يلي جرحتني وش يفيدك جروحي*

قلي وانا اخلي لك القلب مفتوح



هذا جزاي يوم قلبي سموحي*

تغلط واقول الأوله وانت مسموح



لاصار حبي لك تحسبه امزوحي*

ابختصر قصة شقاي وأبروح



أسف انا المخطي جعلتك طموحي*

وأسف على حب غدا دمع وجروح



بنيتلك بالقلب قصر وصروحي*

وأسرفت في حبك على غير مصلوح



أبترك لو كان قلبي شفوحي*

بعز نفسي واكتم الهم بروح



انا بدويه تطرد سراب بلوحي*

وللناس سريه لو عني مابوح



بس اتركني للزمان الشحوحي*

أصير انا وياه ذابح ومذبوح



لو كان جرحك ماهقيته يروحي*

يبقى لي التذكار ويصير لي ضوح



وأبذكرك لاشفت ورق ينوحي*

أكيد يعني مثلي الورق مملوح



بيبقى غلاكم في ضميري نزوحي*

لو كنت من ذكراك منهي ومنصوح



هذي جروحك ساطيه وسط روحي*

وخليتني من عقبك من الوجد مطروح



ماطعت في حبك كلام النصوحي*

يقول راعي الحب مبلي ومفضوح


منقوووله