تويت
ليلة وداعك ....
لونك غريب ولون عيني سحابه
هلت مزون دموعها واذهلتني
ياخوي غصباً غصب عني الكتابه
ليلة وداعك ليلةٍ عذبتني
طويت حرفي وانطوى في ثيابه
حتى القصايد من قهرها بكتني
سألت نفسي كيف ليلة غيابه
باسرج ثوانيها وهي ما رعتني
وشلون انام وجفن عيني عذابه
انه يشوف دموعك اللي كستني
اضم صدري واحسبك في رحابه
واصدق ان طيوف وصلك لفتني
اضمى قهر واروى دهر من سرابه
وابكي نهر واثرك سرابٍ بمتني
موقف صعب موقف رجال ومهابه
تبين فيها قسوةٍ كبّلتني
عزاي..... قلبك يوم سافر... بقى به
اربع معاني شفتها واذهلتني
الطيب والعزه وصوت النقا به
والرابعه دمعة رجل صبّرتني
اعجبتني ونقلتها لكم ...تدرون ماني بشاعره ....
تعليق