوف السبب ..ونفتح محضر ونشوف من المذنب و من البرئ ..
دانه تدرين ...هالحين بيي ..انطري شوي ,,
قمر خالي توه رجع من السفر ..
دانه هو نايم هالحين ولا بيطلع .. مسافة الطريق وأكون عندج .
صكرت دانه من قمر..كل شي عندها ولا خالد وليلى..أولوياتها تقتصر فيهم هم بس..ودام ام الليل متضايقة لازم تنفرد فيها ..وتحاول تهديها ..
قربت من غرفة ضاحي ..ورفعت يدها تبي تطق الباب لكنها صوته كان وايد عالي ..
))لا يا حبيبتي ...لاتخافين ..بعد بكره برجع أسافر بنغلاديش يومين وبمر لج اسبوع ....((
انصدمت دانه ...تيبست من الصدمة ..حبيبتي ؟؟ يومين وامرج اسبوع ؟؟ يمكن يكلم أمه ؟؟ أمه في البحرين..صج هو ما يهمها ..وشلون ما يهمها وهو زوجها خلاص؟؟ ارتبكت ..خذت نفس ...وطقت الباب ..
حست بربكة داخل ..
فتح الباب ..
نعم..
دانه بروح لقمر اذا ما عندك مانع ..
ما عندي ..
صكر الباب في ويهها ..انصدمت ..ارتجفت يدها ..السالفة فيها إن ...
التفت تبي تروح الغرفة تبدل ..طلع من بياخذج ؟؟
دانه الدريول ..مصطفى .
رد صكر الباب..انصدمت دانه.. هل هي متأكده أنها متزوجة هالشخص؟؟ اللي زين منه يطل في ويهها ؟؟ دخلت غيرت ملابسها ..وطلعت ..
******************
انتهى خالد من كل اوراقه ...وتأشيرات وأوراق الدراسه...بس بقى العرس ..اللي تقريبا انتهى من الحجوزات ولاشراف..حس أنه تعبان ..أسبوعين ويخلص كل شي ...صج لاهم مثل هم العرس ولا وجع مثل وجع الضرس .
عبير ..بو وليد ..
خالد هلا ..
عبير متى تييب العمال يسوون لك الغرفة والطابق اللي فوق ؟
خالد مأجل الفكره ...انا وبدور ليله العرس بنسافر ..وبنيليس ست شهور قبل لا نرجع . زيارة اسبوع بعدين نرجع نسافر ..
عبير واذا حملت بدور؟
خالد فكرة الحمل مؤجله ثلاث سنوات ..يمكن أكثر ..
عبير حرام عليك خالد ...
خالد شفيج؟
عبير أمي تبي تشوف ظناك ..
خالد بعد ثلاث سنوات ..
عبير ما أقساك يا أخي .ما أقول الا مسكينه هالبدور ..
خالد جب ..جب ..
عبير اييه ..ويا حريمكم ما أحلاكم ..وويا خواتكم شياطين مسلطة ..أنا قايمة لغرفتي ..
خالد أحسن ..تريحيني افتك من وجع الراس .
حس خالد أنه قسا على عبير.. عبير كلها اسابيع وتنزف لبيت ريلها .وبيفضى البيت على امه وأبوه ...ما يقدر يترك بدور هنا..توه متزوج ..وهي نفسها موب مالت واجبات ومايضمن انها تشيل امه وابوه في غيابه وتراعيهم ...
***************
فكرت دانه تتصل في خالد ..وتكلمة تسأله عن صحته ..وعن ليلى ..
مسكت جوالها .....وطلعت اسمه واتصلت فيه .
****************************
رن جوال خالد ...انصدم بالرقم ..كانت دانه ..دانه متصل فيه؟؟ عسى ما شر؟؟
الو ..
دانه هلا خلود ..حبيبي ...شخبارك؟؟ ألو خلود ..وينك يالغالي؟؟ خالد ...ألو ..خالد ووجع ..
طبعا خالد من الصدمة ..ماقدر يرد ولا يتكلم ...
دانه ..خلود ..عمري ..ليش ماترد؟..ألووو ..ألوو ..
خالد هلا دانه ...
طبعا دانه أول ما اسمعت صوت ثاني غير صوت خالد ...اسكتت ..حست بربكه..
خالد ولد ناصر؟؟
خالد لا ..أنا ولد خالج ...
دانه اوه...السموحه ولد الخال ...أزعجتك ..كنت أبي خالد ولد أخوي ..ما أطول عليك ..
خالد معقول ؟؟ لاسلام ولاسؤال عن الحال؟؟
دانه وهي بالعة احراجها غصب .. اوه ...اعذرني والله من الربكة والاحراج ...شلونك؟؟ شخبار البدور؟؟ متى انشاءالله ترجع من السفر؟
خالد قريب انشاءالله ..بتحضرين العرس؟
دانه شي أكيد ..مع أني سمعت من البدور انك ماييت عرسي ..
خالد معليش يا بنت عمتي اعذريني ...والله ماكنت فاضي ..
دانه عذرك معاك يا بو وليد ..عن اذنك ..الحين ..
خالد دانه..
دانه لبيه ...
خالد شلون ضاحي معاج؟؟
دانه الحمدالله يعزني ويكرمني ولا بنت شيوخ ..
خالد وأنتي بنت شيوخ .. اذا تعدى حدوده معاج ..أو ..
دانه لا ..ما توصل يا ولد خالي لهالمواصيل ..لي أخوان أسند فيهم ظهري ..بس تسلم ...
خالد صدقيني يالدانه..أنا موجود ..اذا تبين أي شي ..
دانه تسلم ..والله يوفقك مع البدور ..تراها بنت طيوبه ..عن اذنك ..
خالد اذنج معاج ..حياج الله ..
صكر من عندها ..وهو حاس بفراغ داخله ..دانه حسسته بهالفراغ ..حس أنه ضيع فرصة من يده ..صوت دانه شلون خلاه مو على بعضه ..وكلامها المتزن ..طبعا في البداية ما هو الا لبس ..
أما بالنسبة لدانه ..كانت غارقة بدموعها ...وتصيح بقوة..
شالمشاعر الغلط اللي داخلها ؟؟ وليش الحين موب قبل؟؟
(كلامة كان حلو وايد ..حسيت فيه لهفة ..حسيت ؟أن فيه ..أستغفر الله يا ربي ..أنا على ذمة ريال وأفكر في غيره ؟؟ أستغفر الله ..كل السبب منك يا ضاحي ..أنت اللي خليتني أفتح الدفاتر ..أنت اللي خليتني أنتقم لكرامتي بدون شعور ..(
وصلها مسج ..زاد دموعها بزياده ..
(مدري رجا مدري وفا مدري احساس ..
أنطرك أدري قلت لي منت راجع (
ومثل ما توقعت كانت من خالد . ...حذفت رقمه من الجوال ... وكتبت مسوده في جوالها ..
(خبرتك انسان ذكي فاهم وواعي ..انسان يعرف قراره ماهمه وداعي ..
فلا تتمنى وترجى وتحاول خداعي ..ولاتذل نفسك ترى ماله داعي (
اتصلت في خالد ولد ناصر .
ألو ..
خالد هلا ..دانه شخبارج؟
حست دانه أن خالد تعبان ..
شفيك خالد صوتك موب طبيعي؟
خالد لا ..بس اليوم كنت في دوامي ..وطحت عليهم ..
دانه شلون ؟؟؟عسى ما شي جايد؟؟
خالد ما شي جايد .. ما كنت ماخذ الدوا الصبح ..تضايقت أنهم قالوا لأبوي ..
دانه قالوا لناصر؟؟ وشقال لك؟
خالد كان يبيني أسوي فحوصات بس رفضت وقلت له انه انخفاض بضغط ادم ..من كثر ما كنت مشغول للعرس ..ما صدق ..
دانه زين ..وأنت الحين؟
خالد خذيت الدوا موب مشكله ..الطيحه مازادت عن عشر دقايق بس ..وقدرت أسند طولي لين ما وصلت البيت ..بس أخوج ..موب مقتنع .
دانه يا عمري يا خالد ..يا عمري ..راعي نفسك ..ما نبي نخسرك ..
خالد أدري .. بس كنت مستعجل ..يوم قلت ليلى ..تضايقت وبدت تصيح ..ندمت أني قلت لها ..
دانه حرام عليك ..
خالد أدري ..دانه أنا الحين عند الإشاره ..وبتحول خضرا في أي وقت ..وأنا مشتت ..
دانه اوكي ..حط بالك على نفسك ..مع السلامة .
صكت من عنده ..وكان سبب كافي تنزل دموعها ...وانهارت تصيح بقوة ..بعدين هدت نفسها .. دقايق وتوصل بيت أخوها نايف ..
دخلت بيت نايف ..كانت قمر ناطره ..ومعاها ليلى ..
دانه السلام وعليكم السلام ..
قمر زين ييتي .. خذي ليلى وطلعوا غرفتي ..بسرعه ..
دانه ليش ؟
قمر بتييني اليوم يدتي ..من البحرين راح أبوي ييبها من المطار..
دانه شلون؟
قمر تو أبوي اتصل فيني وقال لي أنها تهاوشت مع خالتي ..ويات بتسكن هنا ..خصوصا بعد ما اكتشفت ان يدي مطلقها ..
دانه شلوون ؟؟
ليلى هاي ..
دانه أنا بريحج مني الدريول برا ..تعالي ليلى نروح مكان عام .بكره بزورها أنا ..لأن ضاحي ما يدري ....ولا تدرين ..اليوم انشاءالله في الليل بنيي ..
قمر بيكون أحسن .
طلعت دانه مع ليلى ..واتصلت في ضاحي
دانه هلا ضاحي ,,ضاحي ترى ما رحت لقمر ..اتصلت فيني خطيبة خالد وطلبت نطلع مع بعض اذا ما عندك مانع ..
ضاحي زين .
وصك التلفون ..اتصلت في قمر قمر ..محد يدري أني أدري أن عمتي موجوده ..أوكي؟
قمر ليش ؟
دانه بس جي ..اليوم المسا بزوركم مع ضاحي اوكي ؟
قمر اوكي ..باي .
التفت لليلى ..
اتصلت في خالد ..وقال لي شصار معاه اليوم ..
ليلى ما مسكت نفسها ..وانزلت دموعها ..
حرام ..والله خالد ما يستاهل ..
دانه أم اللول ..بس ..بتقلبينها نكد؟؟
ليلى المصيبة أني حبيته ..
دانه صحيح ؟ في هالاسبوعين ؟؟
ليلى ما تشوفينه يوم يكلمني ..غير ...انسان راقي مثقف ..محترم ..
دانه أنتي متأكده تتكلمين عن خالد ولد ناصر؟؟
ليلى اييه ..ليش شي قلته غلط ؟
دانه لا .. حاشاج ..بس دايم ..الرياييل لهم ويهه ثاني مع حريمهم ..ما تعرفينه .
ليلى يعني موب صحيح؟؟
دانه لاء صحيح ..بس كنت شوي بخرعج ..
ليلى اييه زين .. صج ضاحي رجع ؟
دانه اييه . تدرين لو اللي في بالي صحيح .. والله العظيم ماني عايشه معاه دقيقة وحده ..
ليلى وشو الي في بالج ؟
دانه شي ..
ليلى شكله جايد .
دانه أييه .
ليلى قولي لي ..
دانه اوكي ..بس ننزل ..مصطفى ..خذنا البخاري ..
ليلى بس أنا تغديت ..
دانه أنا لاء ,,
فتحت ليلى حلجها على كبره بعد اللي قالته لها الدانه عن حياتها ..
دانه طبعا هالكلام بيني وبينج وإن وصل لخالد بيكون اخر يوم في عمرج ..واييه .صكري حلجج لوزج طلعت لبرا .
ليلى الحين تقولين لي أن ..
دانه اييه ..
ليلى وهذا فيصل؟؟
دانه ما أدري ..بس موب مرتاحة له ..
ليلى وخالد؟
دانه ............................ ما أدري ..بس هو صار ريل البدور ..
ليلى بس ..من كلامه ..
دانه خالد ...مستحيل ..مو بس لأنه ريل البدور ..والسبب الثاني ..أنه ناصر قال له بتتزوجها ولا لا ..قال لاء ..يعني رفضني .هذا غير ان قمر تموت بترابه !!!!
ليلى مسكينه قمر ..أتخيل موقفها لما عرفت بزواج خالد وبدور ...زين ..شبتسووين لو اللي تفكرين فيه صحيح؟
دانه انت ..شرايج ..تكتشفين أن زوجج ..قضى أول اسبوعين من حياتكم مع بعض مع وحده ثانية ؟ هل بترضى كرامتج تكملين ثانية معاه ؟؟
ليلى أنا واثقة في خالد ..
دانه ليلى ..
ليلى كنت أمزح ..بس انشاء الله ما تكون شكوكج صحيحه ..
دانه شسوي الحين؟
ليلى حاول تهدين ..وبكره الستار ينكشف ..
دانه زين شفيني ما يخليه يقرب لي؟؟
ليلى يمكن الليله الأولى ..لما ..نمتي؟
دانه والله ما كنت أدري ..موب قاصده ..معقول ياخذ مني موقف لها السبب ؟؟
ليلى يا عمري يا دوين ...
دانه الظاهر خالد يحش فيني دايم جدامج ..والا من وين يبتي دوين؟
ليلى مرة ولا مرتين ..يتكلم أنج السبب في انه تزوجني ..ويشكر الله ..
دانه ...متى عرسكم بالضبط ؟
ليلى بعد عرس البدور بأسبوع وأربعة أيام .
دانه قرب ..وفستان العرس؟
ليلى مشى الحال واشتريته من دبي .
دانه ما راويتيني اياه يالنذله .
ليلى تعالي البيت أراويج اياه ..بس طلي ..موب مثل خالد ..مارضى حتى أنه يزورني .بس شوفي البرايت سايد ..
دانه ها؟
ليلى شوف الناحية الزينه ..هو قال وأقصد بهو ضاحي ..قال يومين في بنغلاديش وأسبوعين معاج ..يعني أسبوعين ويومين. ..وأنتي قلتي لي أنه غاب بالضبط بس أسبوعين ..!!!!!!!!
دانه والله أنج ..مهسترة ..شتقولين ويا ويهج؟؟ ذي بالنسبة للمرة الياية اللي يسافر فيها ويا ويهج !!
ليلى ما تدرين ..
دانه قومي قومي ,,,تراني شبعت ...
ليلى كيفج ..بس حاولي تتفائلين دايم ..وتذكري ..
دانه شتذكر ؟؟
ليلى لازم زواجج ينجح ..والا بتظلين بعدين متشحططة بين بيوت أخوانج ...ما بتلاقين أي بيت يضمج ..خصوصا بعد الطلاق ..
نزلت دانه راسها .
لي متى بيظل محكوم علي بالتشتت ؟؟
ليلى تذكري ..هالقرار في يدج ..
دانه ............... ما أدري .. في يدي ..أو في يد مين ..إذا الشخص اللي تزوجته ما يطل في ويههي حتى ..ليلى ..أحس أني ضايعه ..مالي مكان ..سواء كنت متزوجة ..ولا لاء ..
ليلى دانه ..دانه ..أرجوج ..لاتصعبين الأمور وتهولينها لي هالدرجة ..
دانه أحس أن حياتي ضاعت .. طول عمري أنا وأمي الله يرحمها كنا عايشين متطمنين ..ما همنا حد ..من توفت وأنا حياتي ضاعت ..صرت المربية الرسمية لعيال احواني وبناتهم ..انا موب معصبة من هالشي ..بالعكس ..على الأقل ..عيال اخواني رغم أنهم أكبر مني يحبوني وأنا أموت بترابهم ..والبنات نفس الشي ..لكن ..أنا اللي ضعت . دايم ..من مكان لمكان شايله هالشنطه ...لاهم راضين يرحموني ..ولاراضين رحمة الله تنزل ..ندمت على قرارت وايد ما اتخذتها ..لو أني متزوجة عامر؟؟ لو أني رضيت بخالد أيام ما كانت أمي تحن علي بالزواج منه ؟ يمكن كان أحسن لي من هالضياع اللي أنا فيه الحين ؟
*****************************
فهد خالد ..شفيك ؟
خالد لا ..ما في شي ..شلون الزواج معاك ؟
فهد لو أدري ..كان أجلته أربع سنوات ولا خمس ...الالتزام صعب ..
خالد كلكم تقولون جي ..لكن لو رد بكم الزمان كان تزوجتوا بنفس العمر ..
فهد خلص غداك ... لي متى بتظل تطالع في هالجوال ؟
خالد ناطر مسج .
فهد عذرا للتطفل ..من مين ؟
خالد من المدام ..
فهد اه ..المدام اللي في باغي ؟
خالد في باريس ..وي .
فهد وشاللي يخليك متأكد أنها هالحين في باغي مع هالوجوه السنعه والمناظر السنعه ..تفكر تطرش لج مسج؟
خالد شافت أشياء حلوة ..أكيد بتتذكرني ..
فهد يا غرورك يا خي ..مصدق نفسك .
خالد تنكر أني أجمل منك ؟؟ وأوسم وأحلى ولو شافتني مرتك تتحسر على زواجها منك ؟؟
فهد بس بس ..
خالد ناهيك لو عرفت أني دكتور ..
فهد خلاص ..فهمت !!! وصلت الفكرة ..
خالد ما أبي أمدح نفسي ..
فهد للحينك ما مدحت نفسك ؟؟ شباقي بعد تمدحه ..
خالد وايد ..ما بمدحلك شعري وعيوني ولا ملابسي ولا أخلاقي ..ولا سيارتي ..
فهد باس ..يا أخي والله فهمنا ... وصل الحجي ..بس ..اكرمنا بسكوتك ..الله يهني مدامتتك فيك ..
طبعا خالد كان ناطر المسج من دانة ...موب من بدور ..
فهد خالد . .. ادفع الحساب .
خالد كالعاده ماتغير فيك هالطبع الشين .
فهد شسوي ..مفلس .واخر الشهر بعيد .
خالد ارحمني يا أخي وراي عرس بيكسر ظهري من مصاريفه ..وكافي دافع مهر ميتين ألف للمدام .
فهد الله ,....ميتين ألف ؟؟ ششاري فيلا ؟؟
خالد لا ولا حتى بيت شعبي ....الفلل هاليومين بمليون وطالع...
فهد يا بني ..ماذا فعلت بك الأيام ليرتسم الحزن على ملامحك بقسوة؟ ؟
خالد فعلت ما فعلت ..لين الحين تتذكر المسرحيات ؟
فهد وأنا أقدر أنسى .. يمكن أشتغل ممثل ..
خالد ممثل ؟
فهد عندي الموهبة ...وبعدين..المربح أكثر .
خالد خل نقوم .. برجع البيت أضبط أموري .
فهد يالله ..
دفع فهد الحساب وعصب يوم خالد طلع بوكه ..وقال له انه ما كان يقصد إلا انه يمزح .
*****************
كانت دانه في غرفتها ..مرت غرفة تركي .. لكنه كان طالع ..ابتسمت ..أخيرا تركي شوي خفف من عزلته . من عرف شلة حسن وهو كل يوم معاهم ..
البنات طالعات للسيتي سنتر .. حست بضيج ..طلعت من غرفتها وتمت في الصالة تقلب في قنوات الريسيفر ..
طالعت الغرفة اللي حبس فيها ضاحي نفسه .. حست بضيج أكثر . .بعد شوي تروح مع ضاحي لأمه .. ياترى شبتقول لها ؟؟ واذا سئلتها عن الحياة هنا شبتقول ؟؟
في ايش سرحانه ؟؟
التفت ..وعدلت شيلتها ..
أنا زوجج ..تعدلين شيلتج مني ؟
دانه .......
نزلت راسها الدانه ..
لها الدرجة ما تبين تطلين في ويههي ؟
دانه لا ..موب القصد .. بس ..
ضاحي اتصلت فيني قمر ..وقالت لي أن أمي يات . وطلبت مني أييبج معاي ..اوكي ؟
دانه أوكي ..
ضاحي وشفيج بالقطارة تتكلمين ؟؟
دانه مافي شي ..
ضاحي زين قومي بدلي ثيابج ..بنروح الحين .
دانه الحين ؟
ضاحي عيل متى ؟؟ الساعة خمس ونص ..
دانه زين ..
طبعا كلماته خاليا من أي لون أو مشاعر ..كان يكلمها مثل ما يكلم قمر ولا هدى ..ماحست أنه ملتزم ناحيتها بشي ..
قفلت باب القسم .. وظل ضاحي برا ..وكانت تبي تروح غرفتها ..لكنها لقت الغرفة اللي كانت دايم مقفولة مفتوحة .. ما قاومت فضولها ..ودخلت .
طبعا ..غرفة ما فيها أي لمسات ..جرداء .. سرير واحد..كبير مع شرشف أبيض ..ومكتب كبير عليه أوراق وايد كثيرة ..الشي الوحيد اللي حست فيه حياة كان قلاس ماي فيه وردة فل وحده ..حتى الوردة مسودة شوي ..وريحتها شوي خفيفه ...ليش كان قافلها ؟؟ مافيها أي شي ..حتى خزانه مافيها !!طالعت الأوراق اللي على المكتب .. كانت معاملات .. بس ..أو مسودات ..يعني شغله .. والادراج مافيها شي غير أوراق ..عصبت ..مافي في الغرفة غير كرسي .. واحد ..غرفته تقريبا لاتكلمت فيها ..شو تكلمت ..لا تنفست بقوة بتسمع صدى نفسها..الأرض سراميك مشجر ..لونه باهت .وماعليه إلا قطعه سجاد صغيرة ..
حتى الستارة .. كانت بيضا باهته ..
طالعت الأرض .. كانت شنطته على الأرض ..ما منعت نفسها من أنها تفتحها ..بس ما كان فيها شي . غرفة فاضية باهته .. ليش يقفلها ؟؟
شالسر يا ضاحي ؟ كان في تلفون وفاكس على المكتب .. ولاب توب .. اللاب توب موصول بالنت ..
فتحته بشويش .. وشيكت الإيميلات المفتوحة .. ماكان فيها شي .. كلها من أشخاص .. أجانب . وكلها دعوات وأمور رسمية . عصبت .. شالسر ؟
صكت اللاب توب . رمت بجسمها على السرير .. ومسكت المخده وحظنتها بقوة ..
حست بقهر .. خل تطلع ..لايرجع ضاحي .. أول ماكانت تبي ترجع المخده ..انصدمت ....
كانت صور وايد تحت المخده .. ما مسكت دمعتها .. كان ضاحي مع وحده .. بسيطة .. باهته .. جمالها بسيط موب اللي يشد .. وشعر بني .. بس الصور تبين شي ثاني .ضاحي يضحك .. معاها .. وله صورة شايلها .. وصورة ياكلون مع بعض سندويتشات .. ويده كله على خصرها .. وصور لها وهي تضحك .. وهي تصارخ .. شي واحد كانت متأكده منه الدانه .. أنه ضاحي هذا اللي في الصور ..موب نفسه ضاحي اللي برا !!
الللي في الصور ..انسان ..ملامح ويهه تنطق أنه سعيد .. وفرحان .. مافيها أي قبح .. وهالانسانه اللي معاه ..فرحانه أكثر منه .. وهذا يعني أنهم يحبون بعض.. طالعت الصور وخلفيتها .. ما كان مكتوب شي .. طالعت ملامح ضاحي .. كان شخص وسيم في هالصور.. أول مرة تشوفه وهو يضحك .. موب معصب . ولا عاقد حواجبه بطريقة مزعجة.. ولا نظراته نارية مثل ماهي هالحين.. رجعت الصور مكانها .. ورتبت المخده مثل ما كانت وطلعت برا الغرفة ورجعت الباب مثل ما كان . فتحت باب القسم .. ودخلت غرفتها .. وقفلت الباب .. دخلت الحمام .
((مستحيل .. مستحيل .. شالحظ الردي .. شالحياة التعيسة ؟؟ حتى في زواجي ماني موفقة .. اه يايمه .. ليش دعيتي علي ؟؟ ليش متي وأنتي موب راضية عني .. ليش يا يمه ليش ؟؟؟؟ ((
دخلت تحت الدش وفرغت كل الي في قلبها من دموع ..
دانه قمر متململه مني يا ام فيصل .. ما تبي تنام بهدوء ..
منى حنا نطالع فيلم مصري ..ايلسوا معانا ..
ساره يمه ..ممل !
منى أنا أحب افلام صباح ..ما تبين تشوفين كيفج روحي غرفتج .
ساره الشيخه عايشه تطالع حفله ايهاب توفيق ..وع .
بعد عشر دقايق ..
قمر وين خالي تركي؟
ساره وين يعني ؟ في غرفته ..
دانه ما شافت حد من خوال قمر غير سالم ..اللي سلم عليها بسرعه وطلع .
قمر تعالي ..
طقت الباب ...
ادخل .
قمر هاي اونكل .
تركي هلا تعالي .
قمر موب بروحي معاي العمه .
تركي ها؟؟ خليها تدخل ..
انتبهت دانه انه ضبط شعره .. ورتب الاغراض اللي جدامه ..
شبت الليت ..
انصدمت دانه..كانت غرفة عوده ..فيها تلفزيونين وأكثر من ريسيفر وأكثر من فيديو ..وفيه كمبيووتيرين ولاب توب ..كان جالس جدامهم ..تركي كان وسيم ..بس صغير ..عمره ما يزيد عن سبعطعش ..
قمر عمي ..مشرف في ثلاثة أرباع المنتديات للي في النت وصاحب أكثر من موقع للشات .. هو مشرف فيها .
استغربت دانه انه ما وقف لها ..
لكن استغرابها انحل لما شافت الويل تشير( كرسي بوعجلات .(
كان متفاجأ ...أول مره يشوف دانه ..وشكله انبهر فيها ..
دانه شخبارك؟؟
تركي الحمدالله ..تفضلي ..
خلال ساعه كامله راقبته دانه بهدوء وهو يعلم قمر بعض الاشياء بالكمبيوتر ..
ولما طلعوا من الغرفه ..
دانه من متى ؟
قمر من سبع سنوات ..حادث سياره وخطأ طبي أعدم فرصته في المشي ..يدي ما قصر ..ما خلى مكان ما سافر له للعلاج..لين السنتين الاخيرتين ..تركي نفسه تعب ..وطلب من يدي ينسى سالفة العلاج ..فقد الامل ..بس لقى له عالم هو قادر انه يمشي نفسه فيه..عالم النت ..يدي ما خلى شي في خاطره ..وما اكذب عليج اذا قلتلج انه ما طلع من غرفته من يومين؟ (plus today),,,,
دانه ما قد مره قلتي لي.. ليش؟
قمر موب كل شي ينقال ..وبعدين من سبع سنوات انا وانتي كنا يهال ..وكانت يدتي كله هواش مع امي ..ما كنا بنت وعمتها الا من اربع سنوات بس..
دانه خل نتمشى في الحديقة ..
قمر أمانه ..اشعري ..
دانه مافيني مزاج .
قمر أمانه دوين .
دانه قمر ..صار لي ثلاثه أيام ما نمت ..
قمر أدري ..ماتقدرين تنامين في مكان غريب ..بس هذا صار بيتج ..ولامانمت شوق للغائب؟؟
دانه خالج ما عرفته لين الحين علشان اشتاق له ..
قمر ممكن ..ما بتقصدين ؟
دانه انتي مصممه؟
قمر اييه ..
دانه اوكي ..عطيني ثواني افكر في شي ..ما في شي أقدر أفكر فيه .
قمر تكلمي عن الحب ..
دانه الحب؟؟
قمر اييه ..
دانه زين ..بس بقول خاطره ..
((حب؟؟
شالكلمة الصغيره؟؟
حب؟؟ ...
من أي بلد؟؟ ومن أي زاوية؟؟ من أي ديره؟؟ ((
دانه كافي ..مافيني أقول شي زياده لاني موب مركزه في شي ..
قمر قولي لي بيتين ..بس بيتين ..وتكلمي فيها عن الحزن والحب والقدر ..والجروح ..
طالعت دانه قمر ..اللي كانت سرحانه ..واستنتجت انها تفكر في خالد ..
دانه مافيني . ..ما اقدر ..خلي نروح ننام ..
قمر هذا خالي فيصل ..
شافته دانه ..كان صج وسيم ..وطويل طول ضاحي ..نزلت راسها ..
فيصل السلام عليكم ..
قمر هلا خالي ..
فيصل هلا ..
وأشر لها من هاذي؟؟
قمر عمتي ..هذا خالي فيصل ووخالي ..هذي عمتي الدانه ..زوجه خالي ضاحي ..
فيصل ضاحي تزوج؟
قمر كنت مسافر صح؟
فيصل اييه ..كنت في دبي ..اليوم العصر رجعت ..
كانت عيونه على دانه ..اللي رفعت راسها بهدوء ووابتسمت بخفيف ..
فيصل .....................زوجه ضاحي؟؟؟
ما ارتاحت دانه لنظراته ..
قمر سرينا يا عمتي؟
دانه سرينا ..
بعد ما وصلت الغرفة .. معقوله ما يدري بعرس اخوه؟؟
قمر عمتي ...خوالي ما يكلمون بعض ..نادرا ..خالي ضاحي كله مسافر ..والوحيد اللي يكلمه في البيت هو تركي ..وخالاتي بعض الاحيان .
***************
مابقى شي ..العرس بعد شهر وشي ..وهالشهر بيمر بسرعه ..مرور الكرام ..لازم يرتب كل شي بيرفكت ..هو الابن الوحيد ولازم عرسه يكون كبير تتكلم عنه الدوحه كلها ..الامكانيات المادية متوفرة ...والحمدالله ...
ام خالد خالد يا ولدي ..ما بتيوز عن قرار السفر؟
خالد يمه ...أنا ندمت أني ما كملت على طول ...بس هالكم شهر ما بيأثرون وايد ..بسافر أمريكا ..ولاتخافين علي بكون مع زوجتي مو بروحي .
ام خالد كيفك يا ولدي ..
تنهدت وطلعت لغرفتها ..
عبير ...............................عاجبك؟
خالد صرخ فيها جاب ...موب كل مره بسكتلج ..كيفي فهمتي؟؟ لا تفلسفين على راسي ..يلا اذلفي غرفتج ..
قامت عبير وهي كاتمه خوفها ..أول مره يصارخ خالد فيها ..
قام خالد ..كان مواعد بدور يمر عليها ..
ليش يظنون أنه أناني؟؟ ليش دايم عى بالهم أنه مايحس؟؟ كل شخص له همومه ..وكل شخص له طريقته في التعامل معاها ..
((يعني أنا ..سبع سنوت ضغطت على نفسي ..وكل سنه كنت أنجح بطلعة الروح ..المهم ما أعيد ..ولما لقيت الانسانه اللي تكملني رفضوها اأهلي..شيماء كانت تفهمني..كانت تفهمني وتقراني مثل كتاب مفتوح ..ولما رجعت ..انصدمت بكابوس دانه ..ما يكفيها اني السبب في وفاة امها ؟؟ يبوني أتزوجها علشان اشيل هالذنب للابد؟؟ ((
تذكر دانه يوم طلبت منه انه ما يتزوجها ....بس تذكر لما كان يدرسها ..لما كانت تنتظره في الليل ..هو موب غبي يفهم ..لا ...شيفهم ..دانه اقتنعت بفكرة انها تكون زوجته ..موب حب ..
بس ..
((أنا اللي الحين حاير ..محد بيفهمني ..أنا نفسي موب فاهم اللي في قلبي ..أنا أحب دانه..أكيد أحبها ..البنت تزوجت شالكلام الماصخ؟؟ وشالحب اللي اكتشفته متأخر؟؟ .. ..اه ..لو يرد الزمن .. .. ((
لبس غترته ..ورش من عطره ..وطلع .
((يمه هالسفر ..والدراسه ..شي ..بيرفعني فوووق فووق ..وماراح أسمح لحد يوقف في طريق طموحي ..مهما كان ..((
***********************
قمر صباح خير ..
دانه صباح النور ..
قمر ما نمتي هالليله صح ؟
دانه شدراج؟؟
قمر ما خليتيني أنام ..كله تتقلبين ...
دانه صحيح ..ما ارتحت ....ليمالحين ما ألفت المكان ..
قمر كم الساعه ؟
دانه ثمان ونص ..نمنا متأخ وصحينا مبجر ..
قمر بروح البيت ..
دانه ليش؟؟؟
قمر اليوم خالد بيي ..
دانه ؟؟؟؟
قمر اليوم خالد يي ..لبدر .
دانه ما فهمت ..خالد ياي لبدور ..انتي ليش رازة ويهج؟؟
نزلت قمر راسها ..
ما شفته من زمان ..
دانه أقول ...اركزي بس ..وتمي تغدي معاي ..لاتقطين ويهج ..خل عندج كرامه .
سكتت قمر ...
دانه لاتزعلين ....بس..بعد اليوم ..حاولي تبعدين عن بدور ..وعن خالد بالاخص !
قمر قالت لي بدور انهم بيسافرون ..أمريكا ..خالد يبي يكمل دراسته ..السالفه بتاخذ سنين ....يعني ما ...
دانه جب ..جب ..انسيه صار ريل بدور ..صار زوج وحده ثانيه ..
قمر .............أحبه ..
دانه شحبين؟؟ من وين تعرفينه علشان تحبينه ؟؟ شفتيه مرتين وصار حب ؟؟
قمر عمتي أشوفه كل يوم في احلامي ..أكلمه ويكلمني هنا ...
وأشرت على قلبها ..
دانه قومي يالخبله ..قومي ..نتريق ...
تمت تصيح قمر دانه طالعت لها بشفقة ..ومسكتها من يدها وخذتها تغسل ويهها ,
*************
بدور بشتري فستاني من باريس ..
خالد باريس؟
اييه ..بروح مع امي وبنات خالتي شوبنق ..
خالد من باريس؟ كم بتظلين هناك؟
يعني ..ممم ..شهر ..
خالد العرس بعد شهر ..
بدور اييييييه ...وناسه صح؟
خالد بس شهر وايد ..روحي اسبوعين ..
بدور لاء ..أنا مو أقل من بنات خالتي ..كان يروحون شهر شوبنق ..
خالد .................
بدور لا تزعل خالد ..أنا بطلع بأحلى طله ..أحلى من عمتي يوم عرسها ..ما تصدق ..الحريم انهبلوا عليها وقالوا وين كانت مختفيه؟؟
خالد ........................,,
بدور أرجوك خالد ...بعدين بدور شي لونه ازرق ..
خالد ازرق ؟
بدور مم ..أو نحاسي ..علشان المكياج ..
خالد ؟؟؟؟؟؟؟؟؟؟؟؟
بدور لون الباقه المسكه من لون المكياج ..بخليها زرقا ..بوصي عليها من فرنس ..
خالد فرنس؟
بدور باريس ..شفيك خالد مقفل ..
خالد ولا شي ..دانه سمعي مني ..خذ فستانج من دوله قريبه ..أو وصي عليه من الكاتلوج ..شفيج تطالعيني جيه؟؟
بدور بعصبية اذا نسيت أذكرك ..أنا اسمي بدور موب دانه ..وأيا كانت دانه هذي ..أحسن لك تنهيها من حياتك قبل زواجنا ..ولا ما بيكون في عرس .
قامت بدور ..وهي معصبه ..وقالت بسافر باريس الاسبوع الياي ..وما يهمني رايك ..
سكت خالد .. والالوان شردت من ويهه ..قال دانه ؟؟ معقول زل لسانه؟؟ وبدور؟؟ انتبهت ؟؟ والمصيبه انه على بالها دانه وحده ثانية موب عمتها !!!!!!!!اكان يبي ينطق يبي يوقفها ..يشرح لها لكنها ما اعطته فرصه ..
اتصل برقمها ...حاول ..بس هي ماترد ..هذا بالضبط اللي ناقصه !!!!
طرش لها مسج ردي علي ضروري ..ما ردت ..
أكثر شي صدمه قواة بدور ..وشلون تكلمت ...وطلبت منه ينهيها من حياته ؟!
طلع من البيت ..وما شاف طريقه ...
********************
حمد تعالي هنا ..شسالفة الخطبة ..
ابتسمت دانه خالد خطب رفيجتي ..ووافقت ..!!
حمد وحنا اخر من يعلم ؟؟
تنهدت دانه ..لو يدري حمد بحال خالد شبيقول؟
حمد ليش هالتنهيده ..؟؟
دانه لان أنا مثلك ..تو اتصل فيني خلود وقال لي ان أنه خطب واهل العروس وافقوا ..وأنا لين الحين ما كلمت رفيجتي ...وشاء القدر انك تمرني ..
حمد وينها بنت اخوج؟؟ ما تطلع؟؟
دانه الحين تطلع ..اصبر شوي ...
كانت دانه في السياره جدام جنب حمد ناطره قمر ..بعد ما طلبت منها انها توصلها لبيتهم .
حمد ما عندها خوات هذي رفيجتج؟
دانه عندها ..وحلوييين يهبلون ...
حمد اخطبي لي وحده منهم ..
دانه انطر 12سنه ...
حمد ليش؟؟؟
دانه لانهم كتاكيت ..صغار وايد !!وحده عمرها ست والثانيه خمس !!
ضحكت دانه ..وحمد عصب !
دخلت قمر السلام عليكم ..
دانه وعليكم السلام ..
حمد وعليكم..
وصل مسج لدنه ..كان من قمر اللي جالسه ورى (( استخسر فيني هالسبال كلمة سلام؟؟؟ شدعوه ولد اخوج ششايفني كافره؟؟ ((
ضحكت دانه ..
حمد ليش تضحكين؟
دانه كيفي ..
حمد هاتي الجوال ..
دانه مالك شغل..
حمد بند السياره وأخذ الجوال من يدها بعد معركه شرسه ...حاولت دانه ما تعطيه اياه ..
طبعا دانه كاتمه ضحكه هيووج..التفت لقمر اللي ويهها صاير طماطه ..والدمعه انحكرت في عيونها ..
حذف حمد التلفون عي حضن دانه اللي كتمت ضحكه ...وشغل السياره وكمل الطريق ..طول الطريق وهو ساكت ..دانه طرشت مسج ..لقمر
((تستاهلين ما ياج بسبة طول لسانج !!((
ردت قمر (( شششش ..لاتكلميني لساني بلعته من الاحراج!!!((
ضحكت دانه مرة ثانية التفت لها حمد ....دانه توقعته ما ياخذ التلفون على اساس انه تاب ! لكنه مد يده وخذ التلفون..
دانه اعنبوك استح البنت ورا !!!!
حمد ما رد بس ابتسم ورجع الجوال لدانه ..
طول الطريق كان حمد فاتح اذاعه سوا ...ومحد تكلم .لين ما وصلوا بيت قمر .. نزلت قمر وودعتها دانه ..
أول ما حرك السياره بنت اخوج هذي من أخطاء الدنيا السبع !!
دانه أي اخطاء سبع؟؟ كافي الاحراج اللي سببته لها ..اسكت بس ..
ضحك حمد .. ما قدرت اقول ولا كلمه ..حسيت باحراج ..
دانه انا مت من الاحراج ! شلون بقمور المسجينه .. !!
حمد تستاهل ...عيل انا سبال ؟؟ والله مصدقه عمرها حضرتها ..
ابتسمت دانه ..
حمد ليش تبتسمين؟
دانه ولا شي ...حرام ابتسم؟؟؟؟
حمد اييه ...ليش شاجه الحلج حضرتج ..شاللي في خاطرج ؟؟
دانه أشوف شرارة ..
حمد دانه ...تذكرين اخر مرة تكلمتي في هالموضوع شسويت لج؟؟
دانه خلاص ..تووووووووبه ..
رن تلفون دانه ..كانت ليلى ..
دانه الو ..هلا ..
ليلى ما اعترض ووافق ..
دانه ولش انتي متضايقة؟
ليلى ما ادري ..ما تضايقت ..بالعكس انا اعجبني خالد وايد ..بس ..تمنيت ان تكون لي قيمه..على الاقل يفكر فيني ك ...مدري شقول ..بس البنت تفرح لما تكتشف ان الناس تبيها..وهالكلام ..!!!!
دانه الغبي ..
حمد من تكلمين ؟؟
دانه أكلم رفيجتي ..
حمد أشك .
ليلى من الغبي ؟
دانه هو غبي ..ضيعج من يده .. المهم..أنت راضيه الحين؟
ليلى اييه..مستانسه ...بس هالشي اللي تكلمت عنه من قبل شوي كدرني .بس تمي فرحانه وابوي مستانس وايد ..عاجبينه الخطاب .
دنه تستاهلين يا عمري ..
ليلى احم .
دانه الجو غيم عندكم ؟؟
ليلى اييه ..غيم أسود ..
دانه حتى أنا ..أكلمج في الليل ..أنا الحين رايحه بيت اخوي ..ولدهم خطب اليوم ..
ليلى اوكي .. اللي يفرحني اكثر شي ..هو انج في السالفه ..
دانه بسكر قبل لا تمطر ..مع السلامه .
ليلى مع السلامه .
ابتسمت دانه ...الشفره بينها وبين ليلى ومعناها ما اقدر اكلمج الحين ..بس مفهومه ..صارت مكشوفه .
رن الجوال مرة ثانية طالعت الرقم ..كان رقم بدور .
بدور عمتي ليش ما ييتي؟؟
دانه وعليكم السلام ..شفيج؟؟
بدور شفيني؟؟ اكتشفت ان زوج المستقبل على علاقه بوحده اسمها دانه .
دانه ايش.......................؟؟؟؟؟؟؟؟؟؟؟؟؟؟؟؟
بدور اللي سمعتيه ..
دانه لا تكدرين خاطرج ..معقول؟؟ ما اصدق شدراج؟
بدور اليوم وهو يكلمني ....بدل اليقول اسمي قال اسمها..
دانه شدراج يمكن انا ؟
بدور عمتي الله يهداج لاتزيدينها !!
دانه هو شقالج؟؟
بدور ليش ؟؟ له ويهه يقول شي ؟؟ اصلا انا ما اكلمه ..
دانه حبيبتي ..شوفي ..طرشي لي الرقم ..وأنا ادبرها ..
بدور لا تكلمينه هالخاين .
دانه عمري..بس طرشي الرقم ..وأنا اتدبر السالفه ..وهدي عمرج ..يمكن ما في شي جايد هو بس سوى الشي اللي قلتي عنه ؟
بدور اييه ...ومارضى اسافر باريس ..
دانه هذي سهله طرشي الرقم وانا اتدبرها ..وباجر بمركم ..اليوم ببات في بيت ناصر .
بدور زين ..مع السلامه .
دانه الله معاج .
حمد شالسالفه؟
دانه بطل عن اللقافه ..مالك خص .
حمد بمن بتتصلين ؟؟ وعن مين كنتي تتكلمين؟
حست دانه السالفه فيها غيره .
هذا الخياط ...خرب فستان بدور ..
حمد من بدور؟
دانه اخت قمر .
حمد اذكر اسمها بدر . اي فستان العرس؟
دانه لا عيوني ..فستان عادي ليوم الحنا .. بكلمه بعد شوي واتفاهم معاه .
حمد وانتي وشو مديرة اعمالها ؟؟
وصل مسج لدانه .
دانه لا ...بس عمتها ...وهالسوالف العمات هم المسؤولين فيها .
حمد ما اشوفها اهتمت فيج بعرسج؟
دانه حرام عليك..كافي انها اعطتني كورسات فن وضع الميكياج ..واشترت مكياجي كله ..وأشياء وايد ..ما قصرت ..
طرشت دانه لخالد (( السلام انا دانه .العمة .شسويت لبدور؟((
اتصل خالد على طول في دانه لكنها صكته في ويهه .
وطرشت مسج ((بالمسجات ما اقدر اتكلم الحين ((
خالد (( زل لساني وقلت اسم غلط ..حرام؟((
دانه (( حبيبتك؟؟))
خالد (( لاء ... ما ادري طريت في بالي وزل لساني وقلت اسمج .((
دانه (( بس؟ ما صار شي ..بعد عشر دقايق .. دق على بدور .((
طرشت دانه مسج لبدور (( كلمي الريال ..خلط بيني وبينج ..وقال اسمي ..لاتخافين انا اخر وحده يخونج معاها ((
طرشت بدور (( ما اصدق ((
دانه (( لا صدقي وسمعي مني انا عمتج ..((
بدور ( بحاول .((
دانه (( لاتكلمينه الحين ..لما يدق هو عليج ((
بدور (( زين ((
طرشت دانه لخالد (( يا خي حاذر في كلامك بدور ملاحظتها قوية وكبرياءها اقوى ((
خالد (( والله ما قصدي شي ...نسيت ..مبروك الزواج ((
دانه (( الله يبارك فيك ..وراضها ..سو الي تبيه ((
خالد ( شكرا (
دانه (( ماله داعي هاذي الغاليه ((
صكت دانه جوالها ..حمد من كنت تراسلين؟
دانه رفيجتي ..
وصلوا ..وأول ما شافت خالد ..على طول اركضت واحضنته .. وباركت له ..
خالد هلا في اللي عافها ريلها من اول ليله ..
دانه جب يالحمار ..ما عافني بس سافر مضطر .
خالد الكل يتطنزون عليج حتى صلوح ..
دانه انا اراويهم الحمير ..
****************************
طول الاسبوع اللي مر ..دانه كانت مشغوله في التفكير..ليش زل خالد بسمها؟؟ ليش كان يفكر فيها ؟؟ وشلون؟؟ سافرت البدور بعد ما راضاها خالد بموافقته ..وبنفس الوقت .. تعرفت على اهل ضاحي ..الكل تقريبا ما يتكلمون عنه ..وما عجبها فيصل بنظراته ..
واللي صج ما عجبها انه ضاحي ما رفع التلفون وسأل فيها ...
***********
دانه تركش ...أرجوك ..لا ..
تركي انا المدير في هالمنتدى ..وأقدر اطردج أو أوقفج ايام ..لاتتحرشين ..
دانه تركش بلييز ....
هدى صج تركي ..لا تطردها ..الكل يحبها هنا ..
تركي تستاهل ..تطاولت على المدير ...نادته تركش .
دانه حرام عليك ..اسمك جي في الانجليزي ..
تركي ادري ما يبتي شي من عندج ..
دانه خلاص أنا أراويك الحين ..
تركي دانه ....شتسوين؟؟
دانه ولا شي ....
تركي نشوف ..
بعد عشر دقايق ..
تركي ليش فصلتي النت ؟؟ مالي خلق اشبك من جديد ..
دانه عادي .
أول ما شبك تركي ..
تركي ليش اسمي ما ..ليش في خطأ؟؟
دانه تركش روح القسم العام ..الحق ..
تركي اييييييييييييييييييييييييييييييش؟ المدير العام يعتذر من العضوة النمر الوردي؟؟؟؟؟؟؟ سرقتي باسووردي ؟؟
دانه اييه..أمس انا وهدى لقينا الطريقه..سهله ما تحتاج هكرز..وها ..علشان تستخف فيني..هذا هو المنتدى صار بكره تحت اشرافي ..
تركي الحين ارجعه ..وموب صعبه الطريقه وشوفي شبسوي فيج ..
دخل فيصل في هاللحظة للغرفة ..
فيصل .........شتسووون؟
هدى عالنت ..
فيصل باين بس شتسوون ؟
هدى ولا شي ..
فيصل ماتدرون متى يرجع ضاحي؟
دانه ما ردت ..
هدى يقول بعد اربع ايام .
فيصل لما تكلمونه خل يتصل فيني..
كان واضح ان فيصل يوجهه كلامه لدانه..اللي بس هزت راسها بأوكيه .
هدى متى كلمج ضاحي اخر مرة؟؟
دانه من زمان ..ماعندي رقمه ..
دانه ما كان عندها رقم ضاحي ..وماكلمته من يوم العرس ..
دانه بروح غرفتي الحين عن اذنكم .
تركي اذنج معاج ..شتبين في اذونا؟
ابتسمت وطلعت ..دخلت غرفتها ..طالعت صورة ضاحي..ماكان قبيح مثل أول مرة شافته ..يعني..صورته بدت تتحسن في نظرها ..رمت الشيلة وفتحت شعرها ومشطته..تركته مفتوح ..تمددت على السرير ..الفراغ اللي تحس فيه كبير ..قبل عيال اخوانها معاها وكانت تاخذ راحتها ..الحين المكان الوحيد اللي تطلع له هو غرفة تركي مع هدى أو ساره ..
مسكت جوالها ..اتصلت في حسن ..
حسن هلا و غلا ..ما بغيتي تتصلين؟؟؟
دانه انت الحمار الوحيد اللي ماشفته من يوم عرسي ..
حسن على جيه كم حمار شفتي؟؟ أنا صراحه رحت سيلين مع الربع ..قلت ما اخرب عليج ..عروس ..لين ما شفت خالد ..وقال لي ان ريلج مسافر من ليله العرس ..ههههههههههههههههههه...مسرع ما عافج ..
دانه جب يالخايس ...راح عنده شغل وكان يبيني اروح معاه بس مارحت ..بكييييفي ..موب عايفني ..
حسن ومتى بيرد؟؟
دانه بعد اربع أيام .
حسن خلاص بمرج الحين نطلع مع بعض ..
دانه صج؟؟ والله كنت متملله وضايقه ..
حسن الحين أمرج ..
دانه الحين ألبس ..
تعدلت دانه والبست ..البست شيلتها وطلعت والبرقع في يدها ..
دانه ساره ...ساره ..
ساره هلا ..
دانه بطلع مع ولد أخوي ..اذا اي حد سأل عنني اتصلي ..ممكن ؟
ساره اوكي ..مع السلامة .
اول ما طلعت كان حسن عند الباب ..
اركبت معاه على طول ..
حسن باخذج معاي للمدينة الالعاب ..
دانه مدينة الالعاب؟؟؟ وناسه ...
حسن بس أخاف تكونين حامل ..
دانه لا ..لا تخاف ..هالفكرة مأجلتها عشر سنوات .
حسن اوكي .لننطلق لمدينه الالعاب ..
دانه 3..2..1 ..انطلق !!!
حسن والله هذا ضاحي ماخذ له ياهل ..
دانه امانه حسنسن ..خذني ..
*********************
خالد .شسويتي اليوم؟
بدور ولا شي ..أنا وأمي رحنا الصالون سوينا بديكير ومنكير ..مثل كل شهر ..
خالد وقمر؟
بدور اييه ..انت ولا مرة شفت قمور ..كل ما تجي تكون برا البيت ..زين خالد ..ما بتقول لي كلام حلو؟
خالد ردينا؟
بدور أرجوك خالد ..قولي مثل الافلام ..اي مس يو ..اي لوف يو ..يو ار ماي فلانتاين!
خالد لوف يو بالعربي ما تمشي ؟
بدور شوف خالد أنا زوجتك .لي متى بتم كاتم هالكلام الحلو؟؟
خالد لاحقة عليه بعد أقل من شهر .
بدور زين أبي أعيش فترة الخطوبة ..
خالد بدور رئيسي في الشغل الحين يدخل بأي لحظة ويوجهه لي ملاحظة أن استراحتي زادت عن نص ساعه !!
بدور بل ..صار لنا نص ساعه نتكلم .. مستحيل ..انا من شوي رجعت من الصالون ..
خالد ربع ساعه ضيعتها أحاول أتصل فيج ..يلا باي عمري .
بدور وهاذا انت كل مرة تتهرب من الموضوع ..ماني مكلمتك لين العرس !
خالد لاتنسين ارجعي بعد ثلاثة أسابيع بس !!
بدور شلون بنسى وأنت اللي حجزت التذكرة ؟؟
خالد بكلمج بعدين .
بدور مدام اليوم ما بترجع الا الفجر ..هذا يعني اني ما بقدر أكلمك ..لاني لازم أريح بشرتي وأنام 12 ساعه ..
خالد بشرتج؟؟؟ باي.. باي بدر ..
بدور لاتناديني بدر !!
خالد اوكي ..باي يالبدر .
بدور اي جي ..باي ,,يا حبيبي ..
خالد باي ..
بدور اسحبها زين!! ما تستاهلها ..أي واحد في الشارع بقوله حبيبي !!
خالد كيفج ..شوفي وين تلقين هاللي يفهم عرب ..باي هني .
بدور حلوة هني ..حلوة ..امسك فيها .باي ..
خالد باي ..
صكر من عندها ..وقام صب لعمره كوب نسكافيه ..عندي ربع ساعه بريك!! يريح فيه شوي ..
مسك جواله ..وقلب المسجات اللي فيه ..
((حبيبتك؟؟((
كان المسج الوحيد اللي وقف عنده ...رقم دانه ....حبيبتك ..غمض عيونه ((.تزوجت ..تزوجت ...وانت تزوجت ..انت اللي فرطت فيها ما كانت عاجبتك ..انت اللي رخصتها ..لاتنسى انت تكرهها ...وهي ما تبيك ! اهم شي ..((
استغرب من نفسه تفكيره في الدانه صار غير طبيعي في الفترة الاخيرة ..غير طبيعي ..
دخل دكتور فارس ..
أشوفك نايم...
خالد لا ..بس كنت مغمض عيوني شوي ..أريح مخي ..
فارس ...أنا ييت أشرب عندك نسكافيه ..
خالد تفضل ..
عطاه كوب ..
فارس العرس قرب؟
خالد أقل من شهر..
فارس على البركه ,,حجزت .
خالد اييه ,, بعد طلعة الروووووح .. مالقيت حجز بسهولة ...
فارس مع أنك على اخر الصيف بتعرس .
خالد بس في الوقت الضائع . ..
*********
من عيوني ..
دانه تسلم عيونك .. بس أبي شريط لطلال مداح ..
حسن افا عليج ..فتحي الدرج ..وتلاقين كل اللي تبين ..
دانه وينه ..ما أشوف لطلولي أي شريط !!
حسن طلولج؟؟ هذا اللي ناقص ..
دانه عاد ..لا تغير الريال الله يرحمه .
حسن زين ..وصلنا ..
دانه تشكر يا عمري على هالترفيه اللي صج رووووعه ..
وباست حسن ..
حسن هيه ..يا حماره ..
دانه ما حماره الا زوجتك ..هههه ... عاد كثر منها ..
حسن شاللي بكثر منها ؟؟
دانه هالمرور وهالطلعات ..باي يا عمري ..
نزلت دانه وراح حسن ..
دانه في حفظ الله ...
دخلت البيت ..وصدمها وقوف فيصل ..
من هذا؟
دانه ما ردت ..ما عرفت ترد عليها بإجابه ولا ترد بسؤال انت شدخلك؟
فيصل ما يعني أن أخوي يغيب تلعبين بذيلج من وراه ..
وتحولت نظراته نارية لما رفعت دانه حواجبها استنكار ..
فيصل هذا حسن ..أكبر مغازلجي في الدوحه!! وطالع مع مين مع زوجة أخوووي المصوون؟؟ ولا بكل وقاحه تبوسينه جدام الخلق كلهم؟؟
كان يصارخ بأقوى صوت ممكن ..اجتمع البيت كله على صياحه ..دانه سكتت ..بس ما نزلت راسها ..علشان ما يعتبرها مذنبة ..سكتت ناطرته يهدى شوي علشان ترد عليه ..
وقط له كم كلمة جارحه ..دانه انطرته وكانت تواجهه بقوة ..
فيصل ما ترديين؟؟
حست دانه انه هدى شوي ..
بختصر هالكلام الجارح ..وهالاتهامات الباطله اللي أنا بريئة منها وهالتدخل من طرفك لشي مالك خص فيه بجملة وحده بس..أنا اسمي الدانه حسن,,وهاللي كان واقف بره اسمه حسن ناصر حسن ...ويكون ولد أخوي ..أعتقد هاللبس انحل هالحين ...عن اذنك ..
بكبرياء راحت دانه غرفتها ..وانصبغ ويه فيصل بألوان قوس قزح من الاحراج ..الكل يطالعونه بنظرة عتب..
الحلقة الثالثه عشر
الدانه بأي حق يكلمني جي؟؟
هدى ما عليج منه .. هذا فيصل ..محد يقرب منه ..تراه عقرب ..
الدانه ماتوصل لها الدناءة وقلة الادب ...
هدى بس موقفج كان قوي ..ورديتي عليه بأسلوووب روعه ..برودج وثقتج في نفسج بعد هالكلام القاسي ..كانت في محلها ..
دانه خل نروح لتركي .. نشوف اخر أخبار المنتدى ..
طلعت لتركي هي وهدى ...وتكلموا عن اخر المستجدات ..
تركي أدري فيصلوه مصخها معاج ..
دانه لا ..عادي ...شو تركي تكلمت مع حسن ورضى ياخذك معاه سيلين ..ويقول الشرط لوحيد انك تجي بروحك ..لانها جمعة شباب ..
تركي بس يالدانه أنا متردد ...أنا من زمان ما طلعت من البيت . ما أروح إلا مواعيد في العياده ..بس ...حتى المدرسة ما اروح لها ..
دانه لاتخاف ...حسون أنا واثقة منه ..أكيد بيدبر لك رحلة عجيبه ..
تركي اوكي .
دانه اوكي ..شوف تركش ...ترى حسن بيمر الخميس ياخذك في الليل ..وذا ما عجبك الوضع كلمني على طوول ..
تركي اوكي ..بس لاتناديني تركش ..
دانه لاتزعل مني ..بس وصيت حسنسن يناديك تركش ..هههههه
تركي أنا براويج .. الحين شيضمن لي ان ولد اخوج ما بيشيع هالتدليع بين ربعه ..
دانه ولا شي ..لانه شاعه اوريدي ..ههههههههههه
تركي الحين اسوي لج بانديد ..هالحين ,,
دانه ما سويت شي يخليك تمنعي ..
تركي لاتنسين أنا المدير لهالمنتدى ..اوكي ...
دانه ترى والله العظيم ياويلك .. حرام عليك .. أنا أكثر وحده تعاقبها في هالمنتدى ..
تركي تستاهلين ..
****************
حمدالله على السلامة ..
الله يسلمج ..
دخل لغرفة كانت مقفولة طول الوقت ..
استغربت الدانه ..كان تبي تروح ورا طالعت نفسها ..طالعت شعرها اللي فتحته..والمكياج الخفيف اللي حاطته ..والبدله اللي كانت لابستها ..ما كلف نفسه وطالع لها نظرة ..مو كافي اسبوعين ولا مفتكر فيها؟؟
لمت شعرها ..سوت اللي عليها ..اتصلت في قمر ..
قمر هلا عميمة .
دانه هلا ..شفيج ؟ أحسج مكتئبة؟
قمر في هالبيت بروحي ..ما تبيني أكتئب ؟؟
دانه خالج يا ,..تعالي مري ..
قمر ما اقدر اليوم ..ام الليل تبي تمرني ..
دانه ليلى؟؟ الحمارة من ملجت ولا فتكرت فيني ..
قمر ما أدري شفيها ..العرس بعد اسبوعين وهي متضايقة ..قلت أستدعيها وأشوف السبب ..ونفتح محضر ونشوف من المذنب و من البرئ ..
دانه تدرين ...هالحين بيي ..انطري شوي ,,
قمر خالي توه رجع من السفر ..
دانه هو نايم هالحين ولا بيطلع .. مسافة الطريق وأكون عندج .
صكرت دانه من قمر..كل شي عندها ولا خالد وليلى..أولوياتها تقتصر فيهم هم بس..ودام ام الليل متضايقة لازم تنفرد فيها ..وتحاول تهديها ..
قربت من غرفة ضاحي ..ورفعت يدها تبي تطق الباب لكنها صوته كان وايد عالي ..
))لا يا حبيبتي ...لاتخافين ..بعد بكره برجع أسافر بنغلاديش يومين وبمر لج اسبوع ....((
انصدمت دانه ...تيبست من الصدمة ..حبيبتي ؟؟ يومين وامرج اسبوع ؟؟ يمكن يكلم أمه ؟؟ أمه في البحرين..صج هو ما يهمها ..وشلون ما يهمها وهو زوجها خلاص؟؟ ارتبكت ..خذت نفس ...وطقت الباب ..
حست بربكة داخل ..
فتح الباب ..
نعم..
دانه بروح لقمر اذا ما عندك مانع ..
ما عندي ..
صكر الباب في ويهها ..انصدمت ..ارتجفت يدها ..السالفة فيها إن ...
التفت تبي تروح الغرفة تبدل ..طلع من بياخذج ؟؟
دانه الدريول ..مصطفى .
رد صكر الباب..انصدمت دانه.. هل هي متأكده أنها متزوجة هالشخص؟؟ اللي زين منه يطل في ويهها ؟؟ دخلت غيرت ملابسها ..وطلعت ..
******************
انتهى خالد من كل اوراقه ...وتأشيرات وأوراق الدراسه...بس بقى العرس ..اللي تقريبا انتهى من الحجوزات ولاشراف..حس أنه تعبان ..أسبوعين ويخلص كل شي ...صج لاهم مثل هم العرس ولا وجع مثل وجع الضرس .
عبير ..بو وليد ..
خالد هلا ..
عبير متى تييب العمال يسوون لك الغرفة والطابق اللي فوق ؟
خالد مأجل الفكره ...انا وبدور ليله العرس بنسافر ..وبنيليس ست شهور قبل لا نرجع . زيارة اسبوع بعدين نرجع نسافر ..
عبير واذا حملت بدور؟
خالد فكرة الحمل مؤجله ثلاث سنوات ..يمكن أكثر ..
عبير حرام عليك خالد ...
خالد شفيج؟
عبير أمي تبي تشوف ظناك ..
خالد بعد ثلاث سنوات ..
عبير ما أقساك يا أخي .ما أقول الا مسكينه هالبدور ..
خالد جب ..جب ..
عبير اييه ..ويا حريمكم ما أحلاكم ..وويا خواتكم شياطين مسلطة ..أنا قايمة لغرفتي ..
خالد أحسن ..تريحيني افتك من وجع الراس .
حس خالد أنه قسا على عبير.. عبير كلها اسابيع وتنزف لبيت ريلها .وبيفضى البيت على امه وأبوه ...ما يقدر يترك بدور هنا..توه متزوج ..وهي نفسها موب مالت واجبات ومايضمن انها تشيل امه وابوه في غيابه وتراعيهم ...
***************
فكرت دانه تتصل في خالد ..وتكلمة تسأله عن صحته ..وعن ليلى ..
مسكت جوالها .....وطلعت اسمه واتصلت فيه .
****************************
رن جوال خالد ...انصدم بالرقم ..كانت دانه ..دانه متصل فيه؟؟ عسى ما شر؟؟
الو ..
دانه هلا خلود ..حبيبي ...شخبارك؟؟ ألو خلود ..وينك يالغالي؟؟ خالد ...ألو ..خالد ووجع ..
طبعا خالد من الصدمة ..ماقدر يرد ولا يتكلم ...
دانه ..خلود ..عمري ..ليش ماترد؟..ألووو ..ألوو ..
خالد هلا دانه ...
طبعا دانه أول ما اسمعت صوت ثاني غير صوت خالد ...اسكتت ..حست بربكه..
خالد ولد ناصر؟؟
خالد لا ..أنا ولد خالج ...
دانه اوه...السموحه ولد الخال ...أزعجتك ..كنت أبي خالد ولد أخوي ..ما أطول عليك ..
خالد معقول ؟؟ لاسلام ولاسؤال عن الحال؟؟
دانه وهي بالعة احراجها غصب .. اوه ...اعذرني والله من الربكة والاحراج ...شلونك؟؟ شخبار البدور؟؟ متى انشاءالله ترجع من السفر؟
خالد قريب انشاءالله ..بتحضرين العرس؟
دانه شي أكيد ..مع أني سمعت من البدور انك ماييت عرسي ..
خالد معليش يا بنت عمتي اعذريني ...والله ماكنت فاضي ..
دانه عذرك معاك يا بو وليد ..عن اذنك ..الحين ..
خالد دانه..
دانه لبيه ...
خالد شلون ضاحي معاج؟؟
دانه الحمدالله يعزني ويكرمني ولا بنت شيوخ ..
خالد وأنتي بنت شيوخ .. اذا تعدى حدوده معاج ..أو ..
دانه لا ..ما توصل يا ولد خالي لهالمواصيل ..لي أخوان أسند فيهم ظهري ..بس تسلم ...
خالد صدقيني يالدانه..أنا موجود ..اذا تبين أي شي ..
دانه تسلم ..والله يوفقك مع البدور ..تراها بنت طيوبه ..عن اذنك ..
خالد اذنج معاج ..حياج الله ..
صكر من عندها ..وهو حاس بفراغ داخله ..دانه حسسته بهالفراغ ..حس أنه ضيع فرصة من يده ..صوت دانه شلون خلاه مو على بعضه ..وكلامها المتزن ..طبعا في البداية ما هو الا لبس ..
أما بالنسبة لدانه ..كانت غارقة بدموعها ...وتصيح بقوة..
شالمشاعر الغلط اللي داخلها ؟؟ وليش الحين موب قبل؟؟
(كلامة كان حلو وايد ..حسيت فيه لهفة ..حسيت ؟أن فيه ..أستغفر الله يا ربي ..أنا على ذمة ريال وأفكر في غيره ؟؟ أستغفر الله ..كل السبب منك يا ضاحي ..أنت اللي خليتني أفتح الدفاتر ..أنت اللي خليتني أنتقم لكرامتي بدون شعور ..(
وصلها مسج ..زاد دموعها بزياده ..
(مدري رجا مدري وفا مدري احساس ..
أنطرك أدري قلت لي منت راجع (
ومثل ما توقعت كانت من خالد . ...حذفت رقمه من الجوال ... وكتبت مسوده في جوالها ..
(خبرتك انسان ذكي فاهم وواعي ..انسان يعرف قراره ماهمه وداعي ..
فلا تتمنى وترجى وتحاول خداعي ..ولاتذل نفسك ترى ماله داعي (
اتصلت في خالد ولد ناصر .
ألو ..
خالد هلا ..دانه شخبارج؟
حست دانه أن خالد تعبان ..
شفيك خالد صوتك موب طبيعي؟
خالد لا ..بس اليوم كنت في دوامي ..وطحت عليهم ..
دانه شلون ؟؟؟عسى ما شي جايد؟؟
خالد ما شي جايد .. ما كنت ماخذ الدوا الصبح ..تضايقت أنهم قالوا لأبوي ..
دانه قالوا لناصر؟؟ وشقال لك؟
خالد كان يبيني أسوي فحوصات بس رفضت وقلت له انه انخفاض بضغط ادم ..من كثر ما كنت مشغول للعرس ..ما صدق ..
دانه زين ..وأنت الحين؟
خالد خذيت الدوا موب مشكله ..الطيحه مازادت عن عشر دقايق بس ..وقدرت أسند طولي لين ما وصلت البيت ..بس أخوج ..موب مقتنع .
دانه يا عمري يا خالد ..يا عمري ..راعي نفسك ..ما نبي نخسرك ..
خالد أدري .. بس كنت مستعجل ..يوم قلت ليلى ..تضايقت وبدت تصيح ..ندمت أني قلت لها ..
دانه حرام عليك ..
خالد أدري ..دانه أنا الحين عند الإشاره ..وبتحول خضرا في أي وقت ..وأنا مشتت ..
دانه اوكي ..حط بالك على نفسك ..مع السلامة .
صكت من عنده ..وكان سبب كافي تنزل دموعها ...وانهارت تصيح بقوة ..بعدين هدت نفسها .. دقايق وتوصل بيت أخوها نايف ..
دخلت بيت نايف ..كانت قمر ناطره ..ومعاها ليلى ..
دانه السلام وعليكم السلام ..
قمر زين ييتي .. خذي ليلى وطلعوا غرفتي ..بسرعه ..
دانه ليش ؟
قمر بتييني اليوم يدتي ..من البحرين راح أبوي ييبها من المطار..
دانه شلون؟
قمر تو أبوي اتصل فيني وقال لي أنها تهاوشت مع خالتي ..ويات بتسكن هنا ..خصوصا بعد ما اكتشفت ان يدي مطلقها ..
دانه شلوون ؟؟
ليلى هاي ..
دانه أنا بريحج مني الدريول برا ..تعالي ليلى نروح مكان عام .بكره بزورها أنا ..لأن ضاحي ما يدري ....ولا تدرين ..اليوم انشاءالله في الليل بنيي ..
قمر بيكون أحسن .
طلعت دانه مع ليلى ..واتصلت في ضاحي
دانه هلا ضاحي ,,ضاحي ترى ما رحت لقمر ..اتصلت فيني خطيبة خالد وطلبت نطلع مع بعض اذا ما عندك مانع ..
ضاحي زين .
وصك التلفون ..اتصلت في قمر قمر ..محد يدري أني أدري أن عمتي موجوده ..أوكي؟
قمر ليش ؟
دانه بس جي ..اليوم المسا بزوركم مع ضاحي اوكي ؟
قمر اوكي ..باي .
التفت لليلى ..
اتصلت في خالد ..وقال لي شصار معاه اليوم ..
ليلى ما مسكت نفسها ..وانزلت دموعها ..
حرام ..والله خالد ما يستاهل ..
دانه أم اللول ..بس ..بتقلبينها نكد؟؟
ليلى المصيبة أني حبيته ..
دانه صحيح ؟ في هالاسبوعين ؟؟
ليلى ما تشوفينه يوم يكلمني ..غير ...انسان راقي مثقف ..محترم ..
دانه أنتي متأكده تتكلمين عن خالد ولد ناصر؟؟
ليلى اييه ..ليش شي قلته غلط ؟
دانه لا .. حاشاج ..بس دايم ..الرياييل لهم ويهه ثاني مع حريمهم ..ما تعرفينه .
ليلى يعني موب صحيح؟؟
دانه لاء صحيح ..بس كنت شوي بخرعج ..
ليلى اييه زين .. صج ضاحي رجع ؟
دانه اييه . تدرين لو اللي في بالي صحيح .. والله العظيم ماني عايشه معاه دقيقة وحده ..
ليلى وشو الي في بالج ؟
دانه شي ..
ليلى شكله جايد .
دانه أييه .
ليلى قولي لي ..
دانه اوكي ..بس ننزل ..مصطفى ..خذنا البخاري ..
ليلى بس أنا تغديت ..
دانه أنا لاء ,,
فتحت ليلى حلجها على كبره بعد اللي قالته لها الدانه عن حياتها ..
دانه طبعا هالكلام بيني وبينج وإن وصل لخالد بيكون اخر يوم في عمرج ..واييه .صكري حلجج لوزج طلعت لبرا .
ليلى الحين تقولين لي أن ..
دانه اييه ..
ليلى وهذا فيصل؟؟
دانه ما أدري ..بس موب مرتاحة له ..
ليلى وخالد؟
دانه ............................ ما أدري ..بس هو صار ريل البدور ..
ليلى بس ..من كلامه ..
دانه خالد ...مستحيل ..مو بس لأنه ريل البدور ..والسبب الثاني ..أنه ناصر قال له بتتزوجها ولا لا ..قال لاء ..يعني رفضني .هذا غير ان قمر تموت بترابه !!!!
ليلى مسكينه قمر ..أتخيل موقفها لما عرفت بزواج خالد وبدور ...زين ..شبتسووين لو اللي تفكرين فيه صحيح؟
دانه انت ..شرايج ..تكتشفين أن زوجج ..قضى أول اسبوعين من حياتكم مع بعض مع وحده ثانية ؟ هل بترضى كرامتج تكملين ثانية معاه ؟؟
ليلى أنا واثقة في خالد ..
دانه ليلى ..
ليلى كنت أمزح ..بس انشاء الله ما تكون شكوكج صحيحه ..
دانه شسوي الحين؟
ليلى حاول تهدين ..وبكره الستار ينكشف ..
دانه زين شفيني ما يخليه يقرب لي؟؟
ليلى يمكن الليله الأولى ..لما ..نمتي؟
دانه والله ما كنت أدري ..موب قاصده ..معقول ياخذ مني موقف لها السبب ؟؟
ليلى يا عمري يا دوين ...
دانه الظاهر خالد يحش فيني دايم جدامج ..والا من وين يبتي دوين؟
ليلى مرة ولا مرتين ..يتكلم أنج السبب في انه تزوجني ..ويشكر الله ..
دانه ...متى عرسكم بالضبط ؟
ليلى بعد عرس البدور بأسبوع وأربعة أيام .
دانه قرب ..وفستان العرس؟
ليلى مشى الحال واشتريته من دبي .
دانه ما راويتيني اياه يالنذله .
ليلى تعالي البيت أراويج اياه ..بس طلي ..موب مثل خالد ..مارضى حتى أنه يزورني .بس شوفي البرايت سايد ..
دانه ها؟
ليلى شوف الناحية الزينه ..هو قال وأقصد بهو ضاحي ..قال يومين في بنغلاديش وأسبوعين معاج ..يعني أسبوعين ويومين. ..وأنتي قلتي لي أنه غاب بالضبط بس أسبوعين ..!!!!!!!!
دانه والله أنج ..مهسترة ..شتقولين ويا ويهج؟؟ ذي بالنسبة للمرة الياية اللي يسافر فيها ويا ويهج !!
ليلى ما تدرين ..
دانه قومي قومي ,,,تراني شبعت ...
ليلى كيفج ..بس حاولي تتفائلين دايم ..وتذكري ..
دانه شتذكر ؟؟
ليلى لازم زواجج ينجح ..والا بتظلين بعدين متشحططة بين بيوت أخوانج ...ما بتلاقين أي بيت يضمج ..خصوصا بعد الطلاق ..
نزلت دانه راسها .
لي متى بيظل محكوم علي بالتشتت ؟؟
ليلى تذكري ..هالقرار في يدج ..
دانه ............... ما أدري .. في يدي ..أو في يد مين ..إذا الشخص اللي تزوجته ما يطل في ويههي حتى ..ليلى ..أحس أني ضايعه ..مالي مكان ..سواء كنت متزوجة ..ولا لاء ..
ليلى دانه ..دانه ..أرجوج ..لاتصعبين الأمور وتهولينها لي هالدرجة ..
دانه أحس أن حياتي ضاعت .. طول عمري أنا وأمي الله يرحمها كنا عايشين متطمنين ..ما همنا حد ..من توفت وأنا حياتي ضاعت ..صرت المربية الرسمية لعيال احواني وبناتهم ..انا موب معصبة من هالشي ..بالعكس ..على الأقل ..عيال اخواني رغم أنهم أكبر مني يحبوني وأنا أموت بترابهم ..والبنات نفس الشي ..لكن ..أنا اللي ضعت . دايم ..من مكان لمكان شايله هالشنطه ...لاهم راضين يرحموني ..ولاراضين رحمة الله تنزل ..ندمت على قرارت وايد ما اتخذتها ..لو أني متزوجة عامر؟؟ لو أني رضيت بخالد أيام ما كانت أمي تحن علي بالزواج منه ؟ يمكن كان أحسن لي من هالضياع اللي أنا فيه الحين ؟
*****************************
فهد خالد ..شفيك ؟
خالد لا ..ما في شي ..شلون الزواج معاك ؟
فهد لو أدري ..كان أجلته أربع سنوات ولا خمس ...الالتزام صعب ..
خالد كلكم تقولون جي ..لكن لو رد بكم الزمان كان تزوجتوا بنفس العمر ..
فهد خلص غداك ... لي متى بتظل تطالع في هالجوال ؟
خالد ناطر مسج .
فهد عذرا للتطفل ..من مين ؟
خالد من المدام ..
فهد اه ..المدام اللي في باغي ؟
خالد في باريس ..وي .
فهد وشاللي يخليك متأكد أنها هالحين في باغي مع هالوجوه السنعه والمناظر السنعه ..تفكر تطرش لج مسج؟
خالد شافت أشياء حلوة ..أكيد بتتذكرني ..
فهد يا غرورك يا خي ..مصدق نفسك .
خالد تنكر أني أجمل منك ؟؟ وأوسم وأحلى ولو شافتني مرتك تتحسر على زواجها منك ؟؟
فهد بس بس ..
خالد ناهيك لو عرفت أني دكتور ..
فهد خلاص ..فهمت !!! وصلت الفكرة ..
خالد ما أبي أمدح نفسي ..
فهد للحينك ما مدحت نفسك ؟؟ شباقي بعد تمدحه ..
خالد وايد ..ما بمدحلك شعري وعيوني ولا ملابسي ولا أخلاقي ..ولا سيارتي ..
فهد باس ..يا أخي والله فهمنا ... وصل الحجي ..بس ..اكرمنا بسكوتك ..الله يهني مدامتتك فيك ..
طبعا خالد كان ناطر المسج من دانة ...موب من بدور ..
فهد خالد . .. ادفع الحساب .
خالد كالعاده ماتغير فيك هالطبع الشين .
فهد شسوي ..مفلس .واخر الشهر بعيد .
خالد ارحمني يا أخي وراي عرس بيكسر ظهري من مصاريفه ..وكافي دافع مهر ميتين ألف للمدام .
فهد الله ,....ميتين ألف ؟؟ ششاري فيلا ؟؟
خالد لا ولا حتى بيت شعبي ....الفلل هاليومين بمليون وطالع...
فهد يا بني ..ماذا فعلت بك الأيام ليرتسم الحزن على ملامحك بقسوة؟ ؟
خالد فعلت ما فعلت ..لين الحين تتذكر المسرحيات ؟
فهد وأنا أقدر أنسى .. يمكن أشتغل ممثل ..
خالد ممثل ؟
فهد عندي الموهبة ...وبعدين..المربح أكثر .
خالد خل نقوم .. برجع البيت أضبط أموري .
فهد يالله ..
دفع فهد الحساب وعصب يوم خالد طلع بوكه ..وقال له انه ما كان يقصد إلا انه يمزح .
*****************
كانت دانه في غرفتها ..مرت غرفة تركي .. لكنه كان طالع ..ابتسمت ..أخيرا تركي شوي خفف من عزلته . من عرف شلة حسن وهو كل يوم معاهم ..
البنات طالعات للسيتي سنتر .. حست بضيج ..طلعت من غرفتها وتمت في الصالة تقلب في قنوات الريسيفر ..
طالعت الغرفة اللي حبس فيها ضاحي نفسه .. حست بضيج أكثر . .بعد شوي تروح مع ضاحي لأمه .. ياترى شبتقول لها ؟؟ واذا سئلتها عن الحياة هنا شبتقول ؟؟
في ايش سرحانه ؟؟
التفت ..وعدلت شيلتها ..
أنا زوجج ..تعدلين شيلتج مني ؟
دانه .......
نزلت راسها الدانه ..
لها الدرجة ما تبين تطلين في ويههي ؟
دانه لا ..موب القصد .. بس ..
ضاحي اتصلت فيني قمر ..وقالت لي أن أمي يات . وطلبت مني أييبج معاي ..اوكي ؟
دانه أوكي ..
ضاحي وشفيج بالقطارة تتكلمين ؟؟
دانه مافي شي ..
ضاحي زين قومي بدلي ثيابج ..بنروح الحين .
دانه الحين ؟
ضاحي عيل متى ؟؟ الساعة خمس ونص ..
دانه زين ..
طبعا كلماته خاليا من أي لون أو مشاعر ..كان يكلمها مثل ما يكلم قمر ولا هدى ..ماحست أنه ملتزم ناحيتها بشي ..
قفلت باب القسم .. وظل ضاحي برا ..وكانت تبي تروح غرفتها ..لكنها لقت الغرفة اللي كانت دايم مقفولة مفتوحة .. ما قاومت فضولها ..ودخلت .
طبعا ..غرفة ما فيها أي لمسات ..جرداء .. سرير واحد..كبير مع شرشف أبيض ..ومكتب كبير عليه أوراق وايد كثيرة ..الشي الوحيد اللي حست فيه حياة كان قلاس ماي فيه وردة فل وحده ..حتى الوردة مسودة شوي ..وريحتها شوي خفيفه ...ليش كان قافلها ؟؟ مافيها أي شي ..حتى خزانه مافيها !!طالعت الأوراق اللي على المكتب .. كانت معاملات .. بس ..أو مسودات ..يعني شغله .. والادراج مافيها شي غير أوراق ..عصبت ..مافي في الغرفة غير كرسي .. واحد ..غرفته تقريبا لاتكلمت فيها ..شو تكلمت ..لا تنفست بقوة بتسمع صدى نفسها..الأرض سراميك مشجر ..لونه باهت .وماعليه إلا قطعه سجاد صغيرة ..
حتى الستارة .. كانت بيضا باهته ..
طالعت الأرض .. كانت شنطته على الأرض ..ما منعت نفسها من أنها تفتحها ..بس ما كان فيها شي . غرفة فاضية باهته .. ليش يقفلها ؟؟
شالسر يا ضاحي ؟ كان في تلفون وفاكس على المكتب .. ولاب توب .. اللاب توب موصول بالنت ..
فتحته بشويش .. وشيكت الإيميلات المفتوحة .. ماكان فيها شي .. كلها من أشخاص .. أجانب . وكلها دعوات وأمور رسمية . عصبت .. شالسر ؟
صكت اللاب توب . رمت بجسمها على السرير .. ومسكت المخده وحظنتها بقوة ..
حست بقهر .. خل تطلع ..لايرجع ضاحي .. أول ماكانت تبي ترجع المخده ..انصدمت ....
كانت صور وايد تحت المخده .. ما مسكت دمعتها .. كان ضاحي مع وحده .. بسيطة .. باهته .. جمالها بسيط موب اللي يشد .. وشعر بني .. بس الصور تبين شي ثاني .ضاحي يضحك .. معاها .. وله صورة شايلها .. وصورة ياكلون مع بعض سندويتشات .. ويده كله على خصرها .. وصور لها وهي تضحك .. وهي تصارخ .. شي واحد كانت متأكده منه الدانه .. أنه ضاحي هذا اللي في الصور ..موب نفسه ضاحي اللي برا !!
الللي في الصور ..انسان ..ملامح ويهه تنطق أنه سعيد .. وفرحان .. مافيها أي قبح .. وهالانسانه اللي معاه ..فرحانه أكثر منه .. وهذا يعني أنهم يحبون بعض.. طالعت الصور وخلفيتها .. ما كان مكتوب شي .. طالعت ملامح ضاحي .. كان شخص وسيم في هالصور.. أول مرة تشوفه وهو يضحك .. موب معصب . ولا عاقد حواجبه بطريقة مزعجة.. ولا نظراته نارية مثل ماهي هالحين.. رجعت الصور مكانها .. ورتبت المخده مثل ما كانت وطلعت برا الغرفة ورجعت الباب مثل ما كان . فتحت باب القسم .. ودخلت غرفتها .. وقفلت الباب .. دخلت الحمام .
((مستحيل .. مستحيل .. شالحظ الردي .. شالحياة التعيسة ؟؟ حتى في زواجي ماني موفقة .. اه يايمه .. ليش دعيتي علي ؟؟ ليش متي وأنتي موب راضية عني .. ليش يا يمه ليش ؟؟؟؟ ((
دخلت تحت الدش وفرغت كل الي في قلبها من دموع ..
تعليق