تويت
كسرت له أجمل ألعابه
.
.
.
في داخلي طفل تربى على يديك وكبر
وصار شوقك وحبك عنده أجمل ألعابه ..
طفل صغير ماعرف وشهي صواديف الدهر
وماعرف غير اللّعب وكل طلباته مجابه ..
كان يعشقك بجنون وانت له كل العمر
وانت انفاسه وهواه وانت راحاته وعذابه ..
أنت له كل مايملك..سمعه..وكل النظر
وانت له ماما و بابا وانت اخوانه وأصحابه ..
كان يلعب معك لعبه تحتاج لشوية صبر
لجل تعرف وش المجهول واسمها "لعبة غرابه"..
كان يفرح وهو مغمض ويتلمس للزّهر
لجل يتعرف عليها ويصرخ"اه تعوور يابابه" ..
ولافتح عينه تعجب انها حلوه..وريحتها عطر!!!
كيف يكون لها شوك تجرحت يدي بأسبابه؟ ..
تبتسم له ثم تشيله:"ماله داعي تفتكر"
خلها تبقى كذا ..وهي تعيش وسط غابه ..
عاش وهو يحمل سؤال"ليه بالذات الزهر"؟!
ومن حبه لك وعشقه نسى يسأل عن الإجابه ..
عاش هو والحب فتره جاهل حكم القدر
وجاهل انك تكون غير "سيّد أحبابه" ..
عاش حبك في خفوقه مايعرف وشهو الغدر؟
ومايعرف وشهي الخيانه مالها اسم بكتابه ..
وكان دايم يتعجب من السحاب لاجاء يمر!
وماحسب في يوم انك في حياته تكون سحابه!! ..
رحت جرحته..ثم طعنته تحت زخات المطر
لجل تغسل له جروحه..وتعلن لحبه اغترابه ..
وتاركه على الطريق يلفظ انفاس ويحتضر
حاضن الزهر بيدينه وأعلن الدم إنسكابه ..
رحت وتركت طفل يتيم بس يدوّر بين البشر
عن عيونك.. عن طيوفك .. عن مكانك عند بابه ..
تايه يبكي بسكوت ودمعته تحفر قبر
يصرخ في العالم..هو وينه ؟!..ادفنوني في ترابه ..
وينه انا بسأله .... ليه يتشبه بالزهر؟؟
ليه جرّحني وتركني جالسٍ أشكي غيابه ..
ليه ماتركني أفكّر؟ حتى لو إني بصغر؟!!
لجل ما انصدم انا لاكبرت بالإجابه!! ..
صار يصرخ..ليه تركني؟!وليه قلبه صار حجر؟!
ليه..دمر لي طفوله.. وعالمي أصبح خرابه؟!
مسكين قلبي هالطفل صار مرهون لقهر
يوم قسيت انت عليه وكسّرت له أجمل ألعابه!!
.
.
.
خاطره نالت على إعجابي ..
نقلتها لكم ل نعيش معاً حكاية هذا الطفل ,,
أتمنى تعجبكم ,,
.
.
.
( فلسفة مالها داعي صح )
تعليق