أبي منك بعد لحظه.....
بسولف لك عن الدمعة...
عن البسمة...عن الوردة...
عن الحلم الطفولي....عن رذاذ العطر والشمعة...
أبحكي لك عن أيامي...
عن أحلامي.....
عن أوهامي...
,,,,,,,,,,,,,,,,,,,,,,,,,,,,,,,,,,,,,,,,,,
أبوصف لك غروب الشمس
وكيف احزن إذا مرت تعزي لحظة غيابك..
ورعشة قلبي المغرم ... إذا جا اللي يسألني عن أحبابك....
وكيف ابكي إذا لي الشوق ماجابك...
وكيف إن المطر يفرح.... إذا مره قسى عليك وبلل ثيابك...
,,,,,,,,,,,,,,,,,,,,,,,,,,,,,,,,,,,,,,,
أبيك تعيشني لحظه...
مثل ما عشت فيني عمر...
تعال وحس بأنفاسي ...
بلهفة شوقي المجنون...
بغيرة خافقي المسكون ...
بفرحة نظرتي لنور للفجر...
,,,,,,,,,,,,,,,,,,,,,,,,,,,,,,,,,,,,,
أحبك يالبعيد اللي على صوتك أعيش العمر....
احبك يالغلا اللي في يدينه زفني للقبر....
أحبك هذي هي اخر حكاية حلم ...................
وتبخر...

أحبك ,, كلمة حملتها في ثنايا القلب ..
أحبك كلمة أزفها وما يثنيني فيها حد ..
أحبك ,, كلمة أمسي عليها ,,
وأصحى وملامحها تداعب صورة الأمس ..

أحبك يا تراها تكفي حق قلبك اللي لي حب ؟!
ولا تراها تقدر تزين لوحة سلب نورها الغدر ؟
ولا تراها تقدر تقولك ,, أني أخطيت ,,
ومنك اليوم أطلب الحب ؟!!

يمكن رحلت ,,
ويمكن وراي خلفت قلب ٍ يبكي حاضره بالأمس ..
ويمكن تركت قلب ٍ .. تعذب ولأجل حبي يعيش الهم ؟!

لكني اليوم أبى أرجع ,,
وبعيد لقلبك النبض ,, وبسقيه روعة الهمس ..
يمكن أمس قلت أحبك ..
لكن اليوم بات حبك يسري فيني مسرى الدم في العرج ..
يمكن أمس قلتها ,, ورميتها ..بلا معنى ,, بلا مغزى ..
لكني اليوم أقولها .. وبها أنوي أمسح صورتي اللي كانت بالأمس
!!


أتمنى تنال أعجابكم