تويت
بغداد مو مثل امس
امس جانت عروسة امكحله ابليل
ا و مضارب للمثل صاير لبسهه
اوعله حسهه البلابل تنكر الصوت
اوتذوب الدنيه من تسمع همسهه
اوبيهه الليل وجنه اوشفه تنباس
او تحير الكاع من تطلع شمسهه
امس جانت حضن بيه راحه للبال
اودفو الكانون من يطلع نفسهه
امس جانت قصيده اوبيت من بيت
اويضحك الكون من يضحك ضرسهه
امس جانت خميس ابكل الاسبوع
اوتطش افراحهه ابطرحة عرسهه
عجيبه اشلون هسه اتبدل الحال
اوتغير كل فرح جان ابأمسهه
ذبل بيهه الورد والشعر والناس
اوعله اطراف الشفايف يبس حسهه
طب ليهه الغريب اوبجه العيون
اوسحلهه من ضفايرهه اورفسهه
جانت درس تنطي الدنيه بغداد
عساهه ابخت من ينكر درسهه
عساهه ابخت كلمن باعهه ابليل
اومنهه اجيوب بالباطل ترسهه
(((اريد ابأيدي اغطيهه وامسهه
الحبيبه الجنت اصابحهه وامسهه
فرق مابين حاضرهه وامسهه
فرق بعد السمه عن الوطيه))))
ا و مضارب للمثل صاير لبسهه
اوعله حسهه البلابل تنكر الصوت
اوتذوب الدنيه من تسمع همسهه
اوبيهه الليل وجنه اوشفه تنباس
او تحير الكاع من تطلع شمسهه
امس جانت حضن بيه راحه للبال
اودفو الكانون من يطلع نفسهه
امس جانت قصيده اوبيت من بيت
اويضحك الكون من يضحك ضرسهه
امس جانت خميس ابكل الاسبوع
اوتطش افراحهه ابطرحة عرسهه
عجيبه اشلون هسه اتبدل الحال
اوتغير كل فرح جان ابأمسهه
ذبل بيهه الورد والشعر والناس
اوعله اطراف الشفايف يبس حسهه
طب ليهه الغريب اوبجه العيون
اوسحلهه من ضفايرهه اورفسهه
جانت درس تنطي الدنيه بغداد
عساهه ابخت من ينكر درسهه
عساهه ابخت كلمن باعهه ابليل
اومنهه اجيوب بالباطل ترسهه
(((اريد ابأيدي اغطيهه وامسهه
الحبيبه الجنت اصابحهه وامسهه
فرق مابين حاضرهه وامسهه
فرق بعد السمه عن الوطيه))))
تعليق